Published:Updated:

சத்தமின்றி வரும் சங்கடங்கள்!

சத்தமின்றி வரும் சங்கடங்கள்!
பிரீமியம் ஸ்டோரி
சத்தமின்றி வரும் சங்கடங்கள்!

சத்தமின்றி வரும் சங்கடங்கள்!

சத்தமின்றி வரும் சங்கடங்கள்!

சத்தமின்றி வரும் சங்கடங்கள்!

Published:Updated:
சத்தமின்றி வரும் சங்கடங்கள்!
பிரீமியம் ஸ்டோரி
சத்தமின்றி வரும் சங்கடங்கள்!

த்தமில்லாமல் நம் உடலில் உருவாகும் புற்றுசெல்கள், கொஞ்சம் கொஞ்சமாகப் பல்கிப் பெருகி நம்மை

சத்தமின்றி வரும் சங்கடங்கள்!

இறப்பின் வாயிலுக்கு அழைத்துச் செல்லும். ஆனால், ஆரம்ப நிலையிலேயே கண்டறிந்தால், புற்றுநோய் குணப்படுத்திவிடக்கூடிய நோய்தான்.

புற்றுநோய் வந்துவிட்டாலே இறப்பு உறுதிதான் என்ற நிலை மாறிவிட்டாலும், இந்த நோயால் ஏற்படும் உயிரிழப்புகள் தொடர்ந்துகொண்டுதான் இருக்கின்றன. நவீன மருத்துவத்தில் புற்றுநோய்களை எளிதில் கண்டறியும் தொழில்நுட்பங்கள் வந்துவிட்டாலும், ஆரம்பநிலை அறிகுறிகளை நோய் பாதித்தவர்களாலேயே உணர முடியும் என்கிறார்கள் மருத்துவர்கள்.

சில அறிகுறிகள்  குறிப்பிட்ட நோய் பாதித்திருப்பதை நேரடியாகச் சுட்டிக்காட்டும். சிலது மறைமுகமாக உணர்த்தும்.  உங்கள் உடலில் நிகழும் சில திடீர் மாற்றங்கள், புற்றுநோயை உணர்த்துவதாகவும் இருக்கலாம். எதையும் அலட்சியப்படுத்தாமல் அலெர்ட்டாக இருங்கள்...

திடீர் உடல் எடைக்குறைவு

கடுமையான உடற்பயிற்சியோ உணவுக்கட்டுப்பாடோ இல்லாதபோது, இயல்புக்கு மாறாக திடீரென உடல் எடை குறைந்தால், கணையம், வயிறு, நுரையீரல் ஆகியவற்றில் ஏற்பட்டுள்ள புற்றுநோய்கூட இதற்குக் காரணமாக இருக்கலாம்.

சோர்வு

மனஅழுத்தம் அதிகரித்தல், இயல்புக்கு மாறாக சோர்வாக உணர்தல். இவை பெருங்குடல், வயிற்றுப் புற்றுநோய் மற்றும் லுகேமியா (leukaemi) என்கிற ரத்தப் புற்றுநோயின் அறிகுறியாக இருக்கலாம்.

திடீர் ரத்தப்போக்கு

உடலில் புற்றுநோய் ஏற்படும் உறுப்பைப் பொறுத்து இதன் அறிகுறிகள் மாறுபடும். இருமும்போது மூக்கில் ரத்தம் வந்தால், அது நுரையீரல் புற்றுநோயின் அறிகுறியாக இருக்கலாம். மாதவிடாயின்போது இயல்பைவிட, அதிக ரத்தப்போக்கு ஏற்பட்டால், கர்ப்பப்பை அல்லது கணையப் புற்றுநோய்க்கான அறிகுறியாக இருக்கலாம். மலத்தில் ரத்தம் வந்தால், பெருங்குடல் அல்லது மலக்குடல் புற்றுநோய்க்கான அறிகுறியாக இருக்கலாம். சிறுநீரில் ரத்தம் கலந்து வந்தால் அது சிறுநீரகம் அல்லது சிறுநீரகப் பையில் ஏற்பட்டுள்ள புற்றுநோயாக இருக்கலாம்.

வலியில்லாத கட்டிகள்

சத்தமின்றி வரும் சங்கடங்கள்!

புற்றுநோய்க் கட்டிகள் பெரும்பாலும் வலியில்லாத கட்டிகளாகவே இருக்கும். சில நாள்களில் குணமாகாத கட்டியாகவோ வீக்கமாகவோ இருந்தால், அது புற்றுநோய் கட்டியாக இருக்கலாம். பெண்களுக்கு மார்பகத்தில் வலியில்லாத அல்லது வலியுடன் கூடிய கட்டி இருந்தால், உடனடியாக மருத்துவரிடம் சென்று ஆலோசனை பெறுவது நல்லது.

ஆறாத புண்கள்

வாய், இனப்பெருக்க உறுப்புகள் போன்ற இடங்களில் ஆறாத புண்கள் இருந்தால், அது தோல் புற்றுநோயின் அறிகுறியாக இருக்கும்.

இருமல், தொண்டை வலி

அலர்ஜி, ஆஸ்துமா அல்லது சைனஸ் என எந்தப் பிரச்னையும் இல்லாதபோது, சுவாசிப்பதில் சிரமம், மூச்சுத் திணறல், குரலில் கரகரப்பு, உணவை விழுங்குவதில் சிரமம் போன்ற அறிகுறிகள் இருந்தால் மருத்துவரைச் சந்தித்து ஆலோசனை பெறுவது நல்லது.

மலச்சிக்கல், வயிற்றுப்போக்கு

சிறுநீர் கழிக்கும்போது, அதிகச் சிரமம் ஏற்பட்டால் அது புராஸ்டேட் புற்றுநோய்க்கான அறிகுறியாகவும், நாள்பட்ட மலச்சிக்கல், வயிற்றுப்போக்கு போன்ற பிரச்னைகள் இருந்தால், பெருங்குடல் புற்றுநோயின் அறிகுறியாகவும் இருக்கலாம்.

தொடர் காய்ச்சல்

நீண்ட காலமாகத் தொடரும் காய்ச்சல், லுகேமியா (leukemia) புற்றுநோய்க்கான அறிகுறியாக இருக்கலாம்.

கவனம்: இந்த அறிகுறிகள் புற்றுநோய் தவிர மற்ற நோய்களாலும் ஏற்படலாம். எனவே, இந்த அறிகுறிகள் இருந்தால், மருத்துவரை அணுகிப் பரிசோதித்துக்கொள்வது நல்லது.

- ஜி.லட்சுமணன்