Published:Updated:

கொரோனா போரில் ஓராயுதம்!

 இபுராஹிம் சுல்தான் சேட்
பிரீமியம் ஸ்டோரி
இபுராஹிம் சுல்தான் சேட்

இதுபற்றி ராஜாஜி மருத்துவமனை டீனிடம் ஆலோசனை பெற்றோம்.

கொரோனா போரில் ஓராயுதம்!

இதுபற்றி ராஜாஜி மருத்துவமனை டீனிடம் ஆலோசனை பெற்றோம்.

Published:Updated:
 இபுராஹிம் சுல்தான் சேட்
பிரீமியம் ஸ்டோரி
இபுராஹிம் சுல்தான் சேட்

கொரோனாத் தொற்றால் பாதிக்கப்பட்டவர்கள் எண்ணிக்கை தமிழகத்தில் லட்சத்தைத் தொட்டு விட்டது. ஒவ்வொரு மாவட்டத்திலும் தலைமை மருத்துவமனை, மருத்துவக் கல்லூரிகளில் கொரோனாத் தொற்றாளர்கள் நிரம்பி வழிகி றார்கள். புதிய கோவிட் மையங்கள் அமைக்கப்பட்டு வருகின்றன. பல்வேறு பகுதிகளில் கல்லூரிகளைத் தனிமைப்படுத்தல் முகாமாக மாற்றிவருகிறது அரசு.

கொரோனா போரில் ஓராயுதம்!

கொரோனாவுக்கான தடுப்பு மருந்து எப்போது கண்டுபிடிக்கப்படும் என்பதே இன்று பலரின் எதிர்பார்ப்பு. இந்தச் சூழலில் கொரோனாத் தொற்றுக்குள்ளாகி குணமடைந்த வர்களைத் திரட்டி அவர்களிடம் பிளாஸ்மா தானம் பெறும் முயற்சியில் களமிறங்கியிருக் கிறார்கள், மதுரையைச் சேர்ந்த மூவர். கொரோனாவினால் மரண வாசலுக்குச் செல்லும் நோயாளிகள் பிளாஸ்மா சிகிச்சை மூலம் குணப்படுத்தும் நடவடிக்கைகள் நாடு முழுவதும் உள்ள முக்கிய அரசு மருத்துவமனைகளில் நடைபெற்று வருகின்றன. பிளாஸ்மா தானம் அளிக்க முன்வருமாறு கொரோனா விலிருந்து மீண்ட நோயாளிகளிடம் மருத்துவத்துறை வலியுறுத்துவது இதன் காரணமாகத்தான்.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

மதுரையைச் சேர்ந்த கொரோனா தன்னார்வலர்களான வழக்கறிஞர் அன்புநிதி, இபுராஹிம் சுல்தான் சேட், காதர் மொய்தீன் ஆகிய மூவரும் பிளாஸ்மா தானம் பெற்றுத் தரும் முயற்சியில் களமிறங்கி யிருக்கிறார்கள். இந்த மூவரையும் மதுரை மருத்துவர்களும், சமூக ஆர்வலர்களும் பாராட்டி வருகிறார்கள்.

 இபுராஹிம் சுல்தான் சேட்
இபுராஹிம் சுல்தான் சேட்

முதற்கட்டமாக வெளியூரைச் சேர்ந்த மூன்று பேரை மதுரைக்கு அழைத்து வந்து பிளாஸ்மா தானம் கொடுக்க வைத்துள்ளார்கள். இதுகுறித்து, வழக்கறிஞர் அன்புநிதியிடம் பேசினோம்.

“ஊரடங்கு அறிவித்த நாளிலிருந்து மதுரை அரசு மருத்துவமனையில் சிகிச்சை பெற்றுவரும் பொதுமக்களுக்கும், ஊழியர்களுக்கும் உணவு வழங்கிவருகிறோம். இந்தக் கொரோனா காலத்தில் மருத்துவமனையோடு தொடர்பில் இருந்ததால் இங்கு அனுமதிக்கப்படும் கொரோனா நோயாளிகளின் நிலையை அறிய முடிந்தது. மருத்துவர்கள், செவிலியர்கள், தூய்மைப்பணியாளர்கள் அனைவரும் அர்ப்பணிப்போடு பணியாற்றிவருகிறார்கள். அப்படி இருந்தும் சிலரைக் காப்பாற்ற முடிவதில்லை. அப்போதுதான் பிளாஸ்மா தெரபியை அதிகப்படுத்தினால் இக்கட்டான நிலையிலுள்ள பலபேரைக் காப்பாற்றலாம் என்று மருத்துவர்கள் தெரிவித்தனர்.

கொரோனா போரில் ஓராயுதம்!

ஆனால், அது சாதாரண காரியமல்ல. ஏற்கெனவே கொரோனா பாதிக்கப்பட்டு குணமானவர்களைத் தேடிக் கண்டுபிடித்து, பிளாஸ்மா தானம் அளிப்பதன் உயர்ந்த நோக்கத்தை விளக்கிக்கூறி, அவர்களின் சம்மதத்தைப் பெறவேண்டும். அதன்பின் சில மருத்துவ சோதனைகளை நடத்தி அது பலனளித்ததும் பிளாஸ்மா தானம் பெற வேண்டும். கொரோனாவுக்கு மருந்தே இல்லாத நிலையில் இந்த முயற்சி நல்ல பலன் தருவதாக, சில மாதங்களுக்கு முன்தான் ஐ.சி.எம்.ஆர் அனுமதி அளித்துள்ளது. இதுபற்றி ராஜாஜி மருத்துவமனை டீனிடம் ஆலோசனை பெற்றோம்.

இபுராஹிம் சுல்தான் சேட், காதர் மொய்தீனுடன் நானும் டெல்லி தப்லிக் மாநாட்டில் கலந்துகொண்டவர்களில் கொரோனா பாதித்து குணமடைந்தவர்களைத் தேடிக் கண்டுபிடித்துப் பேசி, சம்மதிக்கச் செய்தோம். 3 பேர் முதலில் முன்வந்தார்கள். அவர்களை மதுரை ராஜாஜி மருத்துவமனைக்கு அழைத்து வந்து அவர்களின் ரத்த மாதிரிகள் எடுக்கப்பட்டு பரிசோதனைக்கு அனுப்பப் பட்டது. அதன்பின் அவர்கள் பிளாஸ்மா தானம் செய்யத் தகுதியானவர்கள்தான் என்ற பரிசோதனை முடிவு வந்தது.

அன்புநிதி, காதர் மொய்தீன்
அன்புநிதி, காதர் மொய்தீன்

அதைத்தொடர்ந்து அவர்களிடம் பிளாஸ்மா தானம் பெறப்பட்டது. ஒருவரிடமிருந்து பெறப்படும் பிளாஸ்மாவைக் கொரோனா பாதிக்கப்பட்ட பலருக்குச் செலுத்தலாம். இன்னும் சிலரையும் தானம் வழங்க சம்மதிக்க வைத்திருக்கிறோம். கொரோனா பலிகளைத் தடுக்க தற்போது இதுதான் மாற்று. தடுப்பு மருந்துகள் நடைமுறைக்கு வரும்வரை, கொரோனாவிலிருந்து மீண்டவர்களிடம் பேசிப் புரிய வைத்து மற்ற கொரோனா நோயாளிகளைக் காப்பாற்ற முடியும்’’ என்றார்.

‘`ஏற்கெனவே மதுரையில் கொரோனா மருத்துவ மனையில் பணியாற்றி கொரோனாவினால் பாதிக்கப்பட்டு மீண்டு வந்த தற்காலிகத் தூய்மைப் பணியாளர் ஒருவர், பிளாஸ்மா தானம் அளித்தது அனை வரையும் ஆச்சர்யப்படுத்தியது. தற்போது சோதனை முயற்சியாகவே பிளாஸ்மா சிகிச்சை அளிக்கப்பட்டு வருகிறது. நாடு முழுவதும் பிளாஸ்மா சிகிச்சை அளிக்க அனுமதி வழங்கப்பட்ட மருத்துவமனைகளில் மதுரையும் ஒன்று. மதுரையில் சில நாள்களுக்கு முன் சோதனை முறையில் 54 வயது கொரோனா நோயாளிக்கு பிளாஸ்மா சிகிச்சை அளித்து 12 மணி நேரத்தில் குணமடைந் துள்ளார். அதே நேரம் எல்லா நோயாளிகளுக்கும் பிளாஸ்மா சிகிச்சை அளிக்க ரத்த பரிசோதனை முடிவுகள் சரிவர வேண்டும். வரும் நாள்களில் அனைவருக்கும் பிளாஸ்மா சிகிச்சை அளியுங்கள் என்று ஐ.சி.எம்.ஆர் அறிவிக்கும்போது பிளாஸ்மா தானம் பெறுவது அதிகரிக்கும்’’ என்கிறார்கள் மருத்துவர்கள்.

கொரோனா பற்றிய அச்சத்தையும், அதன் உயிர்குடிக்கும் போக்கையும் தடுத்துநிறுத்த பலரும் போராடிவருகிறார்கள். மதுரையில் இந்த மூவரும் சக மனிதரின் துயர் துடைக்க அந்தப் போராட்டத்தில் இணைந்துள்ளனர். தொற்றிலிருந்து மீண்டவர்களும் தங்கள் பிளாஸ்மாவை வழங்கி கொரோனாவினால் ஏற்படும் வதையைத் தடுக்க முன்வருவர். ஒவ்வொரு பேரிடரிலும் மனிதமே இறுதியில் வென்றிருக்கிறது. அது கொரோனாவிலும் சாத்தியப்படட்டும்.

கோவிட்-19 வைரஸால் பாதிக்கப்பட்டவர்களுக்கான சிகிச்சைகளில், உலகெங்கும் முக்கியத்துவம் பெற்றிருக்கிறது பிளாஸ்மா சிகிச்சை. என்ன, ஏன், எப்படி..? அறிந்துகொள்வோம்!

  • ஏதேனும் ஒரு வைரஸ் அல்லது பாக்டீரியம் கிருமியால் நோய்த்தொற்று ஏற்பட்டு, அதிலிருந்து குணமடைந்த நோயாளியின் உடலில் இருக்கும் ரத்தத்திலிருந்து பிளாஸ்மாவைப் பிரித்தெடுத்து, அதே நோய்க் கிருமியால் பாதிக்கப்பட்டிருக்கும் மற்றொரு நோயாளியின் உடலில் செலுத்தி சிகிச்சை அளிக்கும் முறைதான் ‘பிளாஸ்மா தெரபி.’

  • ஏற்கெனவே வைரஸால் பாதிக்கப்பட்டு குணமடைந்தவரின் ரத்தத்தில், அந்த வைரஸுக்கு எதிராக உருவாகியிருக்கும் ஆன்டிபாடிகள்(நோய் எதிர்ப்பு அணுக்கள்), அவரின் பிளாஸ்மா மூலம், சிகிச்சை தரப்படும் நோயாளிக்கு மாற்றப்படும்போது அந்த நோயிலிருந்து அவர் குணமடைய அதிக வாய்ப்புள்ளது.

கொரோனா போரில் ஓராயுதம்!
  • இந்தச் சிகிச்சை முறை, வைரஸால் பாதிக்கப்பட்டு மிகவும் ஆபத்தான நிலையில் இருப்பவர்களுக்கு மட்டும்தான் அளிக்கப்பட்டுவருகிறது.

  • ஒருவருக்குக் கொரோனாத் தொற்று ஏற்பட்டு குணமடைந்த 28 நாள்களுக்குப் பிறகே பிளாஸ்மா தெரபிக்காக அவரிடமிருந்து ரத்தம் சேகரிக்கப்படுகிறது. அதற்கு முன்பு, அவர் உடம்பில் இன்னும் வைரஸ் இருக்கிறதா, அல்லது முழுவதும் குணமாகிவிட்டாரா என்பதை உறுதிசெய்ய இரண்டு முறை PCR(Polymerase Chain Reaction) டெஸ்ட் செய்யப்படுகிறது. அதில், அவர் உடலில் வைரஸ் வீரியத்துடன் இல்லை என்று ‘நெகட்டிவ்’ டெஸ்ட் உறுதியான பிறகே, அவரின் ரத்தம் பிளாஸ்மா தெரபிக்கு எடுத்துக் கொள்ளப்படுகிறது.

  • பிளாஸ்மா தானம் அளிப்பவர்களின் உடல் எடை 50 கிலோவுக்கு அதிகமாக இருக்க வேண்டும். ரத்தத்தில் ஹீமோகுளோபினின் அளவு 8-க்கு மேல் இருக்க வேண்டும். ரத்த அழுத்தம் 140-க்கு மிகாமல் இருக்க வேண்டும்.

  • நாள்பட்ட சிறுநீரக, இதய, நுரையீரல் அல்லது கல்லீரல் நோய் உள்ளவர்கள் பிளாஸ்மா தானம் செய்யக்கூடாது. புற்றுநோயிலிருந்து மீண்டவர்களும் பிளாஸ்மா தானம் செய்யக்கூடாது.

  • குழந்தை பெற்ற பெண்களால் பிளாஸ்மா தானம் அளிக்க முடியாது. ஏனெனில், கர்ப்பகாலத்தில் பெண்களின் உடலில் மனித லுகோசைட் ஆன்டிஜென்களுக்கு(HLA - Human leukocyte antigen) எதிராக ஆன்டிபாடிகள் உற்பத்தியாகின்றன. கருவில் உருவாகும் குழந்தையின் ரத்த வகைக்கு ஏற்ப இந்த ஆன்டிபாடிகள் அந்தப் பெண்ணின் ரத்தத்தில் உருவாகும். அந்தப் பெண் எத்தனை குழந்தைகள் பெற்றுக்கொள்கிறாரோ அத்தனை குழந்தைகளின் ரத்த வகைக்குத் தகுந்தாற்போல வெவ்வேறு வகையான ஆன்டிபாடிகள் உற்பத்திசெய்யப்படும். குழந்தை பிறந்த பின்னும் இவை அந்தப் பெண்ணின் ரத்தத்தில் இருக்கும். இதனால் குழந்தைக்கோ அல்லது அந்தப் பெண்ணுக்கோ எந்தவித பாதிப்பும் ஏற்படாது. ஆனால், இந்த ஆன்டிபாடிகள் ப்ளாஸ்மா வழியாக மற்றொருவரின் உடலுக்குள் செலுத்தப்படும்போது, அதை தானம் பெறுபவர்களுக்கு வீக்கம், அரிப்பு போன்ற ஒவ்வாமை ஏற்படலாம்.

  • பிளாஸ்மா சிகிச்சை அளிக்கப்பட்ட ஒருவருக்கு சில நேரம் அலர்ஜிபோன்ற பக்கவிளைவுகள் ஏற்பட வாய்ப்பிருக்கிறது. அப்படி ஏற்படும் பட்சத்தில் அவருக்கு ஏற்கெனவே இருந்த நோய் இன்னும் தீவிரமடையலாம். இது அவரின் உயிருக்கே ஆபத்தாக முடியலாம்.

  • பிளாஸ்மா தெரபி சிகிச்சை ஆராய்ச்சியில் நம் நாடு ஆரம்ப நிலையில்தான் இருக்கிறது. அதனால் இந்தச் சிகிச்சையின் பலன் இப்படித்தான் இருக்கும் என்று நம்மால் உறுதியாகக் கூற முடியாது. இவற்றைக் கருத்தில்கொண்டுதான் மத்திய அரசு இந்தச் சிகிச்சை முறையைச் சோதனை நோக்கங்களுக்காக மட்டும் அனுமதித்துள்ளது.