இளமையில் முதுமை தவிர்ப்போம்!

சி லரைப் பார்க்கும்போது வயதுக்கும் தோற்றத்துக்கும் தொடர்பேயிருக்காது. வயதுக்கு மீறிய முதிர்ச்சி தோற்றத்தில் தெரியும். இதற்கு என்ன காரணம்... இளமைத் தோற்றத்தைப் பாதுகாக்கத் தவிர்க்கவேண்டிய விஷயங்கள் எவை? விளக்குகிறார் சரும மருத்துவர் ஷரதா.

. சூ ரியனிடமிருந்து வெளிப்படும் புறஊதாக் கதிர்கள்தான் முதுமைத் தோற்ற பாதிப்புகளுக்குக் காரணமாகின்றன. சருமத்தைப் பாதுகாக்கப் பருத்தி ஆடைகளை அணியலாம். க்ளோஸ்டு நெக், முழுக்கை ஆடைகளை அணியலாம். சன்ஸ்கிரீன் பயன்படுத்தலாம்.

. தொ டர்ச்சியான மதுப்பழக்கத்தால் உடலுக்குப் போதுமான நீர்ச்சத்து கிடைக்காமல் போகும்; சருமத்தில் வறட்சி, சுருக்கம் ஏற்பட்டு முதுமைத் தோற்றம் உண்டாகும். எனவே, ஆல்கஹால் பழக்கத்தைத் தவிர்ப்பது, சருமத்தின் ஆரோக்கியம் மேம்பட உதவும்.

. செ ல்களைப் புதுப்பித்தல் உட்பட நம் உடலின் சீரான இயக்கத்துக்குத் தேவையான பணிகள் தூக்கத்தின்போதுதான் நடக்கின்றன. எனவே, தினமும் ஏழு முதல் எட்டு மணி நேரத் தூக்கம் அவசியம். தூங்கினால்தான், உடலிலுள்ள ஹார்மோன் சுரப்பு சீராக இருக்கும். தூக்கம் இல்லாவிட்டால், ஆரோக்கியம் கெடும்; இளமை தொலைந்துவிடும்.

. ச ரும ஆரோக்கியத்துக்கு `கொலாஜென்’ (Collagen) என்னும் புரதம் முக்கியம். இதன் உற்பத்தி குறைந்தால், சருமத்தில் சுருக்கம் ஏற்பட்டு முதுமைத் தோற்றம் ஏற்படும். ஒரு சிகரெட்டில் உடலுக்குத் தீங்குவிளைவிக்கும் 4,000 நச்சு ரசாயனங்கள் இருக்கின்றன. புகைபிடிப்பதால், `கொலாஜென்’ உற்பத்தி குறைந்துவிடும்; இளமையிலேயே வயதான தோற்றம் உருவாகிவிடும். எனவே, புகைபிடிக்கும் பழக்கத்தைத் தவிர்ப்பது நல்லது.

. அ திகப்படியான மனஅழுத்தம் காரணமாகவும் முதுமைத்தோற்றம் ஏற்படும். மனஅழுத்தம், ‘ஸ்ட்ரெஸ் ஹார்மோன்’ எனப்படும் ‘கார்டிசால்’ (Cortisol) சுரப்பை அதிகரிக்கச் செய்யும். இதனால், ரத்தத்தில் சர்க்கரை அளவு அதிகரிக்கும்; `கொலாஜென்’ புரதத்தை பாதித்து, வயதான தோற்றம் வந்துவிடும். ஆரோக்கியமான சமச்சீரான உணவு முறை, உடற்பயிற்சி, நடைப்பயிற்சி ஆகியவை இளமைத் தோற்றத்தைக் காக்க உதவும்.

. ஆ ன்டிஆக்ஸிடன்ட்கள் (Antioxidants) நிறைந்த சிவப்பு, வெள்ளை, மஞ்சள், பச்சை நிறக் காய்கறிகள் மற்றும் பழங்கள், மீன், ஆலிவ் எண்ணெய் போன்ற ஒமேகா 3 கொழுப்பு அமிலங்கள் (Omega 3 Fatty Acids) நிறைந்த உணவுகளை உணவில் அதிகம் சேர்த்துக்கொள்ள வேண்டும். இவை சரும ஆரோக்கியத்தைப் பாதுகாக்கும். அதே நேரத்தில் வெண்ணெய், சீஸ், சாக்லேட், கேக், இனிப்புகள் மற்றும் பதப்படுத்தப்பட்ட உணவுகளைத் தவிர்க்கவேண்டியது அவசியம்.

ஜி.லட்சுமணன்

இளமையில் முதுமை தவிர்ப்போம்!

லட்சுமணன்.ஜி