Published:Updated:

மருத்துவம் நலமா? - நிஜமும் நிழலும் - 22 - ரத்த வங்கிகள் வற்றக்கூடாது!

மருத்துவம் நலமா? - நிஜமும் நிழலும் - 22 - ரத்த வங்கிகள் வற்றக்கூடாது!
பிரீமியம் ஸ்டோரி
மருத்துவம் நலமா? - நிஜமும் நிழலும் - 22 - ரத்த வங்கிகள் வற்றக்கூடாது!

டாக்டர் வெ.ஜீவானந்தம்

மருத்துவம் நலமா? - நிஜமும் நிழலும் - 22 - ரத்த வங்கிகள் வற்றக்கூடாது!

டாக்டர் வெ.ஜீவானந்தம்

Published:Updated:
மருத்துவம் நலமா? - நிஜமும் நிழலும் - 22 - ரத்த வங்கிகள் வற்றக்கூடாது!
பிரீமியம் ஸ்டோரி
மருத்துவம் நலமா? - நிஜமும் நிழலும் - 22 - ரத்த வங்கிகள் வற்றக்கூடாது!
மருத்துவம் நலமா? - நிஜமும் நிழலும் - 22 - ரத்த வங்கிகள் வற்றக்கூடாது!
மருத்துவம் நலமா? - நிஜமும் நிழலும் - 22 - ரத்த வங்கிகள் வற்றக்கூடாது!
மருத்துவம் நலமா? - நிஜமும் நிழலும் - 22 - ரத்த வங்கிகள் வற்றக்கூடாது!

ஒட்டுமொத்த விகடனுக்கும் ஒரே ஷார்ட்கட்!

வ்வொரு கோடைக்காலத்திலும் இந்தியாவில் நதிகள் வற்றிப்போவது போலவே, ரத்த வங்கிகளும் வற்றிப் போகின்றன. இந்தியாவில் ரத்த தானம் என்பது பெரும்பாலும் கல்லூரி மாணவர்கள், இளைஞர்கள் தன்னார்வத்தோடு தருவதாக மட்டுமே இருக்கிறது. எனவே, கல்லூரிகளில் கோடை விடுமுறை விடும்போது, ரத்த வங்கிகள் திணறிப் போகின்றன. 

இந்தியாவுக்கு ஒவ்வொரு ஆண்டும் ஒரு கோடி யூனிட் ரத்தம் தேவை. இதில் எப்போதும் நமக்கு 20 சதவிகிதம் பற்றாக்குறை நிலவுகிறது. கோடையில் இது இன்னும் அதிகமாகி விடுகிறது. ஒரு நாட்டின் மக்கள்தொகையில் ஒரு சதவிகிதம் முதல் மூன்று சதவிகிதம் பேருக்கு, ஆண்டுக்கு ஒருமுறை ரத்தம் தேவைப்படுகிறது. இந்தியாவின் மக்கள்தொகையில் 65 சதவிகிதம் பேர் இளைஞர்கள். இவர்களில் பாதி பேர் தானாக முன்வந்து ரத்த தானம் செய்தால் போதும்... ரத்தம் இல்லாத காரணத்துக்காக, அறுவை சிகிச்சை நேரத்தில் பலர் உயிரிழப்பது தவிர்க்கப்படும்.  

மருத்துவம் நலமா? - நிஜமும் நிழலும் - 22 - ரத்த வங்கிகள் வற்றக்கூடாது!

வளர்ந்த நாடுகளில் ஒரு இயற்கைச் சீற்றம் நிகழ்ந்தாலோ, தீவிரவாதத் தாக்குதல் ஏதேனும் நடத்தப்பட்டாலோ, உடனே பலரும் தாங்களாக முன்வந்து மருத்துவமனைகளுக்குச் சென்று ரத்த தானம் செய்வதை வழக்கமாக வைத்திருக்கிறார்கள். இதுபோன்ற உணர்வு நம் மண்ணிலும் தழைக்க வேண்டும்.   

ஜூன் 14-ம் தேதி உலக ரத்த தான தினம். ஈரோடு அரிமா ரத்த வங்கி இந்த ஆண்டு முழுவதும் ரத்த தானம் செய்தவர்களை அழைத்துப் பாராட்டி, விருது வழங்கி பெருமைப்படுத்தியது. ரத்த தானம் மட்டுமல்ல, உடல் தானமும் செய்த மூத்த மருத்துவர் நாகராஜனின் குடும்பத்தினரையும் அழைத்து கௌரவப்படுத்தினர். டாக்டர் நாகராஜன், பிராமணக் குடும்பத்தில் பிறந்தவர். அவரின் மனைவி, தன் உடலை சேலம் மருத்துவக் கல்லூரிக்குத் தானமாகக் கொடுத்தது எனக்குப் பெரும் வியப்பாக இருந்தது. அவர் மனைவியின் மரணத்திற்குப் பின், சாஸ்திர முறைகள் யாவும் முடிந்ததும், சேலம் மருத்துவக் கல்லூரி நோக்கி அவருடைய மனைவியின் மங்களகரமான முகத்துடன் புறப்பட்டோம். என் முகத்தில் இருந்த வருத்தம், நாகராஜன் முகத்தில் இல்லை. சில ஆண்டுகளுக்கு முன் தோழர் மு.நடேசன் உடலை வழங்க பெருந்துறை மருத்துவக் கல்லூரிக்கு இதேபோலச் சென்றது நினைவுக்கு வந்தது. ஒருவர் நாத்திகர். ஒருவர் ஆத்திகர். ஆத்திகமென்ன... நாத்திகமென்ன... வாழும்போது சக மனிதனுக்கு நன்மை செய்து வாழ்வோர் மேலோர். இதைப் பலரும் ஓரளவு செய்துவிடுகிறார்கள். ஆனால், செத்த பின்னும் நன்மை செய்ய மனம் வேண்டுமே? இந்த உன்னத மனதை அந்த இரண்டு உடல்களிலும் கண்டேன்.

டாக்டர் நாகராஜனுக்கு அருகில் டாக்டர் சுகுமார் அமர்ந்திருந்தார். கண் டாக்டரான அவர், தனது கல்லூரி நாட்களிலேயே ரத்த தானம் செய்வதைத் தொடங்கிவிட்டார். 166 முறை ரத்த தானம் செய்தும் இன்னும் தொடர்பவர். அடுத்து அமர்ந்திருந்தார், டாக்டர் சம்பத்குமார். ஒரு கர்ப்பிணிக்கு சிசேரியன் செய்து கொண்டிருக்கும்போது, ரத்தக் கசிவு நிற்காமல் போனது. மருத்துவமனையில் இருந்தது ஒரு பாட்டில் ரத்தம்தான். அதையும் தந்தாகிவிட்டது. மேலும் ரத்தம் தேவை. டாக்டர் சம்பத்குமார், தன் சக டாக்டரிடம் சொல்லிவிட்டு வெளியில் புறப்பட்டார். அரை மணி நேரத்தில் ஒரு பாட்டில் ரத்தத்துடன் வந்தார். அதைக் கொடுத்துதான் அந்தப் பெண்ணின் உயிரை அப்போது காக்க முடிந்தது. பின்னர்தான் தெரிந்தது, அவர் கொண்டு வந்தது அவரது ‘O’ குரூப் ரத்தமே என்பது. ‘டாக்டர்கள் எல்லாம் பணத்துக்காகவே வாழ்பவர்கள்’ எனும் பொதுவான குற்றச்சாட்டைப் பொய்யாக்கிக் கொண்டு அந்த மும்மூர்த்திகள் அமைதியாக அமர்ந்திருந்தனர்.

ஒரு காலத்தில் வேலையற்றவர்களையும் போதை அடிமைகளையும் தேடிப் பிடித்துக் காசு கொடுத்து ரத்தம் எடுத்தது உண்டு. இன்று காசுக்காக ரத்த தானம் செய்வது தண்டைக்குரிய குற்றம். ஒருமுறை ஒருவர் தானம் செய்யும் ரத்தம், மூன்று உயிர்களைக் காப்பாற்றும். 18 வயதில் ரத்த தானம் செய்ய ஆரம்பித்து, 90 நாட்களுக்கு ஒருமுறை தவறாமல் தானம் செய்பவர், 60 வயதைத் தொடும்போது 500 உயிர்களைக் காப்பாற்றிய புண்ணியம் பெறுவார். இதைவிட வாழ்வில் பெரும் நிறைவு வேறு எதிலும் கிடைப்பதில்லை. ஒருவரின் உடலில் சராசரியாக ஐந்து முதல் ஆறு லிட்டர் ரத்தம் இருக்கும். ஒருமுறை தானம் செய்யும்போது, 350 மி.லி ரத்தமே எடுப்பார்கள். அரை மணி நேரத்தில் இந்த நடைமுறை முடிந்துவிடும். 10 நிமிடங்கள் ஓய்வெடுத்துவிட்டு, வழக்கம் போல பணிகளைச் செய்யலாம். இழந்த ரத்தத்தின் அளவை, நம் உடல் 24 முதல் 48 மணி நேரத்துக்குள் ஈடு செய்துகொள்ளும். ரத்தச் சிவப்பணுக்கள் 56 நாட்களில் ஈடு செய்யப்படும்.

தாலசீமியா பிரச்னை உள்ளவர்கள், சிலவகை புற்றுநோய் தாக்கியவர்கள் அடிக்கடி ரத்தம் பெற்றுக்கொள்ள வேண்டும். இவர்களுக்கு இதுவே வாழ்வின் இறுதிநாள் வரை சவாலாகிவிடுகிறது. ‘ஒரு ரத்த வங்கியிலிருந்து ரத்த தானம் பெறுபவர்கள், தங்கள் உறவினர்கள் மூலம் அந்த வங்கிக்கு ரத்த தானம் செய்ய வேண்டும்’ என விதி உள்ளது. ஏதோ வாழ்வில் ஒருமுறை அறுவை சிகிச்சைக்காக ரத்தம் தேவைப்படும்போது, மருத்துவமனைகளோ, ரத்த வங்கிகளோ இதைப் பெரிதாக எடுத்துக்கொள்வதில்லை. ஆனால், மாதம் இருமுறை ரத்தம் தேவைப்படும் நிரந்தர நோயாளிகளிடம் அவர்கள் கண்டிப்பாக ‘மாற்று ரத்தம்’ கேட்கிறார்கள். அப்படி தானம் செய்ய ஆள் இல்லாதவர்களுக்கு ரத்தம் கிடைக்காது. எத்தனை முறை குடும்பத்தினர் தர முடியும்? எனவே, தகுதியற்ற ஆட்களைக் காசு கொடுத்துக் கூட்டி வந்து ரத்தம் தர வைக்கிறார்கள். இது மிகப்பெரிய பின்விளைவுகளை ஏற்படுத்திவிடக்கூடும்.

இந்தியாவில் ரத்த வங்கிகளுக்குக் கடுமையான கட்டுப்பாடுகள் சமீபகாலம் வரை இருந்தன. தனியார் ரத்த வங்கிகள், எங்கும் ரத்த தான முகாம்கள் நடத்தி ரத்தம் சேகரிப்பதற்கு அனுமதி கிடையாது. ஒரு ரத்த வங்கியில் இருந்து இன்னொரு ரத்த வங்கிக்கு அவசரத்துக்குக்கூட ரத்தம் அனுப்ப முடியாது. கடந்த ஏப்ரல் மாதம் இந்த விதிகளைத் திருத்தி, பல கட்டுப்பாடுகளைத் தளர்த்தி இருக்கிறது மத்திய அரசு.

இனியாவது ரத்தம் கிடைக்காத காரணத்தால் யாரும் செத்துப் போகும் நிலை இருக்கக்கூடாது. 

(நலம் அறிவோம்)

ரத்த தான துளிகள்!

18 வயது நிரம்பியவர்கள், 45 கிலோவுக்கு மேல் உடல் எடை கொண்டவர்கள், ஹீமோகுளோபின் அளவு 12.5 g/dl-க்குக் குறையாமல் உள்ளவர்கள், இயல்பான ரத்த அழுத்தம் உள்ளவர்கள், கடந்த 48 மணி நேரத்தில் மருந்து ஏதும் எடுத்துக்கொள்ளாதவர்கள், கடந்த மூன்று ஆண்டுகளில் மஞ்சள் காமாலை நோய் வராதவர்கள் ஆகியோர் ரத்த தானம் செய்யலாம்.

மருத்துவம் நலமா? - நிஜமும் நிழலும் - 22 - ரத்த வங்கிகள் வற்றக்கூடாது!



 கர்ப்பிணிகள், குழந்தைக்குப் பாலூட்டும் தாய்மார்கள், சமீபத்தில் கருச்சிதைவு செய்துகொண்டவர்கள், ஸ்டீராய்டு மற்றும் ஹார்மோன் மாத்திரைகள் சாப்பிடுபவர்கள், போதை அடிமைகள், கடந்த 48 மணி நேரத்துக்குள் மது அருந்தியவர்கள், கடந்த ஆறு மாதங்களுக்குள் ஏதோ அறுவைசிகிச்சை செய்து கொண்டவர்கள் ஆகியோர் ரத்த தானம் செய்யக்கூடாது. பெண்கள் மாதவிடாய் நேரத்தில் ரத்த தானம் செய்யக்கூடாது. இதயநோய், சிறுநீரக நோய், கல்லீரல் பிரச்னை, ஆஸ்துமா மற்றும் ரத்த தொடர்பான நோய் உள்ளவர்களும் ரத்த தானம் செய்யக்கூடாது. பாலியல் நோய் உள்ளவர்களும் ரத்த தானம் செய்யத் தகுதியற்றவர்கள்.

 ஒல்லியாக இருப்பவர்கள், சைவ உணவு சாப்பிடுபவர்கள், பெண்கள் போன்றோர் ரத்த தானம் செய்யக்கூடாது என்பதெல்லாம் வெறும் வதந்திகளே!