யாரெல்லாம் பீநட் பட்டர் எடுத்துக்கொள்ளலாம்?

- எல்லா வயதுக் குழந்தைகள்.

- ரன்னிங், சைக்கிளிங் மற்றும் அதீத உடலுழைப்பு தேவைப்படுகிற வொர்க் அவுட் செய்பவர்கள்.

- உடற்பயிற்சி பிரியர்கள்.

- எடையைக் குறைக்க விரும்புவோர்.

- புரதச்சத்தை அதிகரிக்க நினைக்கும் சைவ உணவுக்காரர்கள்.

- வயதானவர்கள்.

யாரெல்லாம் தவிர்க்க வேண்டும்?

- வேர்க்கடலை அலர்ஜி உள்ளவர்கள்.

- ரத்தத்தில் அதீத கொழுப்பு உள்ளவர்கள்

- சோடியம் மற்றும் பொட்டாசியம் குறைவாக எடுத்துக்கொள்ள அறிவுறுத்தப்பட்ட இதய நோயாளிகள், சிறுநீரக நோயாளிகள் மற்றும் ரத்த அழுத்த நோயாளிகள். இவர்கள் மருத்துவர் அல்லது டயட்டீஷியனின் பரிந்துரை இல்லாமல் பீநட் பட்டரை எடுத்துக் கொள்ளக்கூடாது.

பீநட் பட்டரில் ஃப்ளேவர்டு, அன்ஃப்ளேவர்டு, உப்பு சேர்த்தது, உப்பு சேர்க்காதது, இனிப்பு சேர்த்தது, இனிப்பு சேர்க்காதது, நட்ஸ் சேர்த்தது, சாக்கோசிப்ஸ் மற்றும் தேன் சேர்த்தது, சாக்லேட் சேர்த்தது எனப் பலவிதங்கள் கிடைக்கின்றன.

எப்படிப் பயன்படுத்த வேண்டும்?

- ஒருநாளைக்கு 1 - 2 டேபிள்ஸ்பூன் அளவு போதுமானது.

- வெஜிடபுள் ஸ்டிக்ஸுக்கு டிப்பாகப் பயன்படுத்தலாம்.

- சாலடுகளில் சேர்க்கலாம்.

- ஐஸ்க்ரீம், புட்டிங், பாரம்பர்ய இனிப்புகள், ஃப்ரூட் சாலட் உடன் சேர்க்கலாம்.

- காலை உணவு தானியங்களுடன் சேர்க்கலாம்.

- மில்க்ஷேக் மற்றும் ஸ்மூத்தியோடு சேர்க்கலாம்.

- பிரெடில் தடவிச் சாப்பிடலாம்.

வீட்டிலேயே தயாரிப்பது எப்படி?

தேவையானவை:

எண்ணெயின்றி வறுத்த வேர்க்கடலை - 2 கப்

தேன் அல்லது சர்க்கரை - 2 டேபிள்ஸ்பூன்

உப்பு- விருப்பத்துக்கேற்ப.

செய்முறை:

வேர்க்கடலையை மிக்சி ஜாரில் போட்டு 3 - 5 நிமிடங்களுக்கு பிளெண்ட் செய்யவும். தண்ணீர் சேர்க்கக் கூடாது. அதில் உப்பு (விருப்பப்பட்டால்) மற்றும் தேன் அல்லது சர்க்கரை சேர்த்து மீண்டும் பிளெண்ட் செய்யவும்.

ஈரமில்லாத பாட்டிலில் நிரப்பி ஃப்ரிட்ஜில் வைத்துப் பயன்படுத்தவும்."