Published:Updated:

Doctor Vikatan: பல ஆண்டுகளாக துன்புறுத்தும் பைல்ஸ் பிரச்னை; அறுவைசிகிச்சை மட்டும்தான் தீர்வா?

Surgery ( Photo by Piron Guillaume on Unsplash )

உங்கள் கேள்விகளை கமென்ட் பகுதிகளில் பகிர்ந்துகொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

Doctor Vikatan: பல ஆண்டுகளாக துன்புறுத்தும் பைல்ஸ் பிரச்னை; அறுவைசிகிச்சை மட்டும்தான் தீர்வா?

உங்கள் கேள்விகளை கமென்ட் பகுதிகளில் பகிர்ந்துகொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.

Published:Updated:
Surgery ( Photo by Piron Guillaume on Unsplash )

எனக்கு கடந்த 15 ஆண்டுகளாக வெளிப்புற மூலநோய் பிரச்னை இருக்கிறது. இதுவரை எந்தத் தொந்தரவும் கொடுக்கவில்லை. இப்போது அது அளவில் பெரிதாவதுடன், லேசான அரிப்பும் எரிச்சலும் இருப்பதை உணர்கிறேன். என் அம்மாவுக்கும் இதே பிரச்னை இருந்து பைல்ஸ் அறுவைசிகிச்சை செய்ததில் அவர் இறந்துவிட்டார். அதனால் ஆபரேஷன் செய்துகொள்ள எனக்கு பயமாக இருக்கிறது. இதைக் குணப்படுத்த வேறு வழிகள் உண்டா?

- ரோஜா பானு (விகடன் இணையத்திலிருந்து)

பினாக் தாஸ்குப்தா
பினாக் தாஸ்குப்தா

பதில் சொல்கிறார் சென்னையைச் சேர்ந்த, குடலியல் அறுவை சிகிச்சை மருத்துவர் பினாக் தாஸ்குப்தா.

``உங்களுக்கு இருக்கும் எக்ஸ்டெர்னல் பைல்ஸ் பிரச்னையால் மலச்சிக்கலும் வீக்கமும், அரிப்பும், வலியும் இருக்கலாம். பெரும்பாலும் ஆசனவாய்ப் பகுதியில் ரத்தம் வராது. ஒருவேளை ரத்தம் வந்தால் மருத்துவ ஆலோசனை அவசியம்.

உங்கள் அம்மாவுக்கு பைல்ஸ் ஆபரேஷன் செய்ததால் அவர் இறந்துவிட்டார் எனக் குறிப்பிட்டுள்ளீர்கள். பைல்ஸ் அறுவைசிகிச்சை ரொம்பவும் எளிமையானது. அதில் இப்படி உயிரிழப்பு நேர வாய்ப்பே இல்லை. உங்கள் அம்மாவுக்கு வேறு பிரச்னைகள் இருந்தனவா என்று தெரியவில்லை. அவரது மெடிக்கல் ரிப்போர்ட், அவர் எடுத்துக்கொண்ட மருந்துகள் என மற்ற தகவல்கள் தெரிந்தால்தான் அது குறித்துச் சொல்ல முடியும்.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

உங்கள் விஷயத்தில் நீங்கள் அவசியம் மருத்துவ ஆலோசனை பெற வேண்டும். மருத்துவர் பரிசோதித்துப் பார்த்த பிறகுதான் உங்களுக்கான சிகிச்சைகளைப் பரிந்துரைப்பார். அறுவை சிகிச்சைதான் செய்ய வேண்டும் என நீங்களாக நினைக்க வேண்டாம்.

Doctor
Doctor
(Representational Image)

சில வேளைகளில் அந்தப் பகுதியில் தடவும் க்ரீம்கள், உள்ளுக்கு எடுத்துக்கொள்ளும் சிரப் மாதிரியான மருந்துகள் மூலமே குணப்படுத்த முடியும். ஆனால், மருத்துவரையே அணுகாமல் அலட்சியமாக இருப்பது மட்டும் வேண்டாம்."

உடல்நலம், மனநலம் மற்றும் ஆரோக்கியம் தொடர்பான எந்தக் கேள்விகளையும் இங்கே நீங்கள் கேட்கலாம். அதற்கு துறைசார்ந்த நிபுணர்களின் பதிலையும் வழிகாட்டுதலையும் பெற்றுத் தருகிறோம். நீங்கள் செய்ய வேண்டியதெல்லாம் ஒன்றே ஒன்றுதான்; வழக்கம்போல கமென்ட் பகுதிகளில் உங்கள் கேள்விகளைப் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும். இந்தப் புதிய பகுதி உங்கள் குடும்பத்தினருக்கும் நண்பர்களுக்கும்கூட நிச்சயம் பயன்படும். ஆகவே, அவர்களிடமும் இந்தச் செய்தியைப் பகிர்ந்துகொள்ளுங்கள்! உங்கள் கேள்வி என்ன?
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism