Published:Updated:

கோவிட் -19: இந்தோனேசியாவில் அதிகரிக்கும் குழந்தைகள் உயிரிழப்பு; உண்மையாகிறதா வல்லுநர்களின் கணிப்பு?

Surabaya, East Java, Indonesia ( AP Photo/Trisnadi )

உலக அளவில் இதுவரை கொரோனா தொற்றுக்கு உள்ளானதில் 12.5 சதவிகிதத்தினர் குழந்தைகள்தாம் என்பது அதிர்ச்சியளிக்கிறது.

கோவிட் -19: இந்தோனேசியாவில் அதிகரிக்கும் குழந்தைகள் உயிரிழப்பு; உண்மையாகிறதா வல்லுநர்களின் கணிப்பு?

உலக அளவில் இதுவரை கொரோனா தொற்றுக்கு உள்ளானதில் 12.5 சதவிகிதத்தினர் குழந்தைகள்தாம் என்பது அதிர்ச்சியளிக்கிறது.

Published:Updated:
Surabaya, East Java, Indonesia ( AP Photo/Trisnadi )

கொரோனா இரண்டாவது அலை முடிவுக்கு வந்துவிட்டதா, மூன்றாவது அலை தொடங்கிவிட்டதா என்பதற்குத் தெளிவான விடை கிடைக்காத நிலையில் தொற்றால் பாதிக்கப்படுபவர்களின் எண்ணிக்கை உலக அளவில் மீண்டும் அதிகரித்திருக்கிறது. கடந்த சில வாரங்களில் மட்டும் இந்தோனேசியாவில் நூற்றுக்கணக்கான குழந்தைகள் கொரோனா தொற்றால் உயிரிழந்துள்ளனர். அதில் 5 வயதுக்கும் உட்பட்ட குழந்தைகளின் எண்ணிக்கையே அதிகமாக உள்ளன. உலக அளவில் இதுவரை கொரோனா தொற்றுக்கு உள்ளானதில் 12.5 சதவிகிதத்தினர் குழந்தைகள் என்பது அதிர்ச்சியளிக்கிறது.

West Java, Indonesia
West Java, Indonesia
AP Photo/Achmad Ibrahim

கடந்த வெள்ளிக்கிழமை, ஒரு நாளில் மட்டும் 1,566 பேர் இந்தோனேசியாவில் உயிரிழந்திருக்கின்றனர். கொரோனா மூன்றாவது அலையில் குழந்தைகளே அதிக அளவில் பாதிக்கப்படுவார்கள் எனக் கணிக்கப்பட்டது. தெற்காசிய நாடுகளான இந்தோனேசியா, வியட்நாம், தாய்லாந்து, மியான்மர், மலேசியா ஆகிய நாடுகளில் குழந்தைகள் அதிக அளவில் தொற்றால் பாதிக்கப்படுவது அதிகரித்திருப்பது அந்தக் கணிப்பையே நினைவூட்டுகிறது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இந்தோனேசியா கிராமப் பகுதிகள் அதிகமுள்ள நாடு என்பதால் போதிய மருத்துவ வசதிகள் எதுவும் கிடைக்காமல் ஏற்கெனவே அங்கு மக்கள் அல்லல்பட்டு வந்திருக்கின்றனர். அதுமட்டுமன்றி சிகிச்சையளிக்கும் மருத்துவ ஊழியர்கள் தொற்றால் பாதிக்கப்பட, அவர்களுக்குக்கூட சிகிச்சை அளிப்பதற்குப் போதிய மருத்துவர்கள் இல்லாத நிலையே இன்னும் அங்கு தொடர்கிறது. அதனாலேயே, இதுவரை 545-க்கும் மேற்பட்ட மருத்துவர்கள் இந்தோனேசியாவில் உயிரிழந்துள்ளனர். இப்படியாக, ஏற்கெனவே இந்தோனேசியா மக்கள் சிக்கல்களை எதிர்கொண்டுவரும் சூழலில்தான் குழந்தைகள் அதிக அளவில் இறந்துவரும் அபாயம் அங்கு அதிகரித்திருக்கிறது.

குழந்தை -Representational image
குழந்தை -Representational image

இந்நிலையில், இந்தோனேசியாவில் நிகழும் குழந்தைகள் உயிரிழப்புக்குக் காரணம் டெல்டா வகை வைரஸ்தான் எனத் தற்போது பரவலாகப் பேசப்பட்டுவருகிறது. அங்கு அதிக அளவிலான குழந்தைகள் மரணங்கள் நிகழ்வது மற்ற நாடுகளும் கூடுதல் பாதுகாப்புடன் இருக்க வேண்டியதன் அவசியத்தையே வலியுறுத்துகிறது.