Published:Updated:

டாக்டர் டவுட் - தலைச்சுற்றல்

டாக்டர் டவுட் - தலைச்சுற்றல்
பிரீமியம் ஸ்டோரி
டாக்டர் டவுட் - தலைச்சுற்றல்

சஞ்சய் உடுப்பி காது, மூக்கு, தொண்டை நிபுணர்

டாக்டர் டவுட் - தலைச்சுற்றல்

சஞ்சய் உடுப்பி காது, மூக்கு, தொண்டை நிபுணர்

Published:Updated:
டாக்டர் டவுட் - தலைச்சுற்றல்
பிரீமியம் ஸ்டோரி
டாக்டர் டவுட் - தலைச்சுற்றல்

காலையில் எழுந்தவுடனேயே சிலருக்குத் தலைச்சுற்றல் ஏற்படும். எழுந்து நிற்கக்கூட முடியாது. ஆனால் சில நிமிடங்களில் தானாகவே சரியாகிவிடும். ஏன் வந்தது, எப்படி விலகியது என்று அறியாமல் குழம்புவோம். ரத்த அழுத்தமாக இருக்கலாம்... சோர்வினால் வந்த மயக்கமாக இருக்கலாம் என அலட்சியப்படுத்துவோம்.

‘`காதில் ஏற்பட்ட பிரச்னையாலும் இப்படித் தலைச்சுற்றல் ஏற்படலாம். அது ‘வெர்டிகோ’ எனப்படும். பெரும்பாலும் தானாகவே சரியாகக்கூடிய இந்தப் பிரச்னை, வயதாக வயதாக யாருக்கும் வரலாம். ஆண்களைவிடப் பெண்களுக்கு வர மூன்று மடங்கு அதிக வாய்ப்புள்ளது’’ என்கிறார் சென்னையைச் சேர்ந்த காது, மூக்கு, தொண்டை நிபுணர் சஞ்சய் உடுப்பி.

தலைச்சுற்றலுக்கான காரணங்கள் என்ன? அதைத் தவிர்ப்பதற்கான வழிகள் என்னென்ன? தீர்வுகள் என்ன? விளக்கமாகப் பார்ப்போம்.

டாக்டர் டவுட் - தலைச்சுற்றல்

தலைச்சுற்றல் ஏன் ஏற்படுகிறது?

காது மற்றும் மூளையில் பிரச்னை இருந்தால் தலைச்சுற்றல் ஏற்படும். இவை தவிர, அதிக ரத்தக்கொதிப்பு, சர்க்கரை இருந்தாலும் தலைச்சுற்றல் ஏற்படலாம். காது பிரச்னையால் தலைச்சுற்றல் ஏற்படும்போது சுற்றியுள்ள சூழலே சுற்றுவது போன்ற உணர்வு ஏற்படும். மூளைப் பிரச்னை, ரத்தக்கொதிப்பு, சர்க்கரை அளவு அதிகரிப்பு ஆகிய பிரச்னைகளின் விளைவாகத் தலைச்சுற்றல் ஏற்படும்போது கண்பார்வை

ஒட்டுமொத்த விகடனுக்கும் ஒரே ஷார்ட்கட்!

டாக்டர் டவுட் - தலைச்சுற்றல்

மங்குவது, கண்கள் இருட்டிப்போவது, ஒருபுறம் தள்ளுவது மாதிரியான பாதிப்புகள் இருக்கும். காது பிரச்னையால் ஏற்படும் ‘வெர்டிகோ’ தலைச்சுற்றல் நீண்டநேரம் ஒரே இடத்தில் உட்கார்ந்து எழும்போதோ, எதையாவது எடுக்கக் குனிந்துவிட்டு எழும்போதோ சிலருக்கு ஏற்படலாம். இது சில நொடிகளில் தானாகவே சரியாகிவிடும். சிலருக்கு அதிகாலையில் படுக்கையில் இருந்து எழும்போதும், இரவு தூங்கச் செல்லும்போதும் அந்த அறையே சுற்றுவதுபோல் இருக்கும்.

காதுப் பிரச்னையால் ஏற்படும் தலைச்சுற்றலின் அறிகுறிகள் என்ன?

எழுந்து நடக்க முடியாது. நடக்கலாம் என்ற தன்னம்பிக்கை இல்லாமல் போகும். நேராக உட்கார முடியாது. தலையைச் சிறிது அசைத்தாலே வலி அதிகமாகும். ஏசியில் இருந்தால்கூட வியர்த்துக்கொட்டும். திடீர் மயக்கம், காதில் இரைச்சல், காது கேளாமை போன்ற உணர்வுகள் ஏற்படும். உடனடியாகச் சிறுநீர் மற்றும் மலம் கழிக்க வேண்டும் என்ற உணர்வு ஏற்படும். வாந்தி வருவதுபோல் இருக்கும்.

இப்பிரச்னைக்கான காரணங்கள் என்ன?

மனிதர்களின் உட்காதில் மூன்று அரைவட்டக் குழாய்களில் எண்டோலிம்ஃப் என்றழைக்கப்படும் திரவம் இருக்கும். இந்தத் திரவத்துக்குள் சில உப்புத்துகள்கள் இருக்கும். இந்த உப்புத்துகள்கள் உடைந்து உட்செவியின் வால்வுகளுக்குள் செல்லும் வாய்ப்பு ஏற்பட்டால், அச்சமயங்களில் தலையை அசைக்கும்போது அத்திரவம் இருக்கும் நிலை மாறும். இதனால் தலைச்சுற்றல் ஏற்படும். இதை ‘பொசிஷனல் வெர்டிகோ’ என்கிறோம்.

காது பிரச்னையால் தலைச்சுற்றல் வந்தால் என்ன செய்ய வேண்டும்?

ஒருவருக்கு முதல்முறையாகத் தலைச்சுற்றல் ஏற்படும்போது முழு உடல் பரிசோதனை செய்துகொள்வது நல்லது. அப்போதுதான் காரணம் தெரிந்து சிகிச்சை செய்துகொள்ள முடியும். மேலும், தலைச்சுற்றல் என்பது பலருக்கும் மீண்டும் மீண்டும் வருகிற தொல்லை என்பதால், ஒருமுறை பரிசோதனையின் மூலம் அதன் காரணத்தை உறுதிப்படுத்திக்கொண்டால், அடுத்தமுறை தலைச்சுற்றல் ஏற்படும்போது காரணம் என்னவென்று தெரியாத அச்சம், குழப்பம் தவிர்க்கலாம்.

என்னென்ன பரிசோதனைகள் செய்யப்படும்?

பொதுவாக, தலைச்சுற்றல் ஏற்பட்ட நபருக்கு உட்கார்ந்த நிலையிலும் படுத்த நிலையிலும் ரத்த அழுத்தம் பரிசோதிக்கப்படும். முழு ரத்தப் பரிசோதனை உதவக்கூடும். ஆடியோகிராம், சி.டி. ஸ்கேன், எம்.ஆர்.ஐ. ஸ்கேன் உள்ளிட்ட காதுக்கான அனைத்துப் பரிசோதனைகளும் தேவைப்படும். சில வேளைகளில் கழுத்தெலும்பு எக்ஸ்ரே, கண் பரிசோதனை, தைராய்டு பரிசோதனை மற்றும் இதயத்துக்கான பரிசோதனைகளும் தேவைப்படும். சிலருக்குப் பிரச்னையின் தன்மைகேற்ப உடற்பயிற்சி செய்தாலே போதுமானதென அறிவுறுத்தப்படும்.

காது குடையும் பழக்கத்துக்கும் தலைச்சுற்றலுக்கும் சம்பந்தம் உள்ளதா?

காது தானாகவே வேக்ஸை உருவாக்கி, தன்னைத் தானே சுத்தப்படுத்திக்கொள்ளும் இயல்பைக் கொண்டது. சிலருக்குத் தினமும் குளித்து முடித்ததும் காதில் ஹேர்பின், பட்ஸ், சேஃப்டி பின் போன்றவற்றை விட்டு அழுக்கு எடுக்கும் பழக்கம் இருக்கும். காது  சென்சிட்டிவான உறுப்பு. இது போன்ற பொருள்களைக் காதுக்குள் செலுத்தும் போது, உள்ளே உள்ள மெல்லிய சவ்வுப்பகுதி தள்ளப்படும் அல்லது பாதிப்படையும். சில சமயங் களில் மெல்லிய சவ்வைத் தாண்டி எலும்புகளிலும் பாதிப்பு ஏற்படலாம். காது குடையும் பின், பட்ஸ் களால் ஏற்படும் பாக்டீரியா தொற்று, சுகாதாரமற்ற சூழ்நிலைகள்கூட காதில் பிரச்னைகளை ஏற்படுத் தும். இதனாலும் தலைச்சுற்றல் பாதிப்புவரலாம்.

இப்பிரச்னையை வருவதற்கு முன்பே  தவிர்க்க வழிகள் உண்டா?

காது குடைவதைத் தவிர்க்க வேண்டும். ஆண்டுக்கு ஒருமுறை காது, மூக்கு, தொண்டை நிபுணரிடம் சென்று சுத்தம் செய்துகொள்ளலாம். உணவில் உப்பைக் குறைக்க வேண்டும். அதிகக் கொழுப்பு உணவுகளைத் தவிர்க்க வேண்டும். சரியான ஓய்வும் உறக்கமும் அவசியம். புகைபிடிப்பது, மது அருந்துவதைத் தவிர்க்க வேண்டும். ரத்த அழுத்தம், ரத்தச் சர்க்கரை, ரத்தக் கொழுப்பைக் கட்டுக்குள் வைத்திருக்க வேண்டும். மருத்துவரின் ஆலோசனையின்றி மாத்திரைகள் உட்கொள்ளக் கூடாது. முறையான உணவு, உடற்பயிற்சி நல்லது. மனஅழுத்தம் இல்லாமல் அமைதியாக இருப்பதும் அவசியம்.

- ஆர்.ஜெயலெட்சுமி

டாக்டர் டவுட் - தலைச்சுற்றல்

எந்த மாதிரியான உடற்பயிற்சிகளைச் செய்ய வேண்டும்?

படுத்த நிலையில் கண்களைச் சுழற்றுதல், உட்கார்ந்துகொண்டு கழுத்துத் தசைகளுக்கும் தோள்பட்டைத் தசைகளுக்கும் பயிற்சி அளித்தல், தலையை முன்னும் பின்னும் வளைத்தல், பக்கவாட்டில் வளைத்தல், நடந்துகொண்டே பந்தைப் பிடித்தல் போன்றவை தலைச்சுற்றலைத் தடுக்க உதவும் பயிற்சிகள். இவற்றைக் காது, மூக்கு, தொண்டை நிபுணர் மற்றும் பிசியோ தெரபிஸ்ட் ஆலோசனையுடன் முறையாகச் செய்ய வேண்டும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism