Published:Updated:

கையே கைவிட்டுப் போகுமா? - இது ‘ஏலியன் ஹேண்ட் சிண்ட்ரோம்!’

கையே கைவிட்டுப் போகுமா? - இது ‘ஏலியன் ஹேண்ட் சிண்ட்ரோம்!’
பிரீமியம் ஸ்டோரி
கையே கைவிட்டுப் போகுமா? - இது ‘ஏலியன் ஹேண்ட் சிண்ட்ரோம்!’

கையே கைவிட்டுப் போகுமா? - இது ‘ஏலியன் ஹேண்ட் சிண்ட்ரோம்!’

கையே கைவிட்டுப் போகுமா? - இது ‘ஏலியன் ஹேண்ட் சிண்ட்ரோம்!’

கையே கைவிட்டுப் போகுமா? - இது ‘ஏலியன் ஹேண்ட் சிண்ட்ரோம்!’

Published:Updated:
கையே கைவிட்டுப் போகுமா? - இது ‘ஏலியன் ஹேண்ட் சிண்ட்ரோம்!’
பிரீமியம் ஸ்டோரி
கையே கைவிட்டுப் போகுமா? - இது ‘ஏலியன் ஹேண்ட் சிண்ட்ரோம்!’

‘பீச்சாங்கை’ என்றொரு படம்...

‘ஏலியன் ஹேண்ட் சிண்ட்ரோம் என்கிற விசித்திரப் பிரச்னை பற்றிப் பேசியிருக்கும் முதல் தமிழ்ப் படம் என்கிறது பட அறிவிப்பு.

அதென்ன ‘ஏலியன் ஹேண்ட் சிண்ட்ரோம்?’

உங்கள் உடலில் ஏதேனும் ஓர் உறுப்பு தன்னிச்சையாகச் செயல்பட்டால் எப்படியிருக்கும்? அது பயத்தை ஏற்படுத்தும். ஒருவித அசௌகரியத்தையும் உண்டாக்கும். இப்படிப்பட்ட ஒரு செயல் நம் உடலில் தொடர்ந்தால், அதன் விளைவு மிகவும் மோசமானதாகக்கூட மாறலாம். அப்படி நம் உடலில் கைகள் மட்டும் அனிச்சையாகச் செயல்படுவதை `ஏலியன் ஹேண்ட் சிண்ட்ரோம்’ (Alien Hand Syndrome) என்கிறார்கள். இது லட்சத்தில் ஒருவருக்கு ஏற்படக்கூடிய மிகவும் அரிதான நோய். சரி, இது ஆபத்தானதா... இதற்குத் தீர்வு உண்டா?  மருத்துவ நிபுணர்கள் விளக்குகிறார்கள்.

கையே கைவிட்டுப் போகுமா? - இது ‘ஏலியன் ஹேண்ட் சிண்ட்ரோம்!’

ஏலியன் ஹேண்ட் சிண்ட்ரோம்

நம் இரு கைகளில், ஒரு கை நம் கட்டுப்பாட்டை இழந்து தன்னிச்சையாகச் செயல்படும். அதாவது, நாம் செய்ய நினைப்பதற்கு நேர்மாறான செயல்களைச் செய்யும். மூளையின் கட்டுப்பாட்டிலிருந்து விடுபட்டு, தனித்துச் செயல்படும். இது, மூளையில் உண்டாகும் அதிர்ச்சியின் காரணமாக, நரம்பு மண்டலத்தில் ஏற்படும் பாதிப்புகளால் ஏற்படுவது. இதனால், இடது அல்லது வலது கை பாதிப்புக்குள்ளாகும். இதைத்தான் `ஏலியன் ஹேண்ட் சிண்ட்ரோம்’ என்கிறோம். இதை, `டவுன் ஹேண்ட் சிண்ட்ரோம்’ என்றும் கூறுவார்கள். பாதிக்கப்பட்டவரின் இடது அல்லது வலது கை தன்னிச்சையாக ஏதேனும் ஒரு செயலைச் செய்துகொண்டிருக்கும். பாதிக்கப்பட்டவருக்கு கை தன் கட்டுப்பாட்டை இழந்து செயல்படும்போது, அது உடலைவிட்டே நீங்கியது போன்ற உணர்வை ஏற்படுத்தும்.

அறிகுறிகள்

* இதன் அறிகுறிகளை நோயால் பாதிக்கப்பட்டவரால் உணர முடியும். அதே நேரத்தில் அவரின் செயல்கள் உடனிருப்பவர்களைக் குழப்பத்தில் ஆழ்த்தும்.

இடது / வலது கை உடலுடன் இருந்தாலும், அது இல்லாதது போன்ற உணர்வு.

தொடர்ந்து, ஒரே வேலையை ஒரு கை மட்டும் செய்துகொண்டிருப்பது.

தெரிந்த செயல்களைச் செய்வதுகூடக் கடினமாக இருக்கும்.

தீர்மானங்களில் தெளிவின்மை

பொருள்களை இடம் மாற்றி வைத்தல்.

ஒட்டுமொத்த விகடனுக்கும் ஒரே ஷார்ட்கட்!

கையே கைவிட்டுப் போகுமா? - இது ‘ஏலியன் ஹேண்ட் சிண்ட்ரோம்!’

காரணங்கள்

மூளையில் அறுவைசிகிச்சை, அந்த அறுவை சிகிச்சை தோல்வியில் முடிவது, பக்கவாதம், மூளைத்தொற்று, மூளைக்கட்டி, ரத்தம் உறைதல் மற்றும் மூளைச் செயல்பாட்டில் குறைபாடுகள் போன்றவற்றால் மூளையில் உள்ள நரம்புகளில் பாதிப்புகள் ஏற்படும்போது, ஏலியன் ஹேண்ட் சிண்ட்ரோம் ஏற்படும். `அல்சைமர்’ என்னும் மறதிநோய் உள்ளவர்களுக்கு இந்த நோய் ஏற்படுவதற்கான வாய்ப்புகள் அதிகம். வலது மற்றும் இடது மூளையை இணைக்கும் `கார்ப்பஸ் காலோசம்’ (Corpus callosum) என்ற பகுதியில் பாதிப்புகள் ஏற்படும்போது ஏலியன் ஹேண்ட் சிண்ட்ரோம் ஏற்படும்.

மூளை நரம்புகளுடன் கைகள் நேரடியாக இணைக்கப்பட்டிருக்கும். ஆகையால், மூளையில் சிறு பாதிப்புகள் ஏற்பட்டாலும், அவற்றின் பிரதிபலிப்பு முதலில் வருவது கைகளுக்குத்தான்.

பாதிப்புள்ளவர்களுக்கு என்ன நடக்கும்?

பெரும்பாலும், ஏலியன் ஹேண்ட் சிண்ட்ரோமால் பாதிக்கப்பட்டவர்களின் இடது கைதான் கட்டுப்பாடில்லாமல் செயல்படும்.

நாம் சட்டை போடும்போது வலது கை சட்டையின் பட்டனைப் போட்டால், இடது கை தன்னிச்சையாக அந்த பட்டனைக் கழற்றிக்கொண்டே வரும்.

பழங்களை நறுக்க முற்படும்போது, இடது கை கத்தியை எடுத்து நம்மையே பதம்பார்த்துவிடும்.

வலது கை மடிக்கிற துணிகளை இடது கை கலைத்துக்கொண்டே இருக்கும்.

உண்ணும் உணவை இன்னொரு கை தட்டிவிடும்.

உடனிருப்பவர்களைக் காரணமின்றி அடிக்கும். அதைக் கட்டுப்படுத்த முற்படும்போது மிகவும் மோசமான விளைவை ஏற்படுத்தும்.

*   ஒரு கை கதவைத் திறந்தால், மற்றொரு கை தன்னிச்சையாக அந்தக் கதவை மூடும்.

அருகே ஊசி போன்ற கூரான எந்தப் பொருள் இருந்தாலும், அதை எடுத்துத் தன்னிச்சையாகக் குத்திக் கீறி, உடலில் ரத்தக் காயங்களை உண்டாக்கும்.

ஒரு கையால் ஒரே செயலை மீண்டும் மீண்டும் செய்வதால், இவர் மனநலம் பாதிக்கப்பட்டவரோ என்ற பிம்பத்தைப் பார்ப்பவர்களுக்கு ஏற்படுத்தும்.

தீர்வுகள் உண்டா?

இந்த நோய்க்குத் தீர்வுகள் கிடையாது. நோயால் ஏற்படும் செயல்பாடுகளைக் கட்டுப்படுத்த மட்டுமே முடியும்.

ஏதேனும் ஒரு வேலையைக் கைகள் தானாகச் செய்துகொண்டிருக்கும்போது, அவற்றைக் கட்டுப்படுத்தி வைத்திருப்பதுதான் இதற்கான ஒரே தீர்வு.

உடனிருப்பவர்களின் ஒத்துழைப்பு மிகமிக அவசியம்.

கட்டுப்படுத்தும் முறைகள்

நாம் பார்க்கும்வரை நமது ஒரு கை என்ன செய்கிறது என்றே தெரியாது. ஆகையால், முடிந்தவரை நம்முடைய கவனம் பாதிப்புக்குள்ளான கையின்மீது இருக்கட்டும்.

ஒரே செயலை மீண்டும் மீண்டும் செய்யும்போது இடது / வலது கையை அழுத்திப் பிடித்துக் கொண்டிருக்கலாம்.

கைகளை அழுத்தியும் செயல் மீண்டும் பிரதிபலித்தால், கைகளை அழுத்தி அதனை அசையவிடாமல் செய்யலாம்.

பாதிப்புக்குள்ளான கையில் ஸ்ட்ரெஸ் பாலை அழுத்துவது, கைகளில் ஏதேனும் ஒன்றை வைத்துக்கொண்டு அதைப் பிசைவது அல்லது கை நரம்புச் செயல்பாட்டைச் சீராக்கப் பயன்படும் ஹேண்ட் எக்சர்சைஸைரைக் கொண்டு அழுத்திக்கொண்டே இருக்கலாம்.

- ச.மோகனப்பிரியா

‘தி ஏலியன் இன் மி’

கையே கைவிட்டுப் போகுமா? - இது ‘ஏலியன் ஹேண்ட் சிண்ட்ரோம்!’



இதே பிரச்னையை மையமாக வைத்து, குறும்பட இயக்குநர் அனு சத்யா ‘தி ஏலியன் இன் மி’ என்றொரு குறும்படத்தையும் எடுத்திருக்கிறார். ``அதென்ன, ஒரு கையை மட்டும் பாதிக்கும் அப்படி ஒரு பிரச்னை?’’ என்று அனு சத்யாவிடம் கேட்டோம். ``இந்த நோய் மிகவும் அரிதானது. இது லட்சத்தில் ஒருவருக்கு வருவது. இதைப் பற்றிப் பல ஆவணப்படங்கள் வந்துள்ளன. இது குறித்து நான் இணையத்தில் நிறைய தகவல்களைச் சேகரித்தேன். மூளையின் நரம்பு மண்டலத்தில் பாதிப்புகள் ஏற்படும்போது, இந்த ஏலியன் ஹேண்ட் சிண்ட்ரோம் ஏற்படும். எங்கள் குறும்படத்தில் கதாநாயகனுக்கு இந்தப் பிரச்னை இருக்கும். இந்த நோயிலிருந்து அவன் எப்படி மீண்டு வருகிறான் என்பதே கதை’’ என்கிறார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism