Published:Updated:

குழந்தைகளைக் கண்டிக்கும் ‘டைம் அவுட்’

குழந்தைகளைக் கண்டிக்கும் ‘டைம் அவுட்’
பிரீமியம் ஸ்டோரி
குழந்தைகளைக் கண்டிக்கும் ‘டைம் அவுட்’

ஆனந்தம் விளையாடும் வீடு-16

குழந்தைகளைக் கண்டிக்கும் ‘டைம் அவுட்’

ஆனந்தம் விளையாடும் வீடு-16

Published:Updated:
குழந்தைகளைக் கண்டிக்கும் ‘டைம் அவுட்’
பிரீமியம் ஸ்டோரி
குழந்தைகளைக் கண்டிக்கும் ‘டைம் அவுட்’
குழந்தைகளைக் கண்டிக்கும் ‘டைம் அவுட்’

சென்ற இதழின் தொடர்ச்சியாக, இந்த இதழிலும் அடுத்த இதழிலும் குழந்தையின் இரண்டு வயதிலிருந்து மூன்று வயதுவரையிலான பேரன்ட்டிங் பற்றித்தான் பேசப் போகிறேன். குறிப்பிட்ட இந்த ஒரு வருட இடைவெளியில், சொல்லவேண்டிய தகவல்கள் நிறைய இருக்கின்றன.

டெலிவிஷனும் கேட்ஜெட்டும்!

குழந்தைகள் தொலைக்காட்சி பார்க்கும் நேரத்தை இந்த வயதிலேயே கட்டுப்படுத்த வேண்டும். அந்தப் பிஞ்சு விரல்களின் கைகளில் இருக்கவேண்டியவை பொம்மைகள்தானே தவிர, ரிமோட் அல்ல. அதிக நேரம் தொலைக்காட்சி பார்க்கும்போது குழந்தைகளின் கண்கள் வறண்டுவிடும். அடுத்தது கேட்ஜெட். உங்களைத் தொல்லை பண்ணக் கூடாது என்று குழந்தைகளுக்கு கேட்ஜெட் கொடுக்கிறீர்கள் என்றால், அது மிகப் பெரிய தவறு. இந்தத் தவற்றை இன்றைக்கு, பத்தில் ஒன்பது பெற்றோர் செய்துகொண்டிருக்கிறார்கள்.

புதுப்புது உணவுகளை அறிமுகப்படுத்துங்கள்!


‘என் பாப்பா கொழுகொழுன்னு இருக்கா... அதனால நல்லா ஆரோக்கியமாதான் இருப்பா’ என்று நம்பிக்கொண்டிருக்காதீர்கள். எடை அதிகமாக இருக்கிற குழந்தை, சத்துக்குறைவோடும் இருக்கலாம். அதனால், எல்லா வகை உணவுகளையும் அவர்களின் நாக்குக்கு அறிமுகப்படுத்துங்கள். அனைத்து வகையான சத்துகளும் கிடைக்கும். கிடைத்தால் பசும்பால், கிடைக்காவிட்டால்  ஆரஞ்சு நிற ஆவின் பால் என தினமும் 400 மி.லி பால் அவசியம் குழந்தைகளுக்குத் தர வேண்டும்.

குழந்தைகளைக் கண்டிக்கும் ‘டைம் அவுட்’

ஒட்டுமொத்த விகடனுக்கும் ஒரே ஷார்ட்கட்!

சுட்டிகளைச் சமாளிக்க டிப்ஸ்..!

• அவர்கள் செய்வதை அமைதியாக கவனியுங்கள்.  காயம்பட்டுக்கொள்கிற அல்லது உயிருக்கு ஆபத்து ஏற்படுத்துகிற மாதிரியான காரியங்களைச் செய்யும்போது தடுத்துவிடுங்கள். அவர்களுக்குப் புரிகிறபடி, அதை மீண்டும் செய்யக் கூடாது என்று எடுத்துச் சொல்லுங்கள்.


• குழந்தைகளின் மழலைப் பேச்சைக் காதுகொடுத்துக் கேளுங்கள். அவர்கள் உலகத்துக்குள் உங்களை அழைப்பதற்காகத் தான் குழந்தைகள் உங்களிடம் பேச முயல்கிறார்கள். அதை உங்கள் வேலை பளுவால் கண்டும் காணாமல் இருக்காதீர்கள்.


• ‘இந்த பொம்மைதான் வேண்டும்’ என்று உங்கள் பாப்பா அடம்பிடித்து அழுதால், குழந்தையின் கவனத்தை உங்கள் பட்ஜெட்டுக்குள் அடங்குகிற வேறு பொம்மை மேல் திசைதிருப்புங்கள். அப்படி திசைதிருப்புவதைப் புரிந்துகொண்டு நீங்கள் வாங்கித் தருகிற பொம்மைக்கு `ஓகே’ சொல்கிற வயது இதுதான். இந்த வயதில் இதைச் செய்யவில்லையென்றால், வளர்ந்த பிறகு அவர்களின் அடம்பிடிக்கிற இயல்பை மாற்ற முடியாமல் போய்விடும்.

உங்களுக்கு ‘டைம் அவுட்’ தெரியுமா?  

குழந்தைகளைக் கண்டிக்கும் ‘டைம் அவுட்’

வெளிநாடுகளில் குழந்தைகள் ஏதாவது தப்பு செய்தால், அவர்களை வீட்டின் ஒரு மூலையில் நிற்கச் சொல்வார்கள். ‘நீ தப்புப் பண்ணிட்டே... அதற்கான தண்டனை’ என்று குழந்தைகளின் மனதில் பதியவைப்பதற்காகக்  கையாளப்படுகிற குழந்தை வளர்ப்பு உத்தி இது. இதன் பெயர்தான் ‘டைம் அவுட்.’ உங்கள் அதிருப்தியை ‘டைம் அவுட்’ மூலமாகக் காட்டினால், தான் செய்தது தவறு என்பதைக் குழந்தைகள்  புரிந்துகொள்வார்கள்.

நம் ஊரில் இதை யாரும் செய்வதில்லை.  இந்தக் கட்டுரையைப் படிக்கிற நீங்களே இதை ஆரம்பித்து வைக்கலாம். மேலும், குழந்தை காலையில் ஒரு தவறு செய்தால், அதைப் பற்றி மாலையில் பேசலாம்.  ‘அச்சச்சோ... குழந்தைங்க மறந்துடுமே’ என்று நினைக்காதீர்கள். நன்றாகவே நினைவுவைத்திருப்பார்கள். 

உங்கள் விருப்பு, வெறுப்புகளைத் திணிக்காதீர்கள்!

மூன்று வயதுவரை குழந்தைகளுக்கு ஆண்கள், பெண்கள், பெற்றோர்களுக்குப் பிடித்தவர்கள், பிடிக்காதவர்கள், சொந்தக்காரர்கள், எதிரிகள் என்ற எந்த வித்தியாசமும் தெரியாது. அவர்களுக்கு எல்லோரையும் பிடிக்கும். அதனால், அவர்கள் உலகம்  மெள்ள மெள்ளப் பெரிதாக ஆரம்பிக்கும். இந்தக் காலகட்டத்தில் சாதி, மதம், சைவம் சாப்பிடுகிறவர்கள், அசைவம் சாப்பிடுகிறவர்கள் போன்ற உங்களுடைய சொந்த விருப்பு, வெறுப்புகளை அவர்களின் பிஞ்சு மனதில் திணிக்காதீர்கள்.

அடிக்காதீர்கள் ப்ளீஸ்!

இந்த வயதில் சேட்டையோ சேட்டை என்றுதான் இருப்பார்கள். எதைச் செய்யக் கூடாது என்று சொல்கிறீர்களோ அதைத்தான் மிகச் சரியாகச் செய்வார்கள். நீங்கள் குழந்தைகளைவிட பலசாலிகள் என்பதை மறந்துவிடாதீர்கள். அதனால் கை ஓங்குகிற பழக்கம் வேண்டாம். உங்கள் பலத்தை லேசாகக் காட்டினால்கூட குழந்தைகளுக்கு வலிக்கும்.

குழு நடவடிக்கைக்குப் பழக்கப்படுத்துங்கள்!

நாமெல்லாம் சின்ன வயதில் உடன்பிறந்த அக்கா, அண்ணன்கள் மற்றும் தெருப்பிள்ளைகளுடன்  விளையாடியவர்கள். அதனால், நமக்கெல்லாம் குழு மனப்பான்மை என்பது இயல்பாக வந்துவிட்டது. ஆனால், வீட்டுக்கு  ஒரு  பிள்ளை என வாழ்ந்து கொண்டிருக்கும் இந்தத் தலைமுறை பெற்றோர்கள் சொந்தக்காரர்களின் குழந்தைகளுடன், அப்பார்ட்மென்ட்டில் வசிக்கிற குழந்தைகளுடன் உங்கள் பிள்ளைகளைக் கலந்து விளையாடவிடுங்கள். அவர்களுக்குள் சண்டை வரும்; சமாதானம் ஏற்படும். ‘என் பொம்மை’ என்று ஒரு வாலு சண்டை போடும். இன்னொரு சமர்த்துப் பிள்ளை தன் கையிலிருப்பதை அடுத்த பிள்ளைக்குக் கொடுக்கும். இவை எல்லாமே அவர்களுடைய மன வளர்ச்சிக்கு நல்லது. குழந்தைகள் புத்திசாலியாக இருப்பதைவிட, உணர்வுரீதியான விஷயங்களைச் சமாளிக்கிறார்களா என்று பாருங்கள். இது முடியாத குழந்தைகளிடம்தான் ஹைப்பர் ஆக்ட்டிவிட்டீஸ், அப்நார்மல் பிஹேவியர் பிரச்னைகள் ஏற்படுகின்றன.

(வளர்த்தெடுப்போம்...)

-ஆ.சாந்தி கணேஷ்

படங்கள்: மதன்சுந்தர்