Published:Updated:

உடலுறவின் மூலம் டெங்கு பரவுகிறதா... ஸ்பெயின் மருத்துவர்கள் என்ன சொல்கிறார்கள்?

Mosquito
News
Mosquito ( pixabay )

பத்து நாள்களுக்கு முன்பாக, இவரின் ஆண் பார்ட்னர், குறைந்த அளவு டெங்கு பாதிப்புக்கான அறிகுறிகளோடு இருந்தது தெரியவந்தது. அவர் கியூபா நாட்டுக்குச் சென்று திரும்பியவர். எனவே, ஒருவேளை அவர் மூலமாக இவருக்குப் பரவியிருக்கலாம்

டெங்குவைப் பரப்பும் கொசுவான Aedes Aegypti கடிப்பதன் மூலம் மட்டும்தான் டெங்கு பரவுகிறது என்ற கருத்து பொய்யாகி உள்ளது. உடலுறவின் மூலமும் டெங்கு பரவுகிறது என்பதை, ஸ்பெயின் நாட்டைச் சேர்ந்த மருத்துவத்துறை அதிகாரிகள் உறுதிப்படுத்தியுள்ளனர்.

Mosquito
Mosquito
pixabay

`கியூபா நாட்டிலிருந்து திரும்பிய, டெங்கு வைரஸால் பாதிக்கப்பட்ட ஓரினச்சேர்க்கையாளர் மூலம், மேட்ரிட் நகரத்தைச் சேர்ந்த 41 வயதான ஓர் ஆண், டெங்கு வைரஸால் பாதிக்கப்பட்டுள்ளது தெரியவந்துள்ளது' என அந்நாட்டின் மருத்துவத்துறை அதிகாரிகள் தெரிவித்துள்ளனர்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

`செப்டம்பர் மாதத்தில், மேட்ரிட் நகரத்தைச் சேர்ந்த ஒருவருக்கு டெங்கு இருப்பது உறுதியானது. இது மருத்துவர்களை ஆச்சர்யப்படுத்தியது. ஏனென்றால் உடல் வெப்பநிலையில் ஏற்றம், உடல்வலி போன்ற ஃப்ளூ காய்ச்சலுக்கான அறிகுறிகளுடன் கூடிய டெங்கு வைரஸ் காய்ச்சலால் பாதிக்கப்பட்ட இவர், டெங்கு பரவும் எந்த ஒரு நாட்டுக்கும் இதுவரை சென்றதில்லை என்பது, மருத்துவர்களை யோசிக்க வைத்தது.

Dengu Virus
Dengu Virus
pixabay

எப்படி இவருக்கு டெங்கு பாதிப்பு ஏற்பட்டது என்பதைக் கண்டறிய முற்பட்டபோது, பத்து நாள்களுக்கு முன்பாக, இவரின் ஆண் பார்ட்னர், குறைந்த அளவு டெங்கு பாதிப்புக்கான அறிகுறிகளோடு இருந்தது தெரியவந்தது. அவர் கியூபா நாட்டுக்குச் சென்று திரும்பியவர்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

எனவே, ஒருவேளை அவர் மூலமாக இவருக்குப் பரவியிருக்கலாம் என, இவர்கள் இருவருக்கும் விந்துப் பரிசோதனை மேற்கொள்ளப்பட்டது. அதில், கியூபாவில் உள்ள அதே வகையான டெங்கு வைரஸின் பாதிப்பு இருவருக்கும் இருந்தது கண்டறியப்பட்டது.

Doctor
Doctor
pixabay

ஸ்டாக்ஹோமில் செயல்படும் `ஈரோப்பியன் சென்டர் ஃபார் டிசீஸ் ப்ரிவென்ஷன் அண்டு கன்ட்ரோல்' அமைப்பு, ஐரோப்பிய நாடுகளில் உள்ள நோய்கள் மற்றும் ஆரோக்கியம் குறித்த தகவல்களைக் கண்காணிக்கும் நிறுவனமான AFP க்கு அனுப்பியுள்ள மெயிலில், `உடலுறவு மூலம் ஓரினச் சேர்க்கையாளர்களான இரண்டு ஆண்களுக்கு டெங்கு பரவியுள்ளது என்பதை அறிவிக்கும் முதல் கேஸ் இது' என்று கூறியுள்ளது.