Published:Updated:

Covid Questions: அமெரிக்காவில் பரவத் தொடங்கியிருக்கும் `R1' வேரியன்ட்; நம்மையும் தாக்குமா?

Corona Virus - Representational Image ( Pixabay )

கொரோனா தொடர்பாகவும், அது ஏற்படுத்தும் பிற உடல்நல பாதிப்புகள் தொடர்பாகவும் அனைவர் மனதிலும் பல்வேறு கேள்விகள் எழுகின்றன. அவற்றுக்கு விடைசொல்லவே இந்த `Covid Questions' பகுதி.

Covid Questions: அமெரிக்காவில் பரவத் தொடங்கியிருக்கும் `R1' வேரியன்ட்; நம்மையும் தாக்குமா?

கொரோனா தொடர்பாகவும், அது ஏற்படுத்தும் பிற உடல்நல பாதிப்புகள் தொடர்பாகவும் அனைவர் மனதிலும் பல்வேறு கேள்விகள் எழுகின்றன. அவற்றுக்கு விடைசொல்லவே இந்த `Covid Questions' பகுதி.

Published:Updated:
Corona Virus - Representational Image ( Pixabay )

அமெரிக்காவில் ஆர் 1 (R1) என்ற பெயரில் புதிய வகை கொரோனா வைரஸ் பரவத் தொடங்கியிருப்பதாகக் கேள்விப்பட்டேன். அது உண்மைதானா? கொரோனா ஓரளவுக்கு கட்டுக்குள் வந்துவிட்டது, இனி அது குறித்த பயம் தேவையில்லை என்று நிம்மதியடைய ஆரம்பித்திருக்கும் நிலையில் இந்தச் செய்தி பீதியைக் கிளப்பியிருக்கிறது. இதன் ஆபத்து நமக்கும் இருக்கிறதா?

- ஆத்விக் (விகடன் இணையத்திலிருந்து)

மருத்துவர் விஜயலட்சுமி
மருத்துவர் விஜயலட்சுமி

பதில் சொல்கிறார் சென்னையைச் சேர்ந்த தொற்றுநோய் சிகிச்சை சிறப்பு மருத்துவர் விஜயலட்சுமி.

``நீங்கள் கேள்விப்பட்ட தகவல் உண்மைதான். அமெரிக்காவில் நர்சிங் ஹோம் ஒன்றில் கொரோனா வைரஸின் புதிய வேரியன்ட்டான ஆர் 1 கண்டுபிடிக்கப்பட்டதை அடுத்து அது பரபரப்பான செய்தியாக மாறியது. இந்த வைரஸ் வேரியன்ட் பற்றி இன்னும் ஆய்வு செய்துகொண்டிருக்கிறார்கள். கண்காணிப்புகள் தொடர்ந்துகொண்டிருக்கின்றன. அமெரிக்காவில் மட்டுமல்லாமல் வேறு சில நாடுகளிலும் இந்த வேரியன்ட் இருப்பதாக ரிப்போர்ட் செய்யப்பட்டிருக்கிறது.

ஒட்டுமொத்த விகடனுக்கும் ஒரே ஷார்ட்கட்!

எப்படியிருப்பினும் இப்போதைக்கு இந்த வேரியன்ட் பற்றிய பெரிய பயமுறுத்தல்கள் தேவையில்லை. இந்த வேரியன்ட் வேகமாகப் பரவும் என்பதற்கோ, தடுப்பூசி போட்டவர்களையும் பாதிக்கும் என்பதற்கோ இதுவரை எந்த ஆதாரங்களும் நிரூபிக்கப்படவில்லை.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

உலக சுகாதார நிறுவனம் கொரோனா வைரஸின் வேரியன்ட்டுகளை இப்படிப் பிரிக்கிறது:

அதன்படி டெல்டா வேரியன்ட்டை கவலையளிக்கும் வகை என்றும், `mu' வேரியன்ட்டை உருமாற்றம் காரணமாக கவனத்துக்குள்ளாகி இருக்கும் வகை என்றும், `R1' வேரியன்ட்டை தொடர்ந்து கண்காணிக்கப்பட்டு வரும் வகை என்றும் சொல்கிறார்கள்.

Covid -19 Outbreak
Covid -19 Outbreak
AP Photo / Channi Anand

இப்போதைக்கு இது குறித்த பயமோ, பதற்றமோ தேவையில்லை. ஆனால் கொரோனா நம்மைவிட்டு விலகிவிட்டது, அது குறித்த பயம் தேவையில்லை என்றும் நினைக்க வேண்டாம். அடுத்த அலை குறித்த கணிப்புகளை மருத்துவர்களாலும் அறிவியலாளர்களாலுமே உறுதியாகச் சொல்ல முடியாததால், இன்னும் சில மாதங்களுக்கு முகக்கவசம் அணிவது, சமூக இடைவெளியைப் பின்பற்றுவது, கைகளைக் கழுவுவது என கொரோனா பாதுகாப்பு நடவடிக்கைகளைப் பின்பற்றுவதிலிருந்து பின்வாங்காதீர்கள்."

கொரோனா தொடர்பாகவும், அது ஏற்படுத்தும் பிற உடல், மனநல பாதிப்புகள் தொடர்பாகவும் அனைவர் மனதிலும் பல்வேறு கேள்விகள் எழுகின்றன. அவற்றுக்கு விடைசொல்லவே இந்த `Covid Questions' பகுதி. இந்தப் பகுதியில் தினம்தோறும் கொரோனா தொடர்பான ஒரு கேள்விக்கு விடையளிக்கப்படும். இதேபோல உங்களுக்கும் கொரோனா தொடர்பான சந்தேகங்கள் இருப்பின் அவற்றை கீழே கமென்ட் செய்யுங்கள். வரும் நாள்களில் அவற்றுக்கு விடையளிக்கிறோம். விகடனுடன் இணைந்திருங்கள்!