Published:Updated:

தொடர் கருச்சிதைவு... - காரணம் சொல்லும் கேர்யோடைப் டெஸ்ட்

தொடர் கருச்சிதைவு... - காரணம் சொல்லும் கேர்யோடைப் டெஸ்ட்
பிரீமியம் ஸ்டோரி
News
தொடர் கருச்சிதைவு... - காரணம் சொல்லும் கேர்யோடைப் டெஸ்ட்

ஹெல்த்

தொடர் கருச்சிதைவு... - காரணம் சொல்லும் கேர்யோடைப் டெஸ்ட்

ர்க்கரைநோய் பரிசோதனை தெரியும், கொலஸ்ட்ராலுக்கான பரிசோதனை தெரியும்... அதென்ன கேர்யோடைப் (Karyotype) டெஸ்ட்? இதுவரை கேள்விப்படாத பரிசோதனையாக இருக்கிறதே...’ என்று யோசிப்பவர்கள், மகப்பேறு மருத்துவர் ரஜனி சொல்வதைக் கேளுங்கள்.

‘`மனிதர்களின் உடம்பு, கோடிக்கணக்கான செல்களால் ஆனது என்பது நமக்குத் தெரியும். நம் ஒவ்வொரு செல்லுக்குள்ளேயும், ‘ஜெனடிக் மெமரி’களை உள்ளடக்கிய 46 குரோமோசோம்கள்
23 ஜோடிகளாக இருக்கும். ‘ஜெனடிக் மெமரி’ என்றால், மரபணு நினைவகம். அதாவது, இந்த 46 குரோமோசோம்களில் நம் முப்பாட்டன் - முப்பாட்டி, தாத்தா - பாட்டி, அம்மா - அப்பா என எல்லோருடைய மரபணு நினைவகங்களும் ஒரு குறிப்பிட்ட சதவிகிதத்தில் இருக்கும். ஒரு குழந்தைக்கு அதன் அம்மாவின் மூக்கு, அப்பாவின் உயரம், முப்பாட்டானாரின் முன் கோபம் எல்லாம் சேர்ந்திருப்பதற்கு இது காரணம். தவிர, இந்த 46 குரோமோசோம்களில் இரண்டு செக்ஸ் குரோமோசோம்களும் இருக்கும். அந்த இரண்டில் ஒன்று, ‘எக்ஸ்’, இன்னொன்று, ‘ஒய்’ என்றால், பிறக்கப்போவது ஆண் குழந்தை. இரண்டுமே ‘எக்ஸ்’ என்றால், பிறக்கப்போவது பெண் குழந்தை.

தொடர் கருச்சிதைவு... - காரணம் சொல்லும் கேர்யோடைப் டெஸ்ட்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

இந்த 46 குரோமோசோம்கள் எண்ணிக்கையில் கூடுதலாகவோ அல்லது குறைவாகவோ இருந்தால், அதை அறிந்துகொள்ளும் பரிசோதனைதான் கேர்யோடைப் டெஸ்ட். இன்னும் புரிகிறபடி சொல்ல வேண்டுமென்றால், உலக வரைபடத்தை விளக்கு வெளிச்சத்தில் நுட்பமாக கவனிப்போம் இல்லையா? அப்படி, ஒருவருடைய செல்களில் இருக்கிற 46 குரோமோசோம்களை உற்று கவனித்து அவற்றிலிருக்கிற பிரச்னைகளைக் கண்டுபிடிப்பதுதான் கேர்யோடைப் டெஸ்ட்.’’ விரிவான விளக்கம் கொடுத்த ரஜனி, எந்தெந்தச் சூழ்நிலைகளில் இந்தப் பரிசோதனை செய்யவேண்டி வரும் என்பதையும் சொன்னார்.

``ஒரு பெண்ணுக்கு இரண்டுக்கும் மேற்பட்ட தடவை, 10 முதல் 12 வாரங்களுக்குள் கருச்சிதைவு

தொடர் கருச்சிதைவு... - காரணம் சொல்லும் கேர்யோடைப் டெஸ்ட்

நடந்திருந்தது என்றால், அதற்குக் காரணம் குரோமோசோம் பிரச்னையாக இருக்க வாய்ப்பு அதிகம். எனவே, அது போன்ற சூழலில் சம்பந்தப்பட்ட பெண்ணை உடனடியாக கேர்யோடைப் டெஸ்ட் எடுக்கச் சொல்வோம். கரு சிதைந்து வெளியே வரும்போது, அதிலிருக்கிற செல்களை எடுத்து குரோமோசோம் பரிசோதனைக்காக அனுப்புவோம். ஒருவேளை அதில் பிரச்னை இருந்தால், கருவின் பெற்றோருடைய செல்களில் இருக்கிற குரோமோசோம்களையும் பரிசோதித்துப் பார்ப்போம். பெற்றோர்களின் குரோமோசோம்களிலும் பிரச்னை இருக்கிறது என்றால், அடுத்த முறை கருவுறும்போது இதே பிரச்னை வந்து கலைந்துபோவதற்கான வாய்ப்பு அதிகம் இருக்கிறது என்று அர்த்தம். பெற்றோர்களின் குரோமோசோம்களில் பிரச்னை இல்லையென்றால், அடுத்த கருவுக்கு இந்தப் பிரச்னை வருவதற்கான வாய்ப்பு குறைவுதான்.

கரு மற்றும் கருவின் பெற்றோர்களின் குரோமோசோம்களைப் பரிசோதனை செய்து பார்க்கும்போது, ஒரு குரோமோசோம் அதிகமாகவோ அல்லது குறைவாகவோ இருக்கலாம். அதாவது, 46 குரோமோசோம்களும் ஜோடியாக, வரிசையாக இருக்க வேண்டும். மாறாக, மூன்றாம் வரிசையில் இரண்டு குரோமோசோம்களுக்கு பதில் மூன்று இருக்கலாம் அல்லது நான்காவது வரிசையில் இரு குரோமோசோம்கள் இருக்கவேண்டிய இடத்தில் ஒன்று மட்டும் இருக்கலாம். குறிப்பிட்ட அந்த ஒரு குரோமோசோம்தான், கருவின் முக்கியமான வளர்ச்சிக்குத் தேவைப்படுகிற மரபணு நினைவகங்களைக்கொண்டதாக இருக்கும்பட்சத்தில், அந்தக் கரு வளராது; சிதைந்துவிடும்.

தொடர் கருச்சிதைவு... - காரணம் சொல்லும் கேர்யோடைப் டெஸ்ட்

முதல் மூன்று மாதங்களில் ஸ்கேன் செய்து பார்க்கும்போது, தலை பெரிதாக இருப்பது போன்ற ஏதாவது பிரச்னை கருவுக்கு இருப்பது தெரிந்தால், பனிக்குட நீரை எடுத்துப் பரிசோதனைக்கு அனுப்புவோம். இந்த நீரிலும் கருவின் செல்கள் இருக்குமென்பதால், அதில் இருக்கிற குரோமோசோம்களை ஆய்வுசெய்து, பிரச்னை இருந்தால், கருவைக் கலைத்துவிடப் பரிந்துரை செய்வோம். முதல் குழந்தை மூளை வளர்ச்சியில்லாமல் இருந்தால், அடுத்த குழந்தையும் அப்படியே பிறந்துவிடுமா என்று தெரிந்துகொள்வதற்கும், அடுத்த கரு உண்டானவுடன் இதே முறையில் பனிக்குட நீரை எடுத்துப் பரிசோதனை செய்ய வேண்டும்.

அடுத்தடுத்த குழந்தைகளுக்கும் இதே பிரச்னை ஏற்படும் என்று தெரிந்தால், அந்த தம்பதிக்கு சோதனைக்குழாய் குழந்தையைப் பரிந்துரை செய்வோம். அப்படி கருவை வெளியே வளர்த்து தாயின் கர்ப்பப்பைக்குள் வைப்பதற்கு முன்னர், அந்தக் கருவின் செல்லை எடுத்து அதன் குரோமோசோம்களைப் பரிசோதித்துப் பார்ப்போம்.  எந்தப் பிரச்னையும் இல்லையென்றால் கருவை, தாயின் கர்ப்பப்பைக்குள் வைத்துவிடுவோம். சோதனைக்குழாயில் வளர்க்கப்பட்ட கருவின் செல்களிலிருந்து ஐந்து மாதிரிகளை எடுத்துப் பரிசோதனை செய்வோம். சில பெண்களுக்கு ஐந்திலும் குரோமோசோம் பிரச்னை இருக்கும். அப்படிப்பட்டவர்களுக்கு கருமுட்டை அல்லது விந்து தானம் பெற்று கருத்தரிக்கவைப்போம். மொத்தத்தில், தொடர்ச்சியான கருச்சிதைவுக்கான காரணம் மற்றும் கருவின் குரோமோசோம் வளர்ச்சியிலுள்ள குறைபாடுகளை அறிந்துகொள்வதில், கேர்யோடைப் டெஸ்ட்டின் பங்கு முக்கியமானது’’ என்கிறார் டாக்டர் ரஜனி.
 

-ஆ.சாந்தி கணேஷ்