Published:Updated:

மருந்தாகும் உணவு - வெற்றிலை ரசம்

மருந்தாகும் உணவு - வெற்றிலை ரசம்
பிரீமியம் ஸ்டோரி
மருந்தாகும் உணவு - வெற்றிலை ரசம்

உணவு - 12

மருந்தாகும் உணவு - வெற்றிலை ரசம்

உணவு - 12

Published:Updated:
மருந்தாகும் உணவு - வெற்றிலை ரசம்
பிரீமியம் ஸ்டோரி
மருந்தாகும் உணவு - வெற்றிலை ரசம்
மருந்தாகும் உணவு - வெற்றிலை ரசம்

வெற்றிலை செரிமானத்துக்கு உதவக்கூடியது. அதில் ரசம் செய்யும்போது செரிமானத்திறன் அதிகரிக்கும் என்பதால், உணவின் இறுதியில் இதைச் சேர்த்துக்கொள்ளலாம்.

மருந்தாகும் உணவு - வெற்றிலை ரசம்

ஒட்டுமொத்த விகடனுக்கும் ஒரே ஷார்ட்கட்!



பலன்கள்: இந்த ரெசிப்பியில் பூண்டும் சேர்க்கப்படுவதால், உடலில் சேர்ந்திருக்கும் கொலஸ்ட்ரால் கரையும். வயிறுமுட்டச் சாப்பிட்டு முடித்ததும், இந்த ரசத்தைக் கட்டாயம் சாப்பிடவும். சிலருக்குப் பூண்டு வாசனை பிடிக்காது. அவர்கள் பூண்டு சேர்க்காமல் இந்த ரசத்தை முயற்சி செய்யலாம். கோடையில் ஏற்படும் தொற்றுப் பிரச்னைகளைத் தடுக்க வெற்றிலை ரசம் பயன்படும். வெற்றிலையுடன் மிளகு சேர்க்கப்படுவதால், நார்ச்சத்து கிடைக்கும். உடலிலுள்ள நச்சுகள் வெளியேறும்.  

மருந்தாகும் உணவு - வெற்றிலை ரசம்

வெற்றிலையில், ஆன்டிஆக்ஸிடன்ட் நிறைந்திருப்பதால், குடல் ஆரோக்கியம் பாதுகாக்கப்படும்; மலச்சிக்கல் பிரச்னை தடுக்கப்படும். பசியின்மையால் அவதிப்படுபவர்கள், இந்த ரசத்தை உணவில் சேர்த்துக்கொண்டால், அதைத் தவிர்க்கலாம். வெற்றிலையை மென்று சாப்பிடுவதால் வாயில் கிருமித்தொற்று, பற்சிதைவு, வாய்நாற்றம், ஈறுகளில் வலி என வாய் தொடர்பான அனைத்து பிரச்னைகளையும் தவிர்க்கலாம். கால்சியம் அதிகமிருப்பதால், தாய்ப்பால் சுரப்பு அதிகமாகும். வேறு ஏதேனும் டயட் முறையைப் பின்பற்றுபவர்களும்கூட, இந்த ரசத்தை அன்றாட உணவுப் பட்டியலில் சேர்த்துக்கொள்ளலாம்.

மருந்தாகும் உணவு - வெற்றிலை ரசம்

தேவையானவை:

வெற்றிலை :
5

பூண்டு : 3 பல்

தக்காளி : ஒன்று

பச்சைமிளகாய் : ஒன்று

உப்பு, மிளகுத்தூள் : தேவையான அளவு

கடுகு, மஞ்சள்தூள், பெருங்காயம்    : தலா கால் டீஸ்பூன்

நெய் : இரண்டு டீஸ்பூன்

கடுகு : கால் டீஸ்பூன்

காய்ந்தமிளகாய் : 3

சீரகம் : ஒரு டீஸ்பூன்

புளி : எலுமிச்சை அளவு

எலுமிச்சைப்பழச் சாறு    : இரண்டு டீஸ்பூன்

கறிவேப்பிலை, கொத்தமல்லித்தழை : சிறிதளவு

மருந்தாகும் உணவு - வெற்றிலை ரசம்

செய்முறை: தக்காளியை விழுதாக அரைத்துக்கொள்ளவும். கொத்தமல்லி இலையைப் பொடியாக நறுக்கிக்கொள்ளவும். மிளகு, பூண்டு, சீரகத்தை மிக்ஸியில் அரைத்து வைத்துக்கொள்ளவும். புளிக்கரைசல், அரைத்த தக்காளி விழுது, பொடியாக நறுக்கிய கொத்தமல்லி, கறிவேப்பிலையைச் சேர்த்து ஒன்றாகக் கலந்து தேவையான தண்ணீர் சேர்த்து வைத்துக்கொள்ளவும். வாணலியில் நெய்விட்டு, அது காய்ந்ததும் கடுகு, காய்ந்த மிளகாய் சேர்த்துத் தாளிக்கவும். இப்போது அரைத்த மிளகு, பூண்டு, சீரகத்தை வாணலியில் போட்டு அரை நிமிடம் வதக்கவும். அதனுடன் புளிக்கரைசல், பெருங்காயத்தூள், உப்பு சேர்க்கவும்.  தீயைக் குறைத்துவிட்டு, ரசம் சூடாகி நுரைகட்டியதும், நறுக்கிவைத்திருக்கும் வெற்றிலையை அதில் சேர்த்தால், வெற்றிலை ரசம் தயார்.

ஜெ.நிவேதா - படங்கள்: வள்ளிசெளத்ரி  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism