Published:Updated:

சுண்டி இழுக்கும் ஏழாம் சுவை!

சுண்டி இழுக்கும் ஏழாம் சுவை!

சுண்டி இழுக்கும் ஏழாம் சுவை!

சுண்டி இழுக்கும் ஏழாம் சுவை!

Published:Updated:
##~##

எதைச் சாப்பிடுவது, எதை விடுவது என்று குழம்பிக்கிடக்கும் சூழலில், நம் பாரம்பரிய உணவுகுறித்த விழிப்பு உணர்வு  மிக அவசியம். சரியான தருணத்தில் சமயசஞ்சீவியாக வெளிவந்திருக்கும் நூல் 'ஏழாம் சுவை!’ 

நோய் நீக்க, நோய் வராது காக்க, உண்ணும் பொருளின் சுவைதான் சித்த மருத்துவத்தின் அடிப்படை. சுவைகள் ஆறு வகை. இந்த ஆறு வகைச் சுவைகளும் எப்படி ஒன்றோடு ஒன்று கலக்க வேண்டும், அவற்றுக்கு இடையே ஒருமித்த செயல்பாடு எவ்வாறு இருக்க வேண்டும் என்பதில், நம் பாரம்பரியம் மிகுந்த அக்கறை கொண்டிருந்தது. அனுபவக் கோவையாகவோ, ஆழ்மனதின் ஆன்மிகப் புரிதலாகவோ, அன்றைய நாட்களில் நம் முன்னோர்கள் உலகை அறிய முயற்சித்த அறிவியலினாலோ, இந்த ஆறு சுவைகள் நலவாழ்வின் அடித்தளமாக அமைந்திருந்தது.

ஒட்டுமொத்த விகடனுக்கும் ஒரே ஷார்ட்கட்!

சுண்டி இழுக்கும் ஏழாம் சுவை!

இந்த ஆறு சுவைகளும் வெறும் ருசிக்காக இல்லாமல், வயிற்றை நிரப்பும் பொருளாக இல்லாமல், என்றும் உடலை நலமாக வைத்துக்கொள்வதற்கான அக்கறை என்பதை 'ஏழாம் சுவை’ நூலில் விளக்கமாகச் சொல்கிறார் சித்த மருத்துவர் கு. சிவராமன். 'உணவே மருந்து’ என்று அதன் சிறப்புகளை விளக்கி, அழகூட்டும் உணவு, மூட்டு வலிக்கான உணவு, மெலிந்த உடலைத் தேற்றும் உணவு, உடற்பருமனைக் குறைக்கும் உணவு, நரம்பைப் பலப்படுத்தும் உணவு, காதல் தரும் உணவு என்று உணவுகளை அதன் தேவைக்கு ஏற்ப வகைப்படுத்தி விளக்கியிருக்கிறார்.

நம் முன்னோர்கள், உடற்கூற்றை நன்கு அறிந்தவர்கள்; நம் சூழலின் தட்பவெட்பத்துக்கு ஏற்ப, உணவுப் பழக்கத்தை மேற்கொண்டு நோய்கள் வரும்முன் காத்து, வாழ்வாங்கு வாழ்ந்து வந்தார்கள். அதனை நினைவுபடுத்தும் விதமாக, இயற்கையுடன் இணைந்த வாழ்வே சிறப்பான ஆரோக்கியமான வாழ்வு என்பதை தெளிவுபடுத்துகிறார் ஆசிரியர். சிறு சிறு வாழ்வியல் சம்பவங்களுடன் சுவையான நடையில் ஒவ்வோர் உணவைப் பற்றியும் விளக்கியுள்ளது, படிக்கவும் சுவையாக உள்ளது. நகைச்சுவையுடன் எளிமையும் கவித்துவமும் இணைந்த மொழிநடை, நூலின் கூடுதல் சிறப்பு. உடல் பிரச்னைகளுக்கும் உளவியல் சிக்கல்களுக்கும் உணவின் மூலம், வழிகாட்டுகிறது இந்த நூல்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism