பிரீமியம் ஸ்டோரி
காலையில் கண்விழித்ததும் மொபைலை ஆக்கிரமிக்கும் குட் மார்னிங் மெசேஜ்களைவிடவும் கொரோனா மெசேஜ்தான் அதிகம். டி.வி, வாட்ஸப், ஃபேஸ்புக் என, போதும் போதும் என்ற அளவுக்குக் கொரோனாத் தகவல்கள்... இவற்றில் எதை நம்புவது, எதைப் புறக்கணிப்பது? அப்படிப்பட்ட தகவல்களின் உண்மைத்தன்மை குறித்து நுரையீரல் மருத்துவர் பிரசன்ன குமார் தாமஸிடம் கேட்டோம்.
மாஸ்க்
மாஸ்க்

கொரோனாவிலிருந்து தற்காத்துக்கொள்ள, அனைவரும் மாஸ்க் அணிய வேண்டியது அவசியமில்லை என முதலில் அரசு சொல்லியது. இப்போது அவசியம் என்கிறது. மாஸ்க் கட்டாயமா, இல்லையா?

நோயாளிகளின் எண்ணிக்கை அதிகரிக்கும் போது, வைரஸின் வீரியம் நாம் எதிர்ப்பார்த்ததை விடவும் அதிகரிக்கிறது. இதனால்தான் அரசு இப்போது மாஸ்க் பயன் பாட்டைக் கட்டாயமாக்கி யுள்ளது. மாஸ்க், நிச்சயம் வைரஸ் பரவுவதைக் குறைக்கும் என்பதால், மக்கள் இதைத் தட்டிக்கழிக்க வேண்டாம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

செல்லப் பிராணிகள்
செல்லப் பிராணிகள்

செல்லப்பிராணிகளுக்குக் கொரோனாத் தொற்று ஏற்படுமா? அவை வைரஸ் கேரியர்களாக இருக்க வாய்ப்புள்ளதா?

இதுவரை எந்தச் செல்லப் பிராணிக்கும் கொரோனா ஏற்பட்டதாகத் தகவல்கள் இல்லை. அப்படியே இருந்தாலும், அது பரவலாக இருப்பதில்லை. அதேபோல அவை வைரஸை வீரியமாகப் பரப்புவதும் இல்லை. இந்த வைரஸ், மனிதர்களின் உடலில்தான் அதிக நேரம் தங்கியிருக்கிறது என்பதால், மனிதர்கள்தான் பெரும் பாலும் வைரஸ் கேரியர் களாக இருக்கின்றனர்.

வெந்நீரில்
வெந்நீரில்

வெந்நீரில் குளித்தால், கொரோனா வைரஸ் பரவுவதைத் தடுக்கலாம்

இது வெறும் யூகம் மட்டுமே. முழுவதுமாக நம்ப வேண்டாம், அதேநேரம் தவிர்க்கவும் வேண்டாம். சுத்தம் முக்கியம் என்பதே இதன் சாராம்சம்.

நீராவி
நீராவி

நீராவி பிடித்தால், கொரோனா அழிந்துவிடுமா?

இதுவும் யூகம்தான். சாதாரண சளி காய்ச்சலுக்கு நீராவி பிடித்தல் உபயோகமாக இருக்கும் என்ற அடிப்படையில், இங்கும் அது உபயோகப்படும் என மக்கள் நம்புகின்றனர். மற்றபடி, அறிவியல் ரீதியாக நிரூபிக்கப்படவில்லை. கொரோனாத் தொற்றுக் கான அறிகுறிகளும், சாதாரண சளி காய்ச்சலுக் கான அறிகுறிகளும் மாறுபடும் என்பதால், நீராவிபிடித்தால் கொரோனா வைரஸ் உடலுக்குள் அழிந்துவிடும் என நம்ப வேண்டாம்.

கொரோனா
கொரோனா

ஒருமுறை கொரோனா ஏற்பட்டவருக்கு மறுபடியும் கொரோனா வருமா?

இன்றுவரை கிடைக்கும் தரவுகளைப் பார்க்கும்போது, மீண்டும் பாதிப்பு வரலாம் என்பதே பதில். இன்ஃப்ளூயென்ஸா வைரஸுக்கும் இதுவேதான் நடந்துள்ளது. இருப்பினும் இன்ஃப்ளுயென்ஸா அளவுக்கு இது தீவிரமான நோயல்ல என்பதால், மீண்டும் நோய் ஏற்படுவதற்கான வாய்ப்பும் சதவிகிதமும் குறைவுதான்.

உப்பு நீர்
உப்பு நீர்

உப்பு நீர் கொண்டு வாய்கொப்பளித்தால், கொரோனாவிலிருந்து தற்காத்துக்கொள்ளலாமா?

ஆதாரமில்லாத் தகவல் இது. தொண்டை ஆரோக்கியத்துக்கு வேண்டுமானால் இது உதவலாம். மற்றபடி வேறொன்றுமில்லை.

குளிர்
குளிர்

குளிர் சூழலில் இருந்தாலோ, மழைக்காலத்திலோ கொரோனா வைரஸ் வேகமாகப் பரவுமா?

இதற்கு முன் சீனா எதிர்கொண்ட சார்ஸ் - மெர்ஸ் ஆகிய கொரோனா வகை வைரஸ்கள், குளிர் சூழலில் மட்டுமே உயிரோடு இருந்துள்ளன. 17 டிகிரிக்குக் கீழிருந்த பகுதிகளிலும் 24 டிகிரிக்கு மேலுள்ள பகுதிகளிலும்தான் இவை மிகத்தீவிரமாகப் பரவியுள்ள தாக நம்மிடையே தரவுகள் இருக்கின்றன. அதன் அடிப்படையில்தான் இந்தக் கொரோனாவும் குளிரில் வேகமாகப் பரவும் எனச் சொல்கிறார்கள். ஆனால் இந்த கோவிட் - 19 க்கு சரியான வெப்பநிலை விகிதம் நம்மிடையே இல்லை. ஆகவே, எல்லா வெப்ப நிலையிலும் இது பரவும் என்பதே இப்போதைக்கு நம்ப வேண்டிய விஷயம்.

ப்ளீச்சிங் பவுடர்
ப்ளீச்சிங் பவுடர்

தெருக்களிலெல்லாம் ப்ளீச்சிங் பவுடர் தூவப்படுகிறதே... அதற்குக் கொரோனாவை அழிக்கும் தன்மை உள்ளதா?

இல்லை. அரசின் பல கொரோனா முன்னெச்சரிக்கை நடவடிக்கைகளில் இதுவு மொன்று. மற்றபடி இது கொரோனா வைரஸை அழிப்பதில்லை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு