Published:Updated:

Covid Questions: நீரிழிவுக்கு மாத்திரைகளும் இன்சுலினும் எடுக்கும்போது தடுப்பூசி போட்டுக் கொள்ளலாமா?

COVID-19 vaccine ( AP Photo / Bikas Das )

கொரோனா தொடர்பாகவும், அது ஏற்படுத்தும் பிற உடல்நல பாதிப்புகள் தொடர்பாகவும் அனைவர் மனதிலும் பல்வேறு கேள்விகள் எழுகின்றன. அவற்றுக்கு விடைசொல்லவே இந்த `Covid Questions' பகுதி.

Covid Questions: நீரிழிவுக்கு மாத்திரைகளும் இன்சுலினும் எடுக்கும்போது தடுப்பூசி போட்டுக் கொள்ளலாமா?

கொரோனா தொடர்பாகவும், அது ஏற்படுத்தும் பிற உடல்நல பாதிப்புகள் தொடர்பாகவும் அனைவர் மனதிலும் பல்வேறு கேள்விகள் எழுகின்றன. அவற்றுக்கு விடைசொல்லவே இந்த `Covid Questions' பகுதி.

Published:Updated:
COVID-19 vaccine ( AP Photo / Bikas Das )

என் வயது 39. கடந்த 5 வருடங்களாக நீரிழிவுக்கு மருந்துகள் எடுத்து வருகிறேன். 2021, ஜூலை மாதம் சுகர் டெஸ்ட் செய்தபோது ரத்தச் சர்க்கரை அளவானது வெறும் வயிற்றில் 255-ம், சாப்பிட்ட பிறகு 399-ம் இருந்தது. அதையடுத்து மருத்துவர் என்னை இன்சுலின் ஊசி போட்டுக்கொள்ளச் சொன்னார். இந்நிலையில் நான் கோவிட் தொற்றுக்கு எதிரான தடுப்பூசி போட்டுக்கொள்ளலாமா?

- ரமேஷ் (விகடன் இணையத்திலிருந்து)

மருத்துவர் சஃபி சுலைமான்
மருத்துவர் சஃபி சுலைமான்

பதில் சொல்கிறார் நாகர்கோவிலைச் சேர்ந்த மருத்துவர் சஃபி.

``நீரிழிவுக்கு மாத்திரைகள் எடுத்துக்கொள்வதாகவும், இன்சுலின் ஊசி போட்டுக்கொள்வதாகவும் குறிப்பிட்டுள்ளீர்கள். இந்த இரண்டையும் செய்தும் ரத்தச் சர்க்கரையின் அளவு இவ்வளவு இருப்பது மிகவும் தவறு. ஒருவருக்கு இந்த அளவுக்கு ரத்தச் சர்க்கரை அதிகரிக்கும்போதுதான் மருத்துவர்கள் மாத்திரைகளையும இன்சுலினையும் சேர்த்துப் பரிந்துரைப்போம்.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

மாத்திரை மற்றும் இன்சுலின் காம்பினேஷனுக்குப் பிறகும் ரத்தச் சர்க்கரை அளவு குறையாவிட்டால், முதல் வேலையாக நீங்கள் முழு உடல் பரிசோதனை மேற்கொண்டு, ரத்தச் சர்க்கரையின் அளவைக் கட்டுக்குள் கொண்டு வர வேண்டியது மிக முக்கியம். ஆனால், இந்த நிலையில் கோவிட் தடுப்பூசி போட்டுக் கொள்ளலாமா என்ற சந்தேகமே தேவையில்லை. தாராளமாகப் போட்டுக்கொள்ளலாம். கோவிட் தொற்று வராமலிருக்க நீங்கள் தடுப்பூசி போட்டுக்கொள்ள வேண்டும்.

A doctor prepares to administer vaccine
A doctor prepares to administer vaccine
AP Photo/Rafiq Maqbool

அதே நேரம் ரத்தச் சர்க்கரையின் அளவால் உங்களுக்கு உடலின் பிற உறுப்புகள் பாதிக்கப்படாமலிருக்க நீங்கள் உடனடியாக ரத்தச் சர்க்கரையின் அளவையும் கட்டுப்படுத்த வேண்டும். கோவிட் தொற்று வராமலிருக்க தடுப்பூசி எந்த அளவுக்கு முக்கியமோ, அதைவிட முக்கியம் ரத்தச் சர்க்கரை அளவு அதிகரிப்பால் வேறு பிரச்னைகள் வராமல் தடுப்பது. எனவே, நீங்கள் நீரிழிவு நோய் மருத்துவரை அணுகி அதற்கான சிகிச்சைகளை உடனே தொடங்க வேண்டியது அவசியம்."

கொரோனா தொடர்பாகவும், அது ஏற்படுத்தும் பிற உடல், மனநல பாதிப்புகள் தொடர்பாகவும் அனைவர் மனதிலும் பல்வேறு கேள்விகள் எழுகின்றன. அவற்றுக்கு விடைசொல்லவே இந்த `Covid Questions' பகுதி. இந்தப் பகுதியில் தினம்தோறும் கொரோனா தொடர்பான ஒரு கேள்விக்கு விடையளிக்கப்படும். இதேபோல உங்களுக்கும் கொரோனா தொடர்பான சந்தேகங்கள் இருப்பின் அவற்றைக் கீழே கமென்ட் செய்யுங்கள். வரும் நாள்களில் அவற்றுக்கு விடையளிக்கிறோம். விகடனுடன் இணைந்திருங்கள்!

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

விகடன் தயாரிப்பில் வெளிவர இருக்கும் ஆதலினால் காதல் செய்வீர் தொடரின் Promo

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism