Published:Updated:

நீரின்றி இயங்காது உடல்!

நீரின்றி இயங்காது உடல்!
பிரீமியம் ஸ்டோரி
நீரின்றி இயங்காது உடல்!

சுந்தர்ராமன், பொது மருத்துவர்

நீரின்றி இயங்காது உடல்!

சுந்தர்ராமன், பொது மருத்துவர்

Published:Updated:
நீரின்றி இயங்காது உடல்!
பிரீமியம் ஸ்டோரி
நீரின்றி இயங்காது உடல்!

`நீரே! உல‌கில் முக்கால் பாக‌ம் நீதான்! ஆயினும் நீ கிடைக்க‌வில்லை என்றுதான் உல‌க‌மே மூக்கால் அழுகிற‌து..!’ உண்மையைச் சொல்லும் கவிதை வரிகள் இவை. யதார்த்தம் இப்படியிருக்க, மனித உடலின் தண்ணீர்த் தேவையைப் போக்கித் தாகம் தணிப்பதில் தண்ணீருக்கு நிகராக வேறு எந்தப் பானமும் கிடையாது. நாள் ஒன்றுக்கு 8 முதல் 10 டம்ளர் தண்ணீர் குடிக்க வேண்டும் என்பது மருத்துவர்களின் அறிவுரை. இந்த அறிவுரை அனைவருக்கும் 100 சதவிகிதம் பொருந்தாது.  ஒவ்வொரு வரின் உடல் அமைப்பும் ஒவ்வொரு மாதிரியாக இருக்கும்.  அதற்கேற்ப அவர்களின் தண்ணீர்த் தேவை வேறுபடும். ஆனால், நம் உடல் தனக்குத் தேவையான நீர்த்தேவையைச் சில அடையாளங்கள் மூலம் நமக்கு அழகாக வெளிப்படுத்தும். அப்படியான சில சமிக்ஞைகளைப் பார்ப்போம்.

நீரின்றி இயங்காது உடல்!

தாகம்

நம் உடலில் ஏற்பட்டிருக்கும் நீர்வறட்சி யைத் தெளிவாக உணர்த்துவது தாகமே. நம் உடலில் நீரிழப்பு ஏற்பட்டதற்கான முதல் அறிகுறியே தாகம்தான். ஆனால், தாகம் எடுக்கும்வரை நாம் காத்துக் கொண்டிருக்கக்கூடாது. ஆகவே, எப்போதும் அருகில் வாட்டர்கேனில் தண்ணீர் வைத்துக் கொண்டு அடிக்கடி குடித்து வருவது நல்லது.

உதட்டில் விரிசல், வறட்சி

உடலில் நீர்ச்சத்துக் குறைந்ததற்கான அழகான குறியீடு உதட்டில் விரிசல், வறட்சி. நம் உடலின்

நீரின்றி இயங்காது உடல்!

உட்பகுதிக்கு என்ன தேவை என்பதை, நம் உடலின் வெளிப்புறப் பகுதிகள் நமக்குத் தெளிவாக உணர்த்தும். அந்த அடிப்படையில் உதடுகள் அந்த வேலையைச் சரியாகச் செய்யக்கூடியவை. அதை உணர்ந்து தேவையான அளவு நீர் அருந்தி நம் உதடுகளையும் உடலையும் நாம் பாதுகாக்க வேண்டும்.

அடர் மஞ்சள் நிறத்தில் சிறுநீர்

சிறுநீரின் நிறத்தை வைத்து நம் உடலில் நீர்வறட்சி ஏற்பட்டுள்ளதா என்பதை எளிதாகக் கண்டறியலாம். சிறுநீர் அடர்ந்த மஞ்சள் நிறத்தில் இருந்தால் கண்டிப்பாக அதிகளவு தண்ணீர் குடிக்க வேண்டும். வெளிர் மஞ்சள் நிறத்தில் இருந்தால் நலம். அப்படி இருந்தும் துர்நாற்றத்துடன் இருந்தால் நாம் அதிகமாகத் தண்ணீர் குடிக்க வேண்டியது அவசியம்.

மூச்சுவிடுதலில் மாற்றம்

நாம் ஒரு நிமிடத்துக்கு 14 முதல் 16 முறை மூச்சு விடுகிறோம். நம் உடல் நீர்வறட்சியால் பாதிக்கப்பட்டிருந்தால் வழக்கத்தைவிட அதிகமாக மூச்சுவிடுவோம். அதிகமாகத் தண்ணீர் குடிப்பது மட்டுமே இதைத் தவிர்க்க ஒரே தீர்வாக அமையும்.

அடிக்கடி தலைவலி

அடிக்கடி தலைவலி ஏற்பட, நம் உடலில் ஏற்படும் நீர்வறட்சி முக்கியக் காரணமாகும். போதுமான அளவு தண்ணீர் குடித்தால் தலைவலியிலிருந்து நாம் தப்பிக்க முடியும்.

தூக்கமின்மையா?

பல நாள்கள் இரவு நேரங்களில் தூக்கம் வராமல் நாம் கஷ்டப்படுவதுண்டு. நிம்மதியாக உறங்க முடியாமல் இடையிடையே கண்விழித்து அவதிப்படுவோம். இதற்கு நம் உடலில் ஏற்பட்டிருக் கும் நீர்வறட்சியே முதன்மைக்காரணியாக இருக்க முடியும். ஆகவே, தேவையான அளவு தண்ணீர் குடித்தால் நிம்மதியாக உறங்கலாம்.

எதிலும் கவனம் செலுத்த இயலாமை

எந்த ஒரு விஷயத்தையும் முழுமையாகச் செயல்படுத்த வேண்டுமென்றால், அந்தச் செயலின்மீது நம் முழுக்கவனமும் இருக்க வேண்டும். நம் உடலுக்கு நீர்த்தேவை இருந்தால் உடல் கண்டிப்பாக உங்களைக் கவனம் செலுத்த விடாது. ஆகவே, தேவையான அளவு நீர் அருந்தி நம் உடலைத் தயார் செய்துகொள்ள வேண்டும். அப்படிச் செய்தால்நம் கவனம் ஒருபோதும் சிதறாது, நாம் எடுத்த காரியத்தில் வெற்றி பெறலாம்.

மலச்சிக்கல், வயிற்றுவலி

நம் உடலுக்குத் தேவைப்படும் அளவு நீர் எடுத்துக் கொள்ளாவிடில் கண்டிப்பாக  மலச்சிக்கல் மற்றும் அதிகமான வயிற்றுவலி உண்டாகும். வயிற்றுவலிக்கு முக்கியக் காரணி நம் உடலில் ஏற்படும் நீர்வறட்சியே. இதைத் தடுக்க நம் உடல் தேவையானஅளவு நீர் அருந்த வேண்டியது அவசியம்.

அதிக வெப்பம் உணர்ந்தால்...

உடலில் அதிகமாக நீர்வறட்சி இருந்தால் நம் உடலானது அதிக வெப்பமாகும். அதிகமாகத் தண்ணீர் குடிப்பதன்மூலம் இதைத் தடுக்கலாம். தேவையானஅளவு நீர் எடுத்துக் கொண்ட பிறகும் வெப்பம் குறையவில்லை என்றால் மருத்துவரை அணுகுவது நல்லது.

- இரா.செந்தில் குமார்

நீரின்றி இயங்காது உடல்!

சருமத்தில் சுருக்கம்

நம் வயதைப் பொறுத்துச் சருமத்தின் சுருக்கத்தன்மை இருக்கும். சருமத்தின் நெகிழ்வுத்தன்மையைப் பொறுத்து, நம் உடலின் நீர்த்தேவையை உணரலாம். நம் கையின் பின்புறப் பகுதியில் மூன்று விநாடிகள் கிள்ள வேண்டும். அதன்பிறகு சருமம் உடனே தனது பழைய நிலையை அடைய வேண்டும். அப்படி இல்லையெனில் நீர்வறட்சியால் நாம் அதிகம் பாதிப்படைந்துள்ளோம் என்பது மருத்துவரின் எச்சரிக்கை