ஆன்டிபயாடிக் அலர்ஜி உள்ளவர்களும் தடுப்பூசி போட்டுக் கொள்ளலாம். நீங்கள் சிகிச்சை மேற்கொள்ளும் மருத்துவரின் பரிந்துரையின் பேரில் உங்களுக்குக் கிடைக்கும் தடுப்பூசியை தாமதிக்காமல் போட்டுக் கொள்ளுங்கள். உங்களுடைய கடந்தகால நோய் வரலாறு தெரிந்தவர் என்ற முறையில் உங்களுக்கு சிகிச்சை கொடுக்கும் மருத்துவரால்தான் தடுப்பூசிக்கு முன்பு ஏதேனும் டெஸ்ட் அவசியமா என்பதைச் சொல்ல முடியும்.

புற்றுநோயாளிகள், உறுப்புமாற்று அறுவை சிகிச்சை மேற்கொண்டவர்கள் போன்றோருக்கு நோய் எதிர்ப்பு சக்தி குறைவாக இருக்கும். அவர்கள் மட்டும்தான் கோவிட் தடுப்பூசி போட்டுக்கொள்வதற்கு முன் மருத்துவரின் ஆலோசனையை அவசியம் கேட்க வேண்டும். மற்றபடி இப்போது கர்ப்பிணிகள், தாய்ப்பால் கொடுப்பவர்களைக்கூட தடுப்பூசி போட்டுக் கொள்ள அறிவுறுத்துகிறோம்."