Published:Updated:

மகிழ்வித்து மகிழுங்கள்...நண்பர்களைக் காப்பாற்றுங்கள்...

மகிழ்வித்து மகிழுங்கள்...நண்பர்களைக் காப்பாற்றுங்கள்...
பிரீமியம் ஸ்டோரி
மகிழ்வித்து மகிழுங்கள்...நண்பர்களைக் காப்பாற்றுங்கள்...

மகிழ்வித்து மகிழுங்கள்...நண்பர்களைக் காப்பாற்றுங்கள்...

மகிழ்வித்து மகிழுங்கள்...நண்பர்களைக் காப்பாற்றுங்கள்...

மகிழ்வித்து மகிழுங்கள்...நண்பர்களைக் காப்பாற்றுங்கள்...

Published:Updated:
மகிழ்வித்து மகிழுங்கள்...நண்பர்களைக் காப்பாற்றுங்கள்...
பிரீமியம் ஸ்டோரி
மகிழ்வித்து மகிழுங்கள்...நண்பர்களைக் காப்பாற்றுங்கள்...

`உன் நண்பன் யார் என்று சொல், நான் உன்னைப் பற்றிச் சொல்கிறேன்’ என்பார்கள். நட்பு என்பது ஒருவரின் ஆளுமையை எந்த அளவுக்கு மாற்றியமைக்கக்கூடியது, மனதில் ஆதிக்கம் செலுத்தக்கூடியது என்பதையே குறிப்பிட்டுச் சொல்கிறது இந்த அனுபவமொழி. இந்த வரிகளுக்கு வலுசேர்ப்பதுபோல் அமைகின்றன சமீபத்திய ஆய்வுகள். நம்முடைய நண்பர்களின் மனநிலையும் பழக்கவழக்கங்களும் நமக்கும் தொற்றிக்கொள்ளும் என்கின்றன அந்த ஆய்வுகள். பொதுவாகக் கிருமிகள்தான் ஒருவரிடமிருந்து மற்றவருக்குப் பரவும் என்பது நமது எண்ணமாக உள்ளது. இந்தப் பழக்கங்களும்கூட ஒருவகையில் தொற்றுநோய்தான் என்கின்றன ஆய்வு முடிவுகள். அதேசமயம் மற்ற தொற்றுநோய்களைப்போல் இது விபரீதமானது இல்லை என்றாலும், கொஞ்சம் கவனமாக இருந்தால் இதிலிருந்து தப்பிக்கலாம் என்கிறார்கள் மருத்துவர்கள். அப்படியான பழக்கங்கள் எவை, அவற்றிலிருந்து எப்படி விடுபடுவது என்று பார்ப்போமா?

மகிழ்வித்து மகிழுங்கள்...நண்பர்களைக் காப்பாற்றுங்கள்...

மனஅழுத்தம்

மனஅழுத்தத்தில் உள்ள ஒருவரின் மனநிலையானது, மற்றவர்களையும் வெகுவாகப் பாதிக்கும். பாதிக்கப்பட்டவரிடமிருந்து, மனஅழுத்தத்தை நம் மூளையும் உள்வாங்கிக் கொள்ளுமாம். எனவே, பணிச்சூழலில் நீங்கள் அதிக மனஅழுத்தத்தில் இருந்தால், ஒரு பிரேக் எடுத்துக்கொள்ளுங்கள். இது உங்களுக்கும் உங்களைச் சுற்றியுள்ளவர்களுக்கும் நன்மை பயக்கும்.

மகிழ்வித்து மகிழுங்கள்...நண்பர்களைக் காப்பாற்றுங்கள்...

மகிழ்ச்சி

கலிஃபோர்னியாவில் உள்ள ஹார்வர்டு பல்கலைக்கழகம் ‘மகிழ்ச்சி’ குறித்த ஓர் ஆய்வு மேற்கொண்டது. அதில், நீங்கள் மகிழ்ச்சியாக இருக்கிறீர்கள் என்றால், உங்களைச் சுற்றியுள்ள நண்பர்களும் சுற்றத்தாரும் மகிழ்ச்சியாக இருக்கும் வாய்ப்பு அதிகரிக்கும் என்பது தெரியவந்துள்ளது. எனவே, மகிழ்வித்து மகிழுங்கள் மக்களே!

மகிழ்வித்து மகிழுங்கள்...நண்பர்களைக் காப்பாற்றுங்கள்...

எதிர்மறை எண்ணங்கள்

எதிர்மறையான எண்ணங்கள் உள்ள ஒருவருடன் அதிக நேரம் செலவிடும்போது, அவருடைய எதிர்மறை எண்ணங்கள் நமக்கும் தொற்றிக்கொள்ளுமாம். அமெரிக்காவின் நோட்ரா டேம் பல்கலைக்கழகம் மேற்கொண்ட ஆய்வில் இது கண்டறியப்பட்டுள்ளது.

எனவே, எதிர்மறையான சிந்தனை உள்ளவர்களிடமிருந்து உங்கள் நட்பைத் துண்டித்து விடுங்கள்.

மகிழ்வித்து மகிழுங்கள்...நண்பர்களைக் காப்பாற்றுங்கள்...

தும்மல், கொட்டாவி...

இருமல், தும்மல், புன்னகை, அழுகை, கொட்டாவி போன்றவை அனைத்தும் இயற்கையான நிகழ்வுகள். ஆனால், உங்களுக்கு அருகில் உள்ளவர்கள் தும்மல் போட்டாலோ கொட்டாவி விட்டாலோ சில நேரங்களில் அது உங்களையும் தொற்றிக்கொள்ளும். மற்றவரின் இத்தகைய நடவடிக்கைகளைக் கவனிக்கும்போது நமது மூளையும் அதைக் காப்பி அடித்து விடுகிறதாம். எனவே, மற்றவர்களின் கவனத்தை ஈர்க்குமளவுக்கு இதுபோன்ற செயல்களைச் செய்யாதீர்கள். அதற்காகத் தும்மல், கொட்டாவி போன்ற பல்வேறு இயற்கைச் செயல்பாடுகளை அடக்கவும் கூடாது. கைக்குட்டை வைத்துத் தும்மலாம்; கொட்டாவி விடலாம்.

மகிழ்வித்து மகிழுங்கள்...நண்பர்களைக் காப்பாற்றுங்கள்...

புகைப் பழக்கம்

ஒருவர் புகைப்பழக்கத்தை விடும்போது, அவரைச் சார்ந்த நண்பர்கள் மற்றும் உறவினர்களில் 36 சதவிகிதத்தினர் புகைபிடிக்கும் பழக்கத்தைக் கைவிடுவார்கள் என்கிறது அமெரிக்காவின் நோட்ரா டேம் பல்கலைக்கழக ஆய்வு. நீங்கள் புகைபிடிப்பவராக இருந்தால் இன்றே புகைப்பழக்கத்தைக் கைவிட்டு, உங்கள் நண்பர்களையும் காப்பாற்றுங்கள்.

- ஜி.லட்சுமணன்