பதில் சொல்கிறார் சென்னையைச் சேர்ந்த, காது, மூக்கு, தொண்டை சிகிச்சை மருத்துவர் மோனிகா.

``உங்கள் சித்தியின் உடல்நலம் தொடர்பான விரிவான தகவல்கள் இல்லாமல் இதற்கு பதில் சொல்வது கஷ்டம். உங்கள் சித்திக்கு சைனஸ் என்று பொதுவாகக் குறிப்பிட்டுள்ளீர்கள். அவருக்கு மூக்கடைப்பு, தலைவலி, தலைபாரம் போன்றவை இருக்கின்றனவா அல்லது தலைவலியுடன் அலர்ஜி போன்ற ஏதாவது இருக்கிறதா என்பதெல்லாம் தெரிய வேண்டும். தவிர அந்த பிரச்னைகள் எத்தனை நாள்களாக அவருக்கு இருக்கின்றன, எத்தனை நாள்களுக்கொரு முறை வருகின்றன என்பதும் முக்கியம்.

அது தெரிந்தால்தான் மருந்துகளுக்கு அவரது பிரச்னை கட்டுப்படுமா என்பது தெரியும். மருந்துகளுக்கு அவரின் உடல் எப்படி ரியாக்ட் செய்கிறது என்பதும் பார்க்கப்பட வேண்டும். அதையடுத்து சிடி ஸ்கேன் தேவையா என்பதை மருத்துவர் பார்த்து அறிவுறுத்துவார்.