Published:Updated:

Covid Questions: காசநோய்க்கு சிகிச்சை எடுத்து வருகிறேன்; நான் கோவிட் தடுப்பூசி போட்டுக் கொள்ளலாமா?

Lungs ( Image by kalhh from Pixabay )

கொரோனா தொடர்பாகவும், அது ஏற்படுத்தும் பிற உடல்நல பாதிப்புகள் தொடர்பாகவும் அனைவர் மனதிலும் பல்வேறு கேள்விகள் எழுகின்றன. அவற்றுக்கு விடைசொல்லவே இந்த `Covid Questions' பகுதி.

Covid Questions: காசநோய்க்கு சிகிச்சை எடுத்து வருகிறேன்; நான் கோவிட் தடுப்பூசி போட்டுக் கொள்ளலாமா?

கொரோனா தொடர்பாகவும், அது ஏற்படுத்தும் பிற உடல்நல பாதிப்புகள் தொடர்பாகவும் அனைவர் மனதிலும் பல்வேறு கேள்விகள் எழுகின்றன. அவற்றுக்கு விடைசொல்லவே இந்த `Covid Questions' பகுதி.

Published:Updated:
Lungs ( Image by kalhh from Pixabay )

நான் கடந்த ஐந்து மாதங்களாக டிபி நோய்க்கு மாத்திரை எடுத்து வருகிறேன். இன்னும் 4 மாதங்களுக்கு மாத்திரைகள் எடுத்துக்கொள்ள வேண்டும். இந்நிலையில் நான் கோவிட் தடுப்பூசி போட்டுக்கொள்ளலாமா?

- காயத்ரி (விகடன் இணையத்திலிருந்து)

ஆஸ்துமா மற்றும் ஒவ்வாமைக்கான சிறப்பு மருத்துவர் ஶ்ரீதரன்
ஆஸ்துமா மற்றும் ஒவ்வாமைக்கான சிறப்பு மருத்துவர் ஶ்ரீதரன்

பதில் சொல்கிறார் சென்னையைச் சேர்ந்த ஆஸ்துமா, அலர்ஜி சிகிச்சை சிறப்பு மருத்துவர் ஸ்ரீதரன்.

``பொதுவாக ஆறு முதல் ஒன்பது மாதங்கள்வரை காசநோய்க்குச் சிகிச்சை கொடுப்பார்கள். இரண்டு, மூன்று மருந்துகளைச் சேர்த்துக் கொடுப்பார்கள். கொரோனாவுக்கு எதிரான தடுப்பூசியைப் போட்டுக்கொள்வதில் உங்களுக்கு எந்தச் சந்தேகமும் வேண்டாம். நீங்கள் தாராளமாகத் தடுப்பூசி போட்டுக்கொள்ளலாம்.

ஒட்டுமொத்த விகடனுக்கும் ஒரே ஷார்ட்கட்!

காசநோய்க்கான சிகிச்சையில் மட்டுமல்ல, இதயநோய், நீரிழிவு என எந்த நோய்க்கான சிகிச்சையில் இருந்தாலும் கொரோனா தடுப்பூசி போட்டுக்கொள்ள வேண்டியது அவசியம். இந்தப் பிரச்னைகள் எவையும் அதற்குத் தடையில்லை.

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

சிலர் புற்றுநோய்க்கான தீவிர சிகிச்சையில் இருப்பார்கள். அவர்கள் நோய் எதிர்ப்பு சக்தியைக் குறைக்கும் இம்யூனோசப்ரசென்ட் வகை மருந்துகளை எடுத்துக்கொள்பவர்களாக இருப்பார்கள். கீமோதெரபி சிகிச்சையில் இருப்பார்கள். அவர்கள்கூட கோவிட் தடுப்பூசியைத் தவிர்க்க வேண்டாம், போட்டுக்கொள்ள வேண்டும் என்றுதான் அமெரிக்காவில் உள்ள மருத்துவர்கள் சொல்லியிருக்கிறார்கள்.

COVID-19 vaccine
COVID-19 vaccine
AP Photo / Dar Yasin

நோய் எதிர்ப்பு சக்தியைக் குறைக்கும் மருத்துவ சிகிச்சைகளை மேற்கொள்ளும்போது கொரோனா தடுப்பூசி போட்டுக்கொண்டால், தடுப்பூசி நம் உடலில் உருவாக்கும் ஆன்டிபாடிக்களின் அளவு கொஞ்சம் குறையலாம். தடுப்பூசியின் செயல்திறன் சற்றுக் குறையலாம். அதாவது, 100 சதவிகிதம் செயல்திறனைக் கொடுப்பதற்குப் பதில் 70 சதவிகிதம் செயல்திறனைக் கொடுக்கலாம். ஆனாலும், தடுப்பூசியின் செயல்திறன் அறவே குறைவதில்லை என்பதால் அதுதான் உங்களைத் தொற்றிலிருந்து காக்கும் ஆயுதம்."

கொரோனா தொடர்பாகவும், அது ஏற்படுத்தும் பிற உடல், மனநல பாதிப்புகள் தொடர்பாகவும் அனைவர் மனதிலும் பல்வேறு கேள்விகள் எழுகின்றன. அவற்றுக்கு விடைசொல்லவே இந்த `Covid Questions' பகுதி. இந்தப் பகுதியில் தினம்தோறும் கொரோனா தொடர்பான ஒரு கேள்விக்கு விடையளிக்கப்படும். இதேபோல உங்களுக்கும் கொரோனா தொடர்பான சந்தேகங்கள் இருப்பின் அவற்றை கீழே கமென்ட் செய்யுங்கள். வரும் நாள்களில் அவற்றுக்கு விடையளிக்கிறோம். விகடனுடன் இணைந்திருங்கள்!
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism