Published:Updated:

தொற்றுநோய்களின் உலகம்! - 25

தொற்றுநோய்களின் உலகம்! - 25
பிரீமியம் ஸ்டோரி
News
தொற்றுநோய்களின் உலகம்! - 25

ஹெல்த்

தொற்றுநோய்களின் உலகம்! - 25

ருத்துவ வளர்ச்சி பெரும் உச்சத்தைத் தொட்டிருக்கிறது. பல தொற்றுநோய்களை விரட்டியிருக்கிறோம். பல நோய்களுக்கு சிகிச்சைகளைக் கண்டறிந்திருக்கிறோம். ஆனால், நோய்களின் தன்மையைக் கண்டறியும் தொழில்நுட்பத்தில் இன்னும் நாம் 100 சதவிகிதம் என்ற துல்லிய இலக்கை எட்ட முடியவில்லை. எவ்வளவு நவீன சோதனைகளாக இருந்தாலும், 90 சதவிகிதம்தான், ‘இருக்கிறது’ அல்லது ‘இல்லை’ என்று கண்டறிய முடியும்.

ஒருவரிடமிருந்து ரத்தம் எடுத்து, ஏதோவொரு தேவைக்காக இன்னொருவருக்கு ஏற்றுகிறோம். ரத்தம் எடுப்பதற்கு முன்னரே ஆறுவிதமான நோய்களுக்கான சோதனைகளைச் செய்துதான் எடுக்கிறோம். அப்படிச் சோதித்து எடுக்கப்படும் ரத்தத்தை மற்றவருக்கு ஏற்றினால், 100 சதவிகிதம் நோய்த்தொற்றுகள் இருக்காது என்று நிச்சயம் நம்ப முடியாது.

ஒருவர், ஹெச்.ஐ.வி பாதிப்புள்ள ஒருவரிடம் செக்ஸ் வைத்துக்கொள்கிறார்... அவருக்கு ஹெச்.ஐ.வி தொற்று ஏற்பட்டுவிட்டது. இப்போதிருக்கும் மிக நவீன சோதனையில் அவரது ரத்தத்தை ஆய்வு செய்தால்கூட 18 நாள்கள் கழித்துத்தான் ஹெச்.ஐ.வி பாதிப்பு இருப்பதைக் கண்டறிய முடியும். இந்த 18 நாள்களுக்குள் ரத்தத்தைப் பரிசோதித்தால், ஹெச்.ஐ.வி பாதிப்பு தெரியவராது. அவரது ரத்தத்தை மற்றவருக்கு  ஏற்றிவிட்டால், ஏற்றப்பட்டவருக்கு ஹெச்.ஐ.வி பாதிப்பு ஏற்பட நிறைய வாய்ப்பிருக்கிறது.

தொற்றுநோய்களின் உலகம்! - 25

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

ஆக, ‘தவிர்க்கவே முடியாது’ என்ற நிலையில் மட்டும்தான் ரத்தம் ஏற்ற வேண்டும். ‘உடம்பு வீக்கா இருக்கு, ரத்தம் ஏற்றுங்கள்’ என்றெல்லாம் மருத்துவர்களிடம் போய் நிற்கக் கூடாது. ‘ஹீமோகுளோபின் ஐந்துதான் இருக்கிறது, ரத்தம் அவசியம் ஏற்றியே ஆக வேண்டும்’ என்றால் ஏற்றலாம். ‘ஹீமோகுளோபின் போதிய அளவுக்கு இருக்கிறது, ரத்தம் ஏற்றினால் இன்னும் நல்லது’ என்றெல்லாம் ரத்தம் ஏற்றக் கூடாது.

ஹெச்.ஐ.வி இருக்கும் பெண், குழந்தை பெறும்போது, குழந்தைக்கு 20 முதல் 40 சதவிகிதம் ஹெச்.ஐ.வி பாதிக்க வாய்ப்பிருக்கிறது. ஆனால், நவீன மருத்துவம் மிகப் பெரும் சாதனையொன்றை எட்டியிருக்கிறது. ஹெச்.ஐ.வி பாதித்த பெண், குழந்தை பெற்றுக்கொள்ளும்போது முறையாகச் சிகிச்சை எடுத்து, வைரஸ் அளவைக் கட்டுக்குள் வைத்துக்கொண்டால்,  குழந்தைக்கு ஹெச்.ஐ.வி பாதிப்பு ஏற்படுவதை 99 சதவிகிதம் தவிர்க்க முடியும். ஹெச்.ஐ.வி வராமல் தடுக்க, தடுப்பூசி கண்டுபிடிப்பதற்கான ஆய்வுகள் உலகெங்கும் தீவிரமாக நடந்துவருகின்றன. இந்தியாவுக்கு வர இன்னும் ஐந்து ஆண்டுகளோ, பத்து ஆண்டுகளோ ஆகலாம். இப்படியொரு தடுப்பூசி எப்போது வரும் என்று மருத்துவர்களே காத்திருக்கிறார்கள். காரணம், ஹெச்.ஐ.வி பாதித்தவர்களைப் பரிசோதிக்கும்போதோ, சிகிச்சையளிக்கும்போதோ அவர்களுக்கு ஏற்றப்படும் ஊசி தவறுதலாக மருத்துவர்கள், செவிலியர்கள் கைகளில் குத்திவிடலாம். அந்த ரத்தத்தின் வழி வைரஸ் பரவ வாய்ப்பிருக்கிறது. மருத்துவர்களும் செவிலியர்களும் தடுப்பூசி போட்டுக்கொண்டால் இது போன்ற சூழலை எளிதாகக் கையாள முடியும். 

ஹெச்.ஐ.வி பற்றி போதிய அளவுக்குப் பேசிவிட்டோம். அடுத்து, தமிழகத்தை அச்சுறுத்திக்கொண்டிருக்கும் டெங்கு காய்ச்சல் பற்றிப் பேசலாம். காத்திருங்கள்!

- களைவோம்...