Published:Updated:

தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7

தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7
பிரீமியம் ஸ்டோரி
தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7

தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7

தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7

தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7

Published:Updated:
தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7
பிரீமியம் ஸ்டோரி
தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7

வ்வொரு வருடமும் ஆகஸ்ட் மாதத்தின் முதல் வாரம், ‘உலகத் தாய்ப்பால் வாரம்’ எனக் கொண்டாடப்படுகிறது. தாய்ப்பால் கொடுப்பதன் அவசியம் மற்றும் தாய்மார்களின் நலன் குறித்து விழிப்பு உணர்வை உண்டாக்கும் வகையில் நிகழ்ச்சிகள் நடத்தப்படுகின்றன. ரத்த தானம் போலவே தாய்ப்பாலையும் தானமாக முன்வந்து அளிப்பவர்களின் எண்ணிக்கை தற்போது அதிகரித்திருப்பது மகிழ்ச்சியான விஷயம். அப்படித் தாய்ப்பால் தானம் கொடுக்கும் சிலரைச் சென்னை, எழும்பூர் அரசு குழந்தைகள் நல மருத்துவமனையில் சந்தித்துப் பேசினோம்...

தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7

கொடுக்கக் கொடுக்கத்தான் சுரக்கும்!

சித்ரா நடராஜன் (காஞ்சிபுரம்)

ஒட்டுமொத்த விகடனுக்கும் ஒரே ஷார்ட்கட்!

தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7



``எனக்கு ஆண் குழந்தை பிறந்து ஒரு மாசமாச்சு. அவன் பெயர் தீபக். அவன் பிறந்த முதல் இரண்டு வாரங்களுக்கு அவனுக்குத் தாய்ப்பால் கொடுத்தேன். குழந்தைக்குப்போக மீதமிருக்கும் தாய்ப்பாலை வங்கிக்குத் தானமாகக் கொடுக்க ஆரம்பித்தேன். நிறைய தாய்மார்களுக்குக் குறைந்தளவு தாய்ப்பால் சுரக்கும். அதனால், பால் போதாமல் பசியில் குழந்தைகள் அழுவதைப் பார்த்திருக்கேன். மனசுக்குக் கஷ்டமாக இருக்கும். அந்த இடத்துல என் குழந்தையை நினைச்சுக்குவேன். அம்மாவுக்கு எல்லாக் குழந்தைகளுமே ஒண்ணுதானே!

தாய்ப்பால் தானத்தைப் பொறுத்தவரை ரெண்டு மணி நேரத்துக்கு ஒருமுறை தாராளமா கொடுக்கலாம். தானம் கொடுத்தால் நிறைய பெண்கள் பால் குறைஞ்சுடும்னு நினைக்கிறாங்க. அது உண்மையில்லை; தாய்ப்பால் கொடுக்கக் கொடுக்கத்தான் சுரக்கும். ஒரு தாய் நேரடியாக மற்ற குழந்தைகளுக்குப் பாலூட்டினால், குழந்தைக்குத் தொற்று ஏற்பட வாய்ப்பிருப்பதாக  டாக்டர்கள் சொல்றாங்க. அதனால், பாலை எடுத்துப் பால் வங்கியில் கொடுக்கலாம். உலகத்தில் எந்தப் பொருளை வேண்டுமானாலும் தயாரிச்சிட முடியும். ஆனால், தாய்ப்பாலைத் தயாரிக்க முடியாது. அதனால் தாய்ப்பாலைத் தானம் செய்யறது பெரிய புண்ணியம்!’’
 
கொடுத்தவரின் கஷ்டத்தையும் தீர்த்த தானம்!

பவித்ரா (கும்மிடிப்பூண்டி, திருவள்ளூர்)

தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7



``ஒரு மாசமா தாய்ப்பால் தானம் கொடுத்துட்டிருக்கேன். என் குழந்தைக்குப் பிறந்த கொஞ்ச நாள் வரை மூச்சுத்திணறல் இருந்ததால், பால் கொடுக்க வேணாம்னு டாக்டர் சொல்லிட்டார். மூச்சுத்திணறல் குறைஞ்சதும் தாய்ப்பால் கொடுக்க ஆரம்பிச்சுட்டேன். தாய்ப்பால் கொடுக்காத நாள்களில் மார்பகத்தில் பால் கட்டிக்கிட்டு வலிக்கும். ஆஸ்பத்திரியில் என் கஷ்டத்தைப் பார்த்துட்டுப் பக்கத்துப் படுக்கையிலிருந்த அக்கா, பால் வங்கி பற்றிச் சொன்னாங்க. அப்புறம் தினமும் பாலைத் தானமாகக் கொடுத்தேன். இப்போ என் பாப்பாவுக்குப் பால் கொடுக்க ஆரம்பிச்ச பிறகும், மிச்சமிருக்குற பாலை இங்கே கொடுக்கிறேன். என் குழந்தை மாதிரியே எத்தனையோ குழந்தைகளின் பசியைத் தீர்க்கறோம்னு நினைக்கிறபோது சந்தோஷமா இருக்கு.’’

குறைப்பிரசவக் குழந்தைகளுக்கு வரப்பிரசாதம்!

வஹிதா சதீஷ் குமார் (மந்தைவெளி, சென்னை)


``ஒவ்வொரு அரசு மருத்துவ மனையிலும் ஒருநாளைக்குக் குறைஞ்சது 35 குறைப்பிரசவக் குழந்தைகள்

தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7

சேர்க்கப்படறாங்க. என் போன் நம்பரைச் சில மருத்துவமனைகளில் கொடுத்திருக்கேன். அவசரமாகத் தாய்ப்பால் தேவைப்படும்போது கொடுத்து உதவுவேன். தாய்ப்பாலைத் தானமாக கொடுக்கிறதுக்காகவே ஒரு குழுவை உருவாக்கியிருக் கோம். அவசரத் தேவையைத் தெரிஞ்சு அவங்கள்ல  யார் ஃப்ரீயா இருக்காங்களோ அவங்களை நேர்ல போய்ப் பால் கொடுக்கச் சொல்வோம்.

தாய்ப்பால் தானத்துக்காக ஃபேஸ்புக்கில் `நேச்சுரல் பேரன்ட்டிங் கம்யூனிட்டி’ (NATURAL    PARENTING COMMUNITY) என்கிற குரூப்பை ஆரம்பிச்சிருக்கோம். தாய்ப்பால் தானம் கொடுக்க முன்வரும் தாய்மார்களுக்கு, தாய்ப்பாலை எப்படி எடுக்கணும், எப்படி ஒப்படைக்கணும்னு எல்லாத்தையும் நாங்களே விவரிப்போம்.

என் மகள் உமையாளுக்கு ரெண்டு வயசு ஆகுது. அவள் பிறந்திருந்த சமயத்தில் அவளுக்குக் கொடுத்ததுபோக அதிகமாகச் சுரந்த பாலைத் தானமாகக் கொடுத்தேன். இப்போவரைக்கும் அவளுக்குத் தாய்ப்பால் கொடுத்துட்டிருக்கேன். ரத்த தானம் மாதிரி, தாய்ப்பால் தானத்துக்கான விழிப்பு உணர்வும் இன்னும் அதிகரிக்கணும். இப்போது இது ரொம்ப அவசியம்.’’

சிறிய உயிருக்கு உதவி... பெரிய உயிருக்கு ஆரோக்கியம்!

கமலரத்தினம், பச்சிளம் குழந்தைகள்நல மருத்துவர்


``உலகிலேயே உன்னதமான, மிகவும் ஆரோக்கியமான உணவு தாய்ப்பால் மட்டுமே. ஒரு குழந்தையின்

தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7

ஆரோக்கியத்துக்குத் தேவையான அத்தனை சத்துக்களும் அதில் அடங்கியிருக்கு. உலகச் சுகாதார நிறுவனம் தாய்மார்கள் தங்கள் குழந்தைக்குக் குறைந்தபட்சம் ஆறு மாதங்களாவது தாய்ப்பால் கொடுக்கணும்னு வலியுறுத்துகிறது.

தன் குழந்தைக்குப் போதுமான பால் கொடுத்ததுபோக, அதிகமாகச் சுரக்கும் பாலையே தானமாகக் கொடுக்கச் சொல்றோம். தாயை இழந்த அல்லது அம்மாவிடம் குறைவான தாய்ப்பால் கிடைக்கும் குழந்தைகளுக்கு அது பெரிய உதவியாக இருக்கும். ஒரு குழந்தை பிறந்து ஆறு மாதங்கள் வரை தாய்ப்பாலைத் தானமாகக் கொடுக்கலாம். அதன்பிறகு தாய்மார்களுக்குப் பால் சுரப்பு குறைய ஆரம்பிக்கும்.

இன்றைய காலகட்டத்தில் பலரும் பல தொற்றுநோய்களுக்கு ஆளாகிறார்கள். அவங்க கொடுக்கும் பாலினால் குழந்தைக்கும் அந்தத் தொற்று ஏற்படலாம். அதனால் ஒவ்வொருமுறையும் தாயிடமிருந்து வாங்கும் பாலை, பல கட்டங்களில் தூய்மைப்படுத்தியே குழந்தைகளுக்குக் கொடுக்கிறோம். தாய்ப்பால் தானம் கொடுக்க முன்வரும் பெண்ணுக்குப் பரிசோதனைகள் செய்வோம். அதில் தொற்று இல்லை என ரிசல்ட் வந்தால் மட்டுமே பால் தானம் பெறுவோம். சேகரித்த தாய்ப்பாலை மைனஸ் 20 டிகிரிக்குப் பதப்படுத்துவோம் (Pasteurization). இப்படிச் செய்யும்போது தீங்கு விளைவிக்கும் பாக்டீரியா மற்றும் வைரஸ் அழிந்துபோகும். இந்தப் பாலின் மாதிரியைச் சோதனைக்கூடத்துக்கு அனுப்பி ரிசல்ட் வந்த பிறகே, தேவைப்படுவோருக்குக் கொடுக்கிறோம். இத்தனை விஷயங்களைச் செய்வதால், பாலில் நோய் எதிர்ப்புச் சக்தி சற்றுக் குறையலாம். ஆனாலும், பசும்பாலைவிட இந்தப் பாலில் குழந்தையின் ஆரோக்கியத்துக்குத் தேவையான சத்துக்கள் நிரம்பியிருக்கும்.

தானத்தில் சிறந்தது! - உலகத் தாய்ப்பால் வாரம் ஆகஸ்ட் 1-7

மார்பகப் புற்றுநோய்க்கு மிக முக்கியக் காரணமாக இருப்பது தாய்ப்பால் கொடுக்காமல் தவிர்ப்பதுதான் என மருத்துவப் புள்ளிவிவரம் சொல்கிறது. தாய்ப்பால் கொடுப்பதன் மூலமாக, மார்பகப் புற்றுநோயிலிருந்து பெண்களைப் பாதுகாக்க முடியும். தாய்ப்பால் தானம் கொடுத்து ஒரு சிறு உயிருக்கு உதவிசெய்து, நம்மையும் ஆரோக்கியமாக வைத்துக்கொள்வோம்.’’

வே.கிருஷ்ணவேணி

படங்கள்: ப.ப்ரியங்கா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism