Published:Updated:

மருந்தில்லா மருத்துவம் - 23

மருந்தில்லா மருத்துவம் - 23
பிரீமியம் ஸ்டோரி
மருந்தில்லா மருத்துவம் - 23

பிராணவாயு

மருந்தில்லா மருத்துவம் - 23

பிராணவாயு

Published:Updated:
மருந்தில்லா மருத்துவம் - 23
பிரீமியம் ஸ்டோரி
மருந்தில்லா மருத்துவம் - 23
மருந்தில்லா மருத்துவம் - 23

டல் ஓர் அதிசயமான தானியங்கி எந்திரம். உடலிலுள்ள எல்லா உறுப்புகளும் இயங்குவதற்கு மூளை மற்றும் அடானமிக் (Autonomic) நரம்பு மண்டலம் எனும் இரண்டு மண்டலங்களும்தான் காரணம். உயிரற்ற உடலிலும் எல்லா பாகங்களும் இருந்தாலும், உயிருள்ள ஒரு மனிதனுக்கும், உயிரற்ற உடலுக்கும் என்ன வேறுபாடு... எது மிகவும் முக்கியமானது? எல்லா உறுப்புகளும் இயங்க உடலுக்கு சக்தி தேவை. நரம்பு மண்டலம் இருந்தாலும், நரம்பு மண்டலத்தையே இயங்கவைப்பது, பிராணவாயு. அது இல்லாவிட்டால் உயிர் இல்லை. பிராணவாயு எப்படி உடலை ஆரோக்கியமாக இயங்கவைக்கிறது, எவ்வாறு நோய் ஏற்படுகிறது, இந்தச் சக்தியைக்கொண்டே எப்படி நோயைக் குணப்படுத்துவது... எப்படி ஆரோக்கியத்தைப் பேணிக்காப்பது என்பதை அறிந்தால், சிகிச்சை எளிது.

மருந்தில்லா மருத்துவம் - 23

ஒட்டுமொத்த விகடனுக்கும் ஒரே ஷார்ட்கட்!

இதற்கு மருந்தில்லா மருத்துவ முறையில், பிரபஞ்ச சக்தி உடலின் உறுப்புகளை எவ்வாறு அடைகிறது, எவ்வாறு உதவுகிறது என்பதை அறிய வேண்டும். அக்குபஞ்சர் மருத்துவத்தில், உடலின் முக்கிய உறுப்புகளை பன்னிரெண்டாகப் பிரித்திருக்கிறார்கள். இவை, ஆறு ஜோடிகளாக வரையறுக்கப் பட்டிருக்கின்றன. இந்த ஆறு ஜோடி உறுப்புகளும் இணைந்து சமநிலையில் வேலை செய்தால், உடல் ஆரோக்கியமாக இருக்கும். எல்லா உறுப்புகளும் சக்தியுடன் 24 மணி நேரம் இயங்கினாலும், ஒவ்வோர் உறுப்பும், 24 மணி நேரத்தில், 2 மணி நேரத்துக்கு தானியங்கியாக அதன் பணியைப் புரியும். ஒவ்வோர் உறுப்பும், எந்த நேரங்களில் தனக்கான பணியைச் செய்து, உடலை ஆரோக்கியமாக வைத்திருக்கிறது என்பதை அறிந்தால், நோய்களுக்கு சிகிச்சை அளிப்பதை அறியலாம்.

இதை ஒரு வட்ட சுழற்சியாக வரையலாம். இந்த இரண்டு மணி நேரத்தில், செயல்பாடு பாதிக்கப்படும்போது பாதிப்புகள் ஏற்படுகின்றன. இந்த வட்டத்தில் முதலில் தொடங்குவது நுரையீரல். நுரையீரலில் தடையின்றி பிராணவாயு உட்செல்ல, `பிரம்ம முகூர்த்தம்’ எனப்படும் விடியற்காலையில் ஆழ்நிலைத் தியானம் செய்தால், நுரையீரல் ஆரோக்கியமாக இருக்கும். இதனால் உடலிலுள்ள ஒவ்வோர் அணுவும் சக்தி பெறுகிறது.

மருந்தில்லா மருத்துவம் - 23

ஒருவர் இரவில் தூங்க முடியாமல், விடியற்காலையில் மூச்சுத் திணறுகிறது, இருமல் அதிகமாகிறது எனும் சில அறிகுறிகளை விவரித்தால், அது தீவிரமடையும் நேரத்தைவைத்து, நுரையீரல் பாதிப்பு என அறியலாம். இதனால் சிகிச்சை அளிப்பது  சுலபமாகிறது. ஒரு சிலரின் அனுபவங்களைப் பற்றி விவரித்தால், இதை எளிதில் புரிந்துகொள்ளலாம்.

வயதான ஒரு பெண்மணி முதுகுவலிக்கு ரெய்கி சிகிச்சை பெறும்போது, `எனக்கு சரியாக 3 மணிக்கு இரண்டு உள்ளங்கைகளிலும் தாங்க முடியாத எரிச்சல் வந்து தூக்கத்தைக் கெடுக்கிறது. 5 அல்லது 6 மணிக்குப் பிறகு, அந்த எரிச்சல் போய்விடுகிறது’ என்றார். எரிச்சல் உள்ளங்கையில் இருந்தாலும், நேரத்தை மனதில்கொண்டு இவருக்கு ஆள்காட்டி விரலில் உள்ள நுரையீரல் மெரிடியனில் எரிச்சலைத் தணிப்பதற்கு புள்ளியைத் தேர்ந்தெடுத்து, இரண்டு நாள் சிகிச்சை அளித்த பின், பூரண நிவாரணம் கிடைத்தது.

சிலர். `விடியற்காலையில் மூச்சுத்திணறுகிறது. இதற்கு பஃப் (puff) உபயோகிக்க வேண்டியுள்ளது’ என்பார்கள்.  இதைச் சரிசெய்ய, நுரையீரலுக்கு பிராணவாயு சென்றடையும் பாதையைச் சரிசெய்ய ஆள்காட்டி விரலிலுள்ள நுரையீரல் மெரிடியனில் அடைப்புக்கான காரணமான புள்ளியில் அக்குபஞ்சர் செய்தால், சில நாட்களிலேயே பூரண நிவாரணம் கிட்டும்.

- தொடரும்  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism