Published:Updated:

மூடிய இடம் பற்றிய பயம் - (Claustrophobia)

மூடிய இடம் பற்றிய பயம் - (Claustrophobia)
பிரீமியம் ஸ்டோரி
News
மூடிய இடம் பற்றிய பயம் - (Claustrophobia)

அச்சம் தவிர் - புதிய பகுதி!

`பயம்’ - மனிதராகப் பிறந்த அனைவருமே ஏதோ ஒரு விஷயத்துக்காகப் பயந்துகொண்டுதான் இருக்கிறோம். பயம் இல்லாத மனிதன் என்று யாரும் இல்லை. ஒருவருக்கு இருக்கும் பயம் மற்றவருக்குச் சிரிப்பாகத் தோன்றலாம். அவரவர் பயம் அவரவருக்கு. ஒருவரின் பயம் அவரது அன்றாட வாழ்க்கையை பாதிக்கும்போதே அது கவனிக்கப்பட வேண்டிய விஷயமாக மாறிவிடுகிறது. ஆங்கிலத்தில் இதை Phobia என்பார்கள். மருத்துவ டைரியில் ஏகப்பட்ட போபியாக்கள் உண்டு.  ஒவ்வொன்றாகத் தெரிந்துகொள்ளலாம். 

மூடிய இடம் பற்றிய பயம் - (Claustrophobia)

க்ளாஸ்ட்ரோபோபியா (Claustrophobia)

ஓரிடத்தில் அடைக்கப்பட்டுவிட்டோம்; இங்கிருந்து இந்த நொடியில் நாம் வெளியேற நினைத்தால் வெளியேற முடியாது என உணர்கிறபோது இந்த பயம் வந்துவிடும். அது சிறிய அறையாக இருந்தாலும் சரி, ஆகாய விமானமாக இருந்தாலும் சரி. அளவு முக்கியமில்லை; உடனே வெளியே போக முடியாதென்ற எண்ணம் போதும். இந்த வகை பயத்தினால் பாதிக்கப்பட்டவர்கள் லிஃப்ட், சுரங்கங்கள், குகைகள், விமானங்கள், சிறிய அறைகள் போன்றவற்றின் உள்ளே செல்ல அஞ்சுவர். உலகளவில் 4 சதவிகித மக்கள் இந்த போபியாவால் பாதிக்கப்படுகின்றனர் என்கிறார்கள். ஆனால், உண்மையில் எல்லோருக்குள்ளும் இந்த பயம் கொஞ்சமிருக்கும். 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
மூடிய இடம் பற்றிய பயம் - (Claustrophobia)



அறிகுறிகள்

உயிரோடு புதைக்கப்பட்டிருப்பது போன்ற எண்ணம்,  அதிகரிக்கப்பட்ட இதயத்துடிப்பு, சுவாசப் பிரச்னைகள், சுவாசிக்க முடியாத நிலை, மயக்கம், நடுக்கம் போன்ற உடல் அறிகுறிகள், அந்த இடத்தை விட்டுத் தப்பி ஓட முயல்வது, மரணம் பற்றிய சிந்தனைகள்.

சிகிச்சைகள்

நண்பர்கள் /குடும்ப உறுப்பினர்களின் ஆதரவு  மிக முக்கியம். பல உளவியலாளர்கள் நண்பர் மற்றும் குடும்ப உறுப்பினர்களை, பாதிக்கப்பட்டவருடன் சேர்ந்து சிகிச்சை அமர்வுகளில் கலந்துகொள்ள ஊக்கப்படுத்துகின்றனர். மூடப்பட்ட இடங்களினால் எந்தத் தீங்கும் வருவதில்லை என உணரும்வரை சிகிச்சை தொடர்கிறது. சுய உதவி நுட்பங்களாக ஒருவரைப் பலமுறை லிஃப்டில் கீழே இருந்து மேலே போய்வரச் சொல்லலாம். சுவாசப்பயிற்சி, காட்சிப்படுத்துதல், யோகா போன்றவை இந்த பயத்தைக் கட்டுப்படுத்த உதவும்.

- இ.நிவேதா