Election bannerElection banner
Published:Updated:

ஹெல்த்: டெஸ்டோஸ்டிரோன் தெரபி தாம்பத்யத்தில் குறையொன்றுமில்லை!

உலக பாலியல் ஆரோக்கிய விழிப்புணர்வு தினம்
செப்டம்பர் 4
உலக பாலியல் ஆரோக்கிய விழிப்புணர்வு தினம் செப்டம்பர் 4

உலக பாலியல் ஆரோக்கிய விழிப்புணர்வு தினம் செப்டம்பர் 4

சி, தாகம் உட்பட அனைத்து உணர்வுகளுமே ஆண், பெண் இருவருக்கும் பொதுவானவை. ஆனால், பாலியல் வேட்கையைப் பொறுத்தவரை காலம் காலமாகப் பெண்கள் பாரபட்சமாகவே நடத்தப்பட்டு வந்திருக்கிறார்கள் / வருகிறார்கள். சிட்டுக்குருவி லேகியம், தாது புஷ்டி மருந்து, வீரிய மாத்திரைகள்... என ஆண்களின் பாலியல் உணர்வை அதிகரிக்க என்னென்னவோ மருந்துகள் இருக்கின்றன. ஆனால், பெண்களுக்கு மோகமும் பாலியல் வேட்கையும் இருந்தாலும்கூட அதை அதிகரிக்க, குறிப்பிட்டுச் சொல்லும்படியான மருந்துகளோ, சிகிச்சைகளோ கிடையாது. தற்போது அமெரிக்கா உள்ளிட்ட பல மேலைநாடுகளில் பெண்களிடையே இத்தகைய ஆர்வத்தை அதிகரிக்கச் செய்யும் `டெஸ்டோஸ்டிரோன் தெரபி’ (Testosterone Therapy) பிரபலமாகிவருகிறது. இந்தச் சிகிச்சையைச் செய்துகொள்ள, பல பெண்கள் முன்வருகின்றனர். இந்தச் சிகிச்சை எப்படி மேற்கொள்ளப்படுகிறது, பலன் தருமா, பக்கவிளைவுகள் ஏதும் உண்டா... ஆண்ட்ராலஜிஸ்ட் மற்றும் சிறுநீரக அறுவை சிகிச்சை நிபுணர் சேரன் கோவலன் விவரிக்கிறார்.

ஹெல்த்: டெஸ்டோஸ்டிரோன் தெரபி தாம்பத்யத்தில் குறையொன்றுமில்லை!

``ஆண், பெண் இருவரிடமும் டெஸ்டோஸ்டிரோன் மற்றும் ஈஸ்ட்ரோஜென் ஆகிய இரண்டு ஹார்மோன்களும் சுரக்கும் என்பது இயல்பு. ஆண்களுக்கு டெஸ்டோஸ்டிரோன் ஹார்மோன் அதிகமாகவும், ஈஸ்ட்ரோஜென் குறைவாகவும் சுரக்கும்; பெண்களுக்கு ஈஸ்ட்ரோஜென் அதிகமாகவும், டெஸ்டோஸ்டிரோன் குறைவாகவும் சுரக்கும். இந்த இரண்டு ஹார்மோன்களும் பெண்களுக்கு கருமுட்டையிலிருந்தும், சிறுநீரகத்துக்கு மேலிருக்கும் அட்ரீனலின் சுரப்பியிலிருந்தும் சுரக்கும்.

ஆண்களுக்கு மீசை முளைக்கச் செய்வது, உடலில் முடி முளைக்கவைப்பது, அவர்களுக்கேற்ற வாகான உடலமைப்பைத் தருவதெல்லாம் டெஸ்டோஸ்டிரோனின் வேலைதான். அதேபோல பெண்களுக்கு பெண் தன்மையைத் தருவது ஈஸ்ட்ரோஜெனின் வேலை.

பெண்களின் பாலியல் வேட்கையைத் தூண்டுவது, பாலியல் உறவுக்கு அவர்களைத் தயாராக்குவது போன்ற பணிகளை டெஸ்டோஸ்டிரோன் ஹார்மோன் செய்யும். இந்த ஹார்மோன் பெண்களுக்கு மிகக் குறைந்த அளவே இருக்கும். அதாவது 15-ல் இருந்து 20 நானோகிராம் அளவில் இருக்கும். இது, சரியான அளவில் இருக்கும்போது எந்தப் பிரச்னையும் இல்லை. இந்த அளவு குறைந்தாலோ, கூடினாலோ தொந்தரவுகள் ஏற்படும். உதாரணமாக, பெண்களுக்கு டெஸ்டோஸ்டிரோன் ஹார்மோன் அதிகமானால் முகப்பருக்கள் வரலாம்; குரல் தடிக்கலாம்; முடி மெலிதாவது, முடி கொட்டுவது போன்ற பிரச்னைகளும் ஏற்படலாம். குறைவானால், உடல் பருமனாவது, சோம்பேறித்தனமாக இருப்பது, பாலியல் உறவில் ஈடுபாடு குறைவது போன்றவை நடக்கலாம்.

ஹெல்த்: டெஸ்டோஸ்டிரோன் தெரபி தாம்பத்யத்தில் குறையொன்றுமில்லை!

டெஸ்டோஸ்டிரோன் சிகிச்சை குறித்து உலக அளவில் நிறைய ஆய்வுகள் நடந்துவருகின்றன. நம் நாட்டில் இந்தச் சிகிச்சை அதிகமாக இல்லை. ஆனால், அமெரிக்காவைச்சேர்ந்த சில பெண்கள் தங்களுக்குப் பாலியல் ஆர்வம் அதிகரிக்க வேண்டும் என்று கேட்டுக்கொண்டதன்பேரில் டெஸ்டோஸ்டிரோன் சிகிச்சை அளிக்கப்பட்டது. அதில் பெரும்பாலானோர் பயன்பெற்றனர். பெண்களுக்கு மெனோபாஸ் நடக்கும்போது, அதாவது மாதவிடாய் நிற்கும் நேரத்தில் ஈஸ்ட்ரோஜென் ஹார்மோனின் அளவு உடலில் குறைய ஆரம்பிக்கும். அதற்குப் பிறகுதான் சில பிரச்னைகள் ஆரம்பிக்கும். உடல் ஊதினதுபோல பெருத்துப் போவது, சோம்பலாக இருப்பது, பாலியல் உறவு உட்பட எதிலும் ஈடுபாடு இல்லாமல் இருப்பது, சிறுநீர்ப் பிரச்னைகள் ஏற்படுவது எல்லாம் நடக்கும். பெரும்பாலும் டெஸ்டோஸ்டிரோன் சிகிச்சை தொடர்பான ஆய்வுகள் மெனோபாஸ் நிலையை அடைந்த பெண்களுக்குத்தான் மேற்கொள்ளப்பட்டன.

இது, பெண்களின் பாலியல் வேட்கைக்குத் தகுந்த மாற்றாக இருக்கும். எனவே, பெண்களுக்கும் ஆண் ஹார்மோனைக் குறைந்த அளவில் கொடுப்பது நல்ல பலனைக் கொடுக்கும். இவை தவிர, பெண்களின் பாலியல் ஆர்வத்தைத் தூண்ட, கார்பன் டைஆக்ஸைடு லேசர் கருவிகளும் பயன்பாட்டில் இருக்கின்றன.

சில பெண்களுக்கு டெஸ்டோஸ்டிரோனை மட்டும் கொடுத்துப் பார்த்தார்கள். சிலருக்கு டெஸ்டோஸ்டிரோனுடன் ஈஸ்ட்ரோஜென் ஹார்மோனையும் கலந்து கொடுத்தார்கள். இரண்டும் கொடுக்கப்பட்ட பெண்களுக்கு நல்ல பலன் கிடைத்திருக்கிறது. அதாவது, அவர்களுக்கு பாலியல் ஈடுபாடு அதிகரித்திருக்கிறது; உறவில் திருப்தி உண்டாகியிருக்கிறது. இவையெல்லாம் ஆய்வில் தெரியவந்திருக்கின்றன.

ஹெல்த்: டெஸ்டோஸ்டிரோன் தெரபி தாம்பத்யத்தில் குறையொன்றுமில்லை!

அமெரிக்காவில் சில மருத்துவர்கள் இந்தச் சிகிச்சையை அளித்தாலும் முழுமையாக நடைமுறைக்கு வரவில்லை. சீக்கிரமே வந்துவிடும் என்று எதிர்பார்க்கிறார்கள். இந்தச் சிகிச்சையில் பக்கவிளைவுகள் என்றால், ஏற்கெனவே சொன்னதுபோல முகப்பருக்கள் வருவது, முடி மெலிதாகிக் கொட்டுவது போன்றவை நடக்கலாம். எனவே, மருத்துவரின் பரிந்துரை இல்லாமல், இந்தச் சிகிச்சையை மேற்கொள்ளக் கூடாது. நம் ஊரில் இது போன்ற சிகிச்சைக்குப் பெண்கள் போகத் தயங்குவார்கள். முதலில் இது போன்ற பிரச்னையை வெளியில் சொல்லவே மாட்டார்கள். பாலியல் பிரச்னைகளுக்கு இங்கே அவ்வளவு முக்கியத்துவம் கொடுப்பதில்லை. இது தொடர்பான ஆய்வுகளும் இங்கே மிகக் குறைவாகத்தான் நடக்கின்றன.’’

பெண்களுக்காக ஒரு மருந்து!

மகப்பேறு மற்றும் பெண்கள்நல மருத்துவர் ஜெயராணி இந்தச் சிகிச்சை குறித்து விளக்குகிறார்.

ஹெல்த்: டெஸ்டோஸ்டிரோன் தெரபி தாம்பத்யத்தில் குறையொன்றுமில்லை!

``ஆண்களுக்கு டெஸ்டோஸ்டிரோன் ஹார்மோன் மிக மிக அவசியம். இளம் வயதில் இந்த ஹார்மோன் குறைந்தால் அவர்களுக்கு மீசை, தாடி வளர்வதில் பிரச்னை ஏற்படலாம். ஆனால், ஆண்களுக்கு 40 வயதுக்கு மேல் 0.2 மி.கிராம்/டெசி லிட்டர் அளவுக்கு இது குறையத்தான் செய்யும். இதனால் தாம்பத்யத்தில் பாதிப்பு ஏற்படலாம். பெண்களைப் பொறுத்தவரை, அவர்களின் தாம்பத்ய வாழ்க்கையிலும் ஆண் ஹார்மோனான டெஸ்டோஸ்டிரோன் முக்கியமான பங்கு வகிக்கிறது என்பது இப்போது கண்டுபிடிக்கப்பட்டுள்ளது.

ஒரு கட்டத்தில், ஆண்களுக்கு பாலியல் அதிருப்தியைப் போக்க, டெஸ்டோஸ்டிரோன் கொடுக்கத் தயாரானார்கள். அதற்கு முன்னதாக அவர்களுக்கு புராஸ்டேட் கேன்சர் போன்ற பாதிப்புகள் ஏதாவது இருக்கின்றனவா என்று பரிசோதித்தார்கள். பெண்களுக்கு மெனோபாஸ் ஏற்படுவது மாதிரி ஆண்களுக்கு `ஆண்ட்ரோபாஸ்’ (Andropause) என்கிற நிலை ஏற்படும். அதாவது, பாலியல் உறவில் திருப்தி இல்லாத நிலை. இதைச் சரிப்படுத்த இந்த ஹார்மோனை அவர்களுக்குக் கொடுப்பது ஒரு வழிமுறை. இப்போது உலகமெங்கும் இந்தச் சிகிச்சை நடைபெறுகிறது.

பாலியல் தூண்டலுக்கு ஆண்களுக்கு வீரியம் தரும் மாத்திரை என்றால், அதுபோல ஒரு மருந்து பெண்களுக்கு இல்லாமல் இருந்தது. ஒருமுறை, 50 வயது மதிக்கத்தக்க ஒரு பெண்ணுக்கு டெஸ்டோஸ்டிரோனைச் செலுத்தி, அது அந்தப் பெண்ணின் பாலியல் ஈடுபாட்டை அதிகரிக்கச் செய்வதைக் கண்டுபிடித்தார்கள். மிகக் குறைந்த அளவு டோஸ்தான் கொடுக்கப்பட்டது. பெண்களுக்கு இதை அதிக அளவில் கொடுக்க முடியாது. அப்படிக் கொடுத்தால் தாடி, மீசை எல்லாம் வளர ஆரம்பித்துவிடும்; முகப்பரு வரும். இதுதான் நீண்டகாலமாகக் கொடுக்கப்பட்டுவந்தது.

2015-ம் ஆண்டில் `ஃப்லிபான்செரின்’ (Flibanserin) என்ற மாத்திரையைக் கண்டுபிடித்தார்கள். இது, மூளையில் செயல்பட்டு, பெண்களின் பாலியல் ஆர்வத்தை அதிகரிக்கும் ஒரு மருந்து. அமெரிக்காவில் பெண்களுக்காக ஒரு மருந்து அறிமுகப்படுத்தப்பட்டிருக்கிறது. இதை ஊசி மூலம் செலுத்துவார்கள். இதன் மருத்துவப் பெயர், `பிரிமெலனோடைடு’ (Bremelanotide). மூளையிலிருக்கும் மெலனோகார்ட்டின் ரெசெப்டாரில் (Melanocortin Receptor) வேலை செய்து, பெண்களின் பாலியல் ஆர்வத்தை அதிகரிக்கச் செய்யும். பாலியல் உறவுக்கு ஒரு மணி நேரத்துக்கு முன்னதாக 0.3 மி.கிராம் அளவுக்கு இந்த மருந்தை எடுத்துக்கொள்ள வேண்டும். இந்த மருந்து விரைவில் உலகமெங்கும் கிடைக்கவிருக்கிறது. இது, பெண்களின் பாலியல் வேட்கைக்குத் தகுந்த மாற்றாக இருக்கும். எனவே, பெண்களுக்கும் ஆண் ஹார்மோனைக் குறைந்த அளவில் கொடுப்பது நல்ல பலனைக் கொடுக்கும். இவை தவிர, பெண்களின் பாலியல் ஆர்வத்தைத் தூண்ட, கார்பன் டைஆக்ஸைடு லேசர் கருவிகளும் பயன்பாட்டில் இருக்கின்றன.

ஹெல்த்: டெஸ்டோஸ்டிரோன் தெரபி தாம்பத்யத்தில் குறையொன்றுமில்லை!

இந்த மருந்துகள் இந்தியாவில் கிடைப்பதில்லை. இவற்றின் விலையும் மிக அதிகம். முன்பெல்லாம் இந்தியாவில் மருந்துகளுக்கான காப்புரிமை வேறு மாதிரி இருந்தது. அமெரிக்காவில் ஆண்களுக்கு வீரியம் தரும் ஒரு மருந்து தயாரிக்கப்பட்டால், இங்கேயும் தயாரிக்கப்பட்டது. அங்கே அந்த மாத்திரை 1,000 ரூபாய் என்றால், இங்கே 20 ரூபாய்க்குக் கிடைக்கும். ஆண்களின் பாலியல் வேட்கையை அதிகரிக்கும் மாத்திரை, மருந்துகள் இப்போது இங்கே எளிதாகக் கிடைக்கின்றன.

ஆனால், பெண்களுக்கான மருந்துகள் வரும்போது இந்தியாவில் சட்டம் (2014) மாறிவிட்டது. கிட்டத்தட்ட அமெரிக்காவில் மருந்துகளுக்கான காப்புரிமை எப்படி இருக்கிறதோ, அப்படியே மாறிவிட்டது. வெளிநாட்டில் ஒரு பொருள் கண்டுபிடிக்கப்பட்டால், அதைக் கண்டுபிடித்த நிறுவனத்தின் அனுமதியுடன்தான் தயாரிக்க முடியும். அதனால்தான் இந்தியாவில் ஃப்லிபான்செரின், பிரிமெலனோடைடு போன்ற மருந்துகளைக் கொண்டுவர முடியவில்லை.

இப்போது வாங்கினால், அமெரிக்காவில் விற்கப்படும் விலையைக் கொடுக்க வேண்டியிருக்கும். அந்த விலை நமக்குக் கட்டுப்படியாகாது. ஆண்களுக்கு உரமூட்டும் மருந்துகள் இங்கே பிரபலமானதற்குக் காரணமே அவற்றின் விலைதான்.

அமெரிக்காவில் 1,000 ரூபாய்க்கு மேல் விற்கப்பட்ட அந்த மருந்து, இங்கே குறைந்த விலையில் கிடைத்தது. இந்தியாவிலிருந்து பல நாடுகளுக்கு அது விற்கப்படுகிறது. இந்த மருந்துகளைக் கொடுக்க பெண்களுக்குப் பரிசோதனைகள் எதுவும் தேவையில்லை. ஆனால், பெண்களுக்கு உயர் ரத்த அழுத்தம் இருந்தாலோ, அவர்கள் மது அருந்தியிருந்தாலோ இந்த மருந்துகளைப் பயன்படுத்தக் கூடாது. மற்றபடி இவற்றை எடுத்துக்கொள்ள எந்தத் தடையும் இல்லை; வயது வரம்பும் கிடையாது.’’

இந்தச் சிகிச்சை பெண்களுக்குத் தேவையா, இல்லையா என்பது ஒருபுறமிருக்கட்டும். பாலியல் வேட்கை இருபாலருக்கும் பொதுவானது என்கிற புரிந்துணர்வு உள்ளவர்கள், ` டெஸ்டோஸ்டிரோன் தெரபி’ போன்ற முயற்சிகளை நிச்சயம் வரவேற்பார்கள்.

Election bannerElection banner
அடுத்த கட்டுரைக்கு