Published:Updated:

குழந்தைகளின் விளையாட்டு நேரம்..

குழந்தைகளின் விளையாட்டு நேரம்..

குழந்தைகளின் விளையாட்டு நேரம்..

குழந்தைகளின் விளையாட்டு நேரம்..

Published:Updated:

25-30 ஆண்டுகளுக்கு முன்னர் குழந்தைகளின் தினசரி விளையாட்டு நேரம் அதிமாக இருந்தது.கிரிக்கெட், ஃபுட்பால், வாலிபால் போன்று குழுவாக இணைந்து விளையாடுவது அதிகமாக இருந்தது. ஆனால் தற்போது, வீடியோகேம், கம்ப்யூட்டர், மொபைலில் விளையாட்டு அதிகரித்துவிட்டது. இதனால், வெளியே சென்று விளையாடும் நேரம் மிகமிகக் குறைந்துவிட்டது.

குழந்தைகளின் விளையாட்டு நேரம்..

உடல் வளர்ச்சி

ஒட்டுமொத்த விகடனுக்கும் ஒரே ஷார்ட்கட்!

உடல் உழைப்பு இன்மை, ஜங்க் புஃட் காரணமாக நகர்ப்புற குழந்தைகளில் நான்கில் ஒருவர் உடல்பருமனாக உள்ளனர். அதுவும், தனியார் பள்ளிகளில் படிக்கும் குழந்தைகளில், 26 சதவிகிதம் பேரும் அரசுப் பள்ளிகளில் பயிலும் குழந்தைகளில், 4.5 சதவிகிதம் பேரும் உடல்பருமனாக உள்ளனர். குழந்தைகள் ஃபிட்டாக இருக்க விளையாட்டு பெரிதும் உதவுகிறது.

சமூக உறவுக்கு முக்கியத்துவம்

விளையாட்டு, கூட்டுறவு மற்றும் சமூகத்துடன் இணைந்து செயல்படும் திறனை வளர்க்க உதவுகிறது. இது, குழந்தையின் படைப்பாற்றலை அதிகரிக்கவும், பிரச்னைகளைச் சமாளிக்கும் திறனை, முடிவெடுக்கும் திறனை வளர்க்கவும் உதவுகிறது. மற்றவர்களுடன் பேசி, பிரச்னையைத் தீர்க்கச் செய்யும் திறனை வளர்க்கவும் உதவுகிறது.

மூளை வளர்ச்சிக்கு உதவுகிறது

‘குழந்தைகள் விளையாடும்போதுதான் அவர்கள் மூளை வளர்ச்சி நன்றாக இருக்கிறது’ என்கிறது ‘அமெரிக்கன் அகாடமி ஆஃப் பீடியாட்ரிக்ஸ்’ ஆய்வு. விளையாட்டு, குழந்தைகளின் கவனிக்கும் திறனை அதிகரிக்கிறது, குறிப்பிட்ட விஷயத்தின் மீது கவனத்தைச் செலுத்த, பார்க்கும் திறன் அதிகரிக்க, கண், கை மற்றும் கால்களின் இயக்கத்திறனை மேம்படுத்த உதவுகிறது. குழந்தைப் பருவத்தில் விளையாட விடுவது, அவர்களின் மூளைத்திறனை மேம்படச் செய்து, சிறப்பான எதிர்காலத்தை உருவாக்குகிறது.

பள்ளியில் விளையாட்டு...

“பள்ளிகளில் விளையாட்டு நேரம் என்பது பெயரளவுக்குத்தான் உள்ளது. குறைந்தது 15 நிமிடங்களாவது குழந்தைகளை விளையாட அனுமதிக்கும்போதுதான் அவர்களது கல்வி கற்கும் திறன் மேம்படும்” என்கின்றனர் குழந்தைகள் நல மருத்துவர்கள்.

- பா.பிரவீன் குமார்

படம்: சூ.நந்தினி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism