பள்ளிக்குச் செல்லும் பிள்ளைகளுக்குத்தான் கொஞ்சம் ரிஸ்க். அவர்களுக்குத் தடுப்பூசி ஆரம்பிக்கப்படாததால் அங்கொன்றும் இங்கொன்றுமாக பள்ளிக்கூடங்களில் சிலர் தொற்றுக்குள்ளாவதைக் கேள்விப்படுகிறோம். அப்படி யாராவது பாதிக்கப்பட்டாலும் உடனே பள்ளியை மூடுவது, கிருமிநாசினியால் சுத்தம் செய்வது என நடிவடிக்கைகள் எடுக்கிறார்கள்.

மாணவர்களுக்கோ, ஆசிரியர்களுக்கோ நோய் அறிகுறிகள் தெரிந்தால் பள்ளிக்கு வர வேண்டாம் என்றே அறிவுறுத்தப்படுகிறார்கள். மாணவர்களை நேரடி வகுப்புக்கு வரச் சொல்லிக் கட்டாயப்படுத்துவதும் இல்லை. பள்ளிக்கூடம் செல்லும் மாணவர்களால் வீட்டிலுள்ள சிலருக்குத் தொற்று பாதிப்பு வரலாம். ஆனால் வீட்டிலுள்ளவர்கள் ஏற்கெனவே தடுப்பூசி போட்டுக்கொண்ட நிலையில், அவர்களுக்குத் தொற்று வந்தாலும் பெரிய அளவில் பாதிப்பு இருக்காது. எனவே அதை நினைத்து நீங்கள் பயப்படத் தேவையில்லை."