Published:Updated:

ஏன்? எதற்கு? எதில்? - வைட்டமின் பி 12

ஒட்டுமொத்த விகடனுக்கும் ஒரே ஷார்ட்கட்

Use App
ஏன்? எதற்கு? எதில்? - வைட்டமின் பி 12
ஏன்? எதற்கு? எதில்? - வைட்டமின் பி 12

உணவுஅம்பிகா சேகர், டயட்டீஷியன்

பிரீமியம் ஸ்டோரி

சையனோ கோபாலமின் என்றும் அழைக்கப்படுகிறது வைட்டமின் பி 12. நீரில் கரையும் வைட்டமின் இது. மூளை மற்றும் நரம்பு அமைப்பின் இயல்பான செயல்பாட்டிலும் ரத்த உற்பத்தியிலும் இது முக்கியப் பங்கு வகிக்கிறது. உயிரணுக்களின் வளர்சிதை மாற்றத்துக்கும் இந்த உயிர்ச்சத்து மிக முக்கியம்.

மிகவும் சிக்கலான கட்டமைப்பைக் கொண்ட இது, உயிர் வேதியியலில் அபூர்வ தனிமமான கோபால்டைக் கொண்டுள்ளது. இந்த உயிர்ச்சத்தை உடல் இயற்கையாகத் தயாரித்துக் கொள்வது சிரமம் என்பதால், உணவு மற்றும் ஊசி மருந்துகளின் மூலமே குறைபாடு சரி செய்யப்படுகிறது. வரலாற்று ரீதியாக ரத்தச்சோகை நோயுடன் கொண்டிருந்த உறவின் மூலம்தான் வைட்டமின் பி 12  கண்டறியப்பட்டது.  நம் வயிற்றில் நல்ல பாக்டீரியாக்களால்  உருவாக்கப்படும் பி 12 உயிர்ச்சத்து, உணவில் உள்ள புரதத்துடன் சேர்ந்து சத்துகளை உறிஞ்சுவதில் பெரும் பங்கு வகிக்கிறது.

ஏன்? எதற்கு? எதில்? - வைட்டமின் பி 12

வைட்டமின் பி12 குறைபாட்டால் வரும் பிரச்னைகள்

* நாவறட்சி

* நரம்பு மண்டலப் பாதிப்பு (மரத்துப் போதல், கைகால்களில் குத்தல் உணர்வு)

* உடல் சோர்வு

* மலச்சிக்கல், பசியின்மை

* எடைக் குறைவு

* நாள்பட்ட குறைபாடு காரணமாக, 50 வயதுக்கு மேலானவர்களுக்கு முதுகுத் தண்டுவடம் பாதிப்பு

எவ்வளவு தேவை?

எஃப்டிஏவின் பரிந்துரைப்படி, ஒரு நாளைக்கு ஒருவருக்கு 6 மைக்ரோ கிராம் அளவு பி 12 தேவை.

கர்ப்பிணிகள், பாலூட்டும் தாய்மார்கள், சர்க்கரை நோய் உள்ளவர்கள்  மற்றும் 50 வயதுக்கு மேலானவர்கள் மருத்துவரின் பரிந்துரையின்படி, வைட்டமின் பி 12-ஐ மாத்திரைகளாகச் சாப்பிடலாம். ஊசியாகவும் போட்டுக் கொள்ளலாம்.

ஏன்? எதற்கு? எதில்? - வைட்டமின் பி 12



பி 12 உள்ள உணவுகள்

* மீன், இறைச்சி, கோழி, ஈரல், முட்டை

* பசும் பால் மற்றும் பால் பொருள்கள்

* செறிவூட்டப்பட்ட தானிய உணவுகள்

* சோயா

அசைவ உணவுகளில்தான் அதிகளவில் பி 12 கிடைக்கிறது. பாலைப் புளிக்க வைக்கும்போது பி 12 அழிந்து விடுகிறது. எனவே சைவ உணவுப் பழக்கமுள்ளோர், செறிவூட்டப்பட்ட சோயா பால், சூரியகாந்தி எண்ணெய், சீஸ் போன்றவற்றைச் சாப்பிடலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு