Published:Updated:

ஜி.எஸ்.டி - கேள்விக்குறியாகிறதா மக்கள் ஆரோக்கியம்?

ஜி.எஸ்.டி - கேள்விக்குறியாகிறதா மக்கள் ஆரோக்கியம்?
பிரீமியம் ஸ்டோரி
ஜி.எஸ்.டி - கேள்விக்குறியாகிறதா மக்கள் ஆரோக்கியம்?

ஜி.எஸ்.டி - கேள்விக்குறியாகிறதா மக்கள் ஆரோக்கியம்?

ஜி.எஸ்.டி - கேள்விக்குறியாகிறதா மக்கள் ஆரோக்கியம்?

ஜி.எஸ்.டி - கேள்விக்குறியாகிறதா மக்கள் ஆரோக்கியம்?

Published:Updated:
ஜி.எஸ்.டி - கேள்விக்குறியாகிறதா மக்கள் ஆரோக்கியம்?
பிரீமியம் ஸ்டோரி
ஜி.எஸ்.டி - கேள்விக்குறியாகிறதா மக்கள் ஆரோக்கியம்?

`ஒரே நாடு, ஒரே வரி, ஒரே சந்தை’ என்ற வார்த்தைகள் நிஜமாகிவிட்டன. வெற்றிகண்ட பெருமிதத்தில் இருக்கிறார் பாரதப் பிரதமர். நள்ளிரவில் சுதந்திரம் பெற்றதைப்போல சரித்திரத்தை நிகழ்த்திவிட்டதாக மத்திய அரசு மகிழ்ச்சிகொள்கிறது. ஒரு பக்கம் பொருளாதார நிபுணர்கள் கொண்டாடுகிறார்கள். மறுபக்கம் போராட்டங்களும் வேலைநிறுத்தங்களும் நடக்கின்றன. காரணம், வரியானது முன்பைவிட பலவற்றில் உயர்த்தப்பட்டிருப்பதே. புகையிலை, சினிமா  மற்றும் ஆடம்பரம் சார்ந்த பொருள்கள் மட்டுமல்ல, மருந்துகளுக்கும் வரி உயர்த்தப்பட்டிருக்கிறது.

ஜி.எஸ்.டி - கேள்விக்குறியாகிறதா மக்கள் ஆரோக்கியம்?

இலவச மற்றும் தரமான கல்வி, மருத்துவம் இரண்டும்தான் எப்போதும் மக்களிடம் இருக்கும் முக்கியமான கோரிக்கைகள். ஆனால் மருந்துகளின் மீதான இந்த ஜி.எஸ்.டி வரி உயர்வினால் மக்களின் நலன் கேள்விக்குள்ளாகிறதோ என்ற அச்சம் எழுந்துள்ளது. ஏனெனில், இந்திய மருந்துத் துறையின் வளர்ச்சியானது மிகவும் அபரிமிதமானது. உலகமயமாக்கலின் பின்னணியில் வளர்ந்த முக்கியமான துறைகளில் ஒன்று மருந்துத் துறை. 2005-ம் ஆண்டில் ஆறு பில்லியன் டாலராக மட்டுமே இருந்த மருந்துத் துறையின் சந்தை மதிப்பு, தற்போது 36 பில்லியனையும் தாண்டி வளர்ந்துகொண்டிருக்கிறது. இது 2020-ம் ஆண்டில் 55 பில்லியன் டாலராக வளரும் என்கிறது ஓர் ஆய்வு.

ஒட்டுமொத்த விகடனுக்கும் ஒரே ஷார்ட்கட்!

உலகின் மொத்த மருந்துச் சந்தையில் இந்தியச் சந்தையின் பங்கு மதிப்பளவில் 2.4 சதவிகிதம், விற்பனை அளவில் 10 சதவிகிதம். இவற்றில் 70 சதவிகிதம் பொது மருந்துகள், மருத்துவர்களின் பரிந்துரை இல்லாமல் கிடைக்கக்கூடிய மருந்துகள் 21 சதவிகிதம், காப்புரிமை உள்ள மருந்துகள் 9 சதவிகிதம். இந்தியாவில் 60 ஆயிரத்துக்கும் மேலான பொது மருந்துகள் புழக்கத்தில் உள்ளன. 500-க்கும் மேலான மருந்து நிறுவனங்கள் இவற்றைத் தயாரிக்கின்றன.  நாட்டின் நோய்களும் இந்த மருந்துகளுக்கான தேவையும் அதிகரித்துக்கொண்டேதான் இருக்கின்றன. இந்நிலையில் மருந்துகளின் விலையை உயர்த்தியிருப்பது மக்களின் நலவாழ்வைக் கேள்விக்குறியாக்குகிறது என்றே சொல்லலாம்.  

அலோபதி, ஆயுர்வேதம் மற்றும் சித்த மருத்துவம் என அனைத்துக்குமே பாரபட்சமில்லாமல் வரி உயர்த்தப்பட்டிருக்கிறது. அலோபதி மருந்துகளில் 95 சதவிகித மருந்துகளுக்கு வரி உயர்த்தப்பட்டிருக்கிறது. ஆயுர்வேதம், சித்த மருந்துகளுக்கு 12 முதல் 18 சதவிகிதம் வரை வரி உயர்த்தப்பட்டிருக்கிறது. இந்த வரி உயர்வால் மருந்துகளில் ஏற்படும் விலை ஏற்றம் யாருக்கு நன்மை தரப்போகிறது?

ஜி.எஸ்.டி - கேள்விக்குறியாகிறதா மக்கள் ஆரோக்கியம்?

இதுகுறித்துச் சமூக ஆர்வலரும் மருத்து வருமான புகழேந்தியிடம் பேசினோம்.

``ஜி.எஸ்.டி வரியில் மருந்து களுக்கான வரியை உயர்த்தியது வருத்தமளிக்கிறது. இந்த வரி உயர்வு மருந்து உற்பத்தி  நிறுவனங்களையோ, மருத்துவர்களையோ நேரடியாகப் பாதிக்கப்போவதில்லை. மருந்துகளை வாங்கும் நோயாளிகளைத்தான் பாதிக்கும். மக்கள் அதிக அளவில் பயன்படுத்தும் மருந்துகளை எல்லாம் ஐந்து சதவிகிதத்திலிருந்து 12 சதவிகிதம் வரை உயர்த்திவிட்டார்கள்.

ஜி.எஸ்.டி - கேள்விக்குறியாகிறதா மக்கள் ஆரோக்கியம்?



முன்பு மருந்துப் பொருள்களின் வரியானது கலால் வரி ஒரு சதவிகிதம், விற்பனை வரி ஒன்று அல்லது இரண்டு சதவிகிதம் என்ற அளவில்தான் இருக்கும். தற்போது ஜி.எஸ்.டி வரியில் பல மருந்துகள் மற்றும் மருத்துவ உபகரணங்களின் வரி உயர்ந்துள்ளது. சர்க்கரை, ரத்தக்கொதிப்புக்கான மருந்துகளுக்கான வரிகூட 12 சதவிகிதமாக உயர்த்தப்பட்டுள்ளது. மிகவும் குறைவாகப் பயன்படுத்தப்படும் மருந்துகளுக்கு மட்டுமே ஐந்து சதவிகிதம் வரி நிர்ணயிக்கப்பட்டுள்ளது. தடுப்பூசிகள், ஹெபடைட்டிஸ் நோயைக் கண்டறியும் கருவிகள், கால்நடைகளுக்கான மருந்துகள் மற்றும் கருவிகள் ஆகியவற்றுக்கு ஐந்து சதவிகித வரி நிர்ணயிக்கப்பட்டுள்ளது. இன்சுலின் மற்றும் அவசரச் சிகிச்சைக்கான மருத்துவக் கருவிகளுக்கு ஐந்து சதவிகிதம் நிர்ணயித்தது நல்ல விஷயம். ஆனால், ஒட்டுமொத்தமாகப் பார்க்கும்போது இதனால் அரசுக்குத்தான் லாபமே தவிர மக்களுக்கு அல்ல.

மேலும் ஜி.எஸ்.டி அமல்படுத்தப்பட்ட நாளிலிருந்தே பெரும் மருந்துத் தட்டுப்பாடு ஏற்பட்டுள்ளது. மருத்துவர்களுக்கும்கூட மருந்து, மாத்திரைகள் கிடைப்பதில்லை. மேலும், இந்த வரிவிதிப்பால் டிஸ்பென்சிங் மருத்துவர்களுக்கு (தாமாக மருந்து தயாரிக்கும் சித்த மருத்துவர்கள்)  பெரிய பாதிப்பு இல்லை. ஆனால், மருந்துகளை எழுதிக்கொடுக்கும் மருத்துவர்கள் பாதிக்கப் படுவார்கள். மக்களின் வாங்கும் சக்திக்கேற்ப மருந்துப் பொருள்களின் விலையை நிர்ணயிக்க அரசு முன்வரவேண்டும்” என்றார்.  
 
மருந்து விற்பனை, ஜி.எஸ்.டி வரி அமல்படுத்தலுக்குப் பிறகு எப்படி இருக்கிறது? தமிழ்நாடு மருந்து விற்பனைப் பிரதிநிதிகள் சங்கத்தின் தலைவர் ரமேஷ் சுந்தரிடம் பேசினோம்.

‘‘மருந்து விற்பனையாளர்களிடம் பெரும் குழப்பம் நிலவுகிறது. புதிய வரி விதிப்பில் பெரும்பாலான மருந்து தயாரிப்புகளின் வரி உயர்த்தப்பட்டுவிட்டதால், அவற்றை விற்பனை செய்வதில் சிக்கல்

ஜி.எஸ்.டி - கேள்விக்குறியாகிறதா மக்கள் ஆரோக்கியம்?

ஏற்பட்டுள்ளது. மருந்து தயாரிப்பு நிறுவனங்கள் மருந்துகளை விநியோகிப்பதில் தாமதம் காட்டுகின்றன. மருந்துகளுக்கு விலை நிர்ணயிப்பதில் இன்னும் தெளிவு ஏற்படவில்லை. இந்த நிலையில் ஆகஸ்ட் மாதம் வரை முக்கியமான மருந்துகள் பழைய விலையிலேயே கிடைக்கும் எனக் கூறப்பட்டுள்ளது. ஆனால், மருந்து விற்பனையாளர்கள் வரியைச் செலுத்தித்தான் மருந்துகளை வாங்கவேண்டியிருக் கிறது. இதனால் மருந்து விற்பனையாளர்கள் நஷ்டமடைய வேண்டியிருக்கிறது.  நஷ்டத்தைத் தவிர்ப்பதற்காக விற்பனையாளர்கள் மருந்துகளை வாங்கி இருப்பு வைப்பதில் தயக்கம் காட்டுகிறார்கள். இதனால் மருந்துத் தட்டுப்பாடு ஏற்பட்டுள்ளது.

மருந்து விலையைக் குறைக்க ஒரே வழி அதன் உற்பத்திச் செலவைப் பொறுத்து மருந்துகளின் விலையை நிர்ணயிப்பதுதான். இதைத்தான் எங்களுடைய கோரிக்கையாக வைக்கிறோம். இப்போது பெரிய பெரிய பன்னாட்டு நிறுவனங்களும் மற்றும் இந்தியாவில் ஏகபோக சக்தியாக விளங்கும் நிறுவனங்களும் நிர்ணயிக்கும் சந்தை விலைதான் அனைத்து மருந்துகளுக்கும் வைக்கப்படுகிறது. ஏற்கெனவே மருந்துகளின் உற்பத்திச் செலவைக் காட்டிலும் பல நூறு மடங்கு லாபத்தில்தான் விலை நிர்ணயிக்கப்படுகிறது. இதனால் பெரு நிறுவனங்களின் தயாரிப்புகளும் ஜெனரிக் மருந்து களும் ஒரே விலையில் தான் விற்கப்படுகின்றன. அரசு ஜெனரிக் மருந்துகளை வாங்க வேண்டும் என்று மக்களுக்கு அறிவுறுத்துகிறது. ஆனால் விலையில் வித்தியாசம் இல்லாததால், பெரு நிறுவனங்களின் மருந்துகள்தான் சந்தையை ஆக்கிரமிக்கின்றன. மருந்துகளின் விலையைக் குறைக்க அவற்றின் உற்பத்திச் செலவைப் பொறுத்து விலை நிர்ணயம் செய்யப்பட வேண்டும்” என்றார்.

மருந்துக் கட்டுப்பாட்டுத் துறை (பொறுப்பு) இயக்குநர் சிவபாலனிடம் இதுகுறித்துப் பேசியபோது, “இந்த வரி மாற்றத்தில் சில சிக்கல்கள் ஏற்பட்டுள்ளது உண்மைதான். ஆனால், அவற்றை முடிந்தவரை சமாளிக்கத் தேவையான நடவடிக்கை களை எடுத்துவருகிறோம். மருந்துத் தட்டுப்பாடு ஏற்படாதவாறு எல்லா இடங்களிலும் கிடைப்பதற் கான ஏற்பாடுகளைச் செய்து வருகிறோம்” என்றார். 

தரமான மருந்துகளும் மருத்துவமும் அனைத்துத் தரப்பு மக்களுக்கும் கிடைக்கச்செய்வது அரசின் கடமைகளில் ஒன்று. அதை நிச்சயம் நிறைவேற்ற வேண்டும் அரசு.

- ஜெ.சரவணன்

படம்: எம்.விஜயகுமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism