* வெளியில் சென்று வீட்டுக்குள் நுழைந்தவுடன், ஏதேனும் வேலைகள் செய்த பின் மற்றும் சாப்பிடுவதற்கு முன் மறக்காமல் கைகளைக் கழுவ வேண்டும். இது சளித்தொந்தரவு ஏற்படுத்தும் கிருமிகளில் இருந்து பாதுகாப்பைக் கொடுக்கும்.

* கோடைக்காலத்தில் அதிகமாக நீர்ச்சத்து குறையும் என்பதால் தண்ணீர் அதிக அளவு பருக வேண்டும். நீர்ச்சத்து மிக்க உணவுகளை எடுத்துக்கொள்ள வேண்டும். மோர் எடுத்துக் கொள்ளலாம். கூடவே காரம் அதிகமுள்ள, மசாலா உணவுகளை தவிர்ப்பது நல்லது. பலரும், ஃபிரிட்ஜில் வைத்த நீரைப் பருகுவதை கோடையில் வழக்கமாக வைத்திருப்பார்கள். ஆனால், இதனால் சளிப்பிடிக்க வாய்ப்புள்ளதால் அதைத் தவிர்க்க வேண்டும். மேலும் குளிந்த நீர் உடலின் வெப்பத்தை அதிகரித்து காய்ச்சலை ஏற்படுத்தும் வாய்ப்பும் உள்ளது என்பது குறிப்பிடத்தக்கது.

* நோய் எதிர்ப்பு சக்தியை அதிகரிக்கும் உணவுகளை எடுத்துக்கொள்வது, கோடைக்கால சளித்தொந்தரவுகளில் இருந்து பாதுகாப்பு தரும். மேலும், சளித்தொற்று உள்ளவர்களிடம் இருந்து விலகி இருப்பதும் முக்கியம்.

* மழைக்காலமோ, கோடையோ... பொதுவாக சளித்தொந்தரவு ஒரு வாரம் வரை நீடிக்கலாம். குழந்தைகளைவிட பெரியவர்களுக்கு அதிக நாள்கள் நீடிக்கலாம் என்பது குறிப்பிடத்தக்கது.

* ஆவி பிடிப்பது சளித்தொந்தரவை குணமாக்க நேரடியாக உதவாது என்றாலும், மூக்கடைப்பு, மூக்கு ஒழுகுதல் போன்ற அறிகுறிகளிலிருந்து விடுபட உதவும்.

இவற்றையெல்லாம் பின்பற்றினால் கோடையில் ஏற்படும் சளித்தொந்தரவை தடுக்கலாம். நீண்ட நாள்களுக்கு சளித்தொந்தரவு இருந்தால் மருத்துவ ஆலோசனை அவசியம்" என்றார்.