Published:Updated:

குழந்தைகளின் கவனிக்கும் திறனை அதிகரிக்கும் ஃபைன் மோட்டார் திறன்

குழந்தைகளின் கவனிக்கும் திறனை அதிகரிக்கும் ஃபைன் மோட்டார் திறன்
பிரீமியம் ஸ்டோரி
News
குழந்தைகளின் கவனிக்கும் திறனை அதிகரிக்கும் ஃபைன் மோட்டார் திறன்

பழனி ராஜ், குழந்தைகள்நல மருத்துவர்ஹெல்த்

சில குழந்தைகள் கைகளால் செய்யக்கூடிய எல்லா செயல்களையும் வேகமாகவும், அதே நேரம் நேர்த்தியாகவும் செய்து முடிப்பார்கள். இதற்கு ‘ஃபைன் மோட்டார் திறன்’ (Fine Motor Skills) வளர்ச்சிதான் அடிப்படைக் காரணம். ஃபைன் மோட்டார் திறன் என்பது கை நரம்புகளையும் தசைகளையும் பயிற்சிகளின் மூலம் வலுவாக்கி, திறம்படச் செயல்படவைப்பது. இந்தப் பயிற்சிகளின்போது குழந்தைகளின் மூளை, கை, கண் மூன்றும் ஒருங்கிணைந்து செயல்பட்டு, கவனிக்கும் திறன் அதிகரிக்கும்; கையெழுத்தும் அழகாகும். உங்கள் குழந்தையின் ஃபைன் மோட்டார் திறனை  வீட்டிலேயே பயிற்சிகள் கொடுத்து மெருகேற்ற வழிகாட்டுகிறார், குழந்தைகள்நல மருத்துவர் பழனி ராஜ்.  

குழந்தைகளின் கவனிக்கும் திறனை அதிகரிக்கும் ஃபைன் மோட்டார் திறன்

``ஃபைன் மோட்டார்  திறன் பயிற்சியை, குழந்தைககளின் ஒன்றரை வயதிலிருந்தே ஆரம்பிக்கலாம். கடைகளில் இதற்கான பயிற்சிக் கருவிகள் கிடைக்கின்றன, விலை கொஞ்சம் அதிகம். ஆனால், வீட்டில் சின்னச் சின்ன பயிற்சிகள் கொடுப்பதன் மூலமே குழந்தையின் ஃபைன் மோட்டார்  திறனை அதிகரிக்க முடியும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
குழந்தைகளின் கவனிக்கும் திறனை அதிகரிக்கும் ஃபைன் மோட்டார் திறன்



* பானை அல்லது பக்கெட்டிலிருந்து கைகளில் தண்ணீர் அள்ளி, அதிகம் சிந்தாமல் அருகிலிருக்கும் வாட்டர் பாட்டில்களில் ஊற்றி நிரப்ப, பயிற்சி வழங்கலாம். இதன் மூலம் குழந்தைகளின் கை விரல்கள் வலுப்பெறும்; கவனத்திறனும்  அதிகரிக்கும்.

* குழந்தைகளின் உடையிலிருக்கும் பட்டன்களை அவர்களே போட, பயிற்சி கொடுக்கலாம்.

* முட்டைகளை அடுக்கி வைப்பதற்கான பிளாஸ்டிக் கூடு எல்லா வீடுகளிலும் இருக்கும். அந்தக் கூட்டில் இருக்கும் ஒவ்வொரு குழியிலும் ஒவ்வொரு நிறத்தை பெயின்ட் செய்து, குழந்தைகளிடம் பல நிறங்களில் பந்துகளைக் கொடுத்து, குழிகளில் அந்தந்த நிறப் பந்துகளை நிரப்பச் சொல்லலாம். பந்துகளுக்கு பதில், கூழாங்கற்களில் பெயின்ட் செய்தும் பயன்படுத்தலாம்.

குழந்தைகளின் கவனிக்கும் திறனை அதிகரிக்கும் ஃபைன் மோட்டார் திறன்

* கடைகளில் விற்கும் கலர் கலர் உருளை வடிவ வற்றல்களை வாங்கிக் கொடுத்து, ஒரு நூலில் அவற்றை ஒன்றன் பின் ஒன்றாகக் கோக்கச் சொல்லலாம். நிறங்களைக்  கற்றுக்கொள்ளும் வயது எனில், ஒரு குறிப்பிட்ட நிறத்தின் பெயரைச் சொல்லி, அந்த நிற வற்றல்களை மட்டும் கோக்கச் சொல்லலாம். இதன் மூலம் குழந்தைகள் எந்தப்  பொருளையும் இறுக்கமாகப்  பற்றிக்கொள்ளும் திறனைப்  பெறுவார்கள். நாளடைவில் அவர்கள் பென்சில், பேனாவை எளிதாகப்  பிடித்துக்கொண்டு எழுத இது உதவும். மேலும், நிறங்களையும் எளிதாக நினைவில்கொள்வார்கள்.   

குழந்தைகளின் கவனிக்கும் திறனை அதிகரிக்கும் ஃபைன் மோட்டார் திறன்

* குழந்தைகளுக்குச் சின்னச் சின்ன கைவேலைப்பாடுகளைச் செய்யப் பயிற்சி அளிக்கலாம். படம் வரைவதில் ஆர்வமாக இருந்தால், சிறிய அளவிலான பிரஷ் வாங்கிக் கொடுத்து பெயின்ட்டிங் செய்ய ஊக்கப்படுத்தலாம்.

* எவர்சில்வர் டம்ளர்களை குழந்தைகளிடம் கொடுத்து ஒன்றின் மீது ஒன்று என அடுக்கச் சொல்லலாம். இதன் மூலம் குழந்தைகள் எந்தப் பொருளையும் இறுக்கமாகப்  பற்றிக்கொள்ளும் திறனை வளர்த்துக் கொள்வார்கள். மேலும் கவனம்குவித்து ஒரு செயலைச் செய்யவும் கற்றுக்கொள்வார்கள்.

* வெவ்வேறு நிற பெயின்ட்டுகளை குழந்தைகளின் விரலில் தடவி, ஒரு பேப்பரில் அவர்களின் விரல்களை அச்சு வைக்கச் சொல்லலாம். இரண்டு வயதுக்கு மேலுள்ள குழந்தைகள் எனில், விரல் அச்சுகளின் மூலம் வெவ்வேறு உருவங்களை உருவாக்கச் சொல்லலாம். இதன் மூலம் அவர்களின் கைகளின் தசைகள் வலுவடையும்; கற்பனைத்திறனும் விரியும்.

* கடைகளில் கிடைக்கும் களிமண்ணை வாங்கிக் கொடுத்து, குழந்தைகளை அவர்களுக்குப் பிடித்த உருவங்களைச் செய்யச் சொல்லலாம் அல்லது வீடுகளில் சப்பாத்திக்கு மாவு பிசையும்போது சிறிதளவு மாவைக் குழந்தையின் கைகளில் கொடுத்து, உருட்டித் தரச் சொல்லலாம்.

* குழந்தைகள் சுவர்களில் கிறுக்குகிறார்கள் என நிறைய பெற்றோர்கள் குழந்தைகளின் கைகளுக்கு க்ரேயான்ஸை, பென்சில், பேனாக்களைத் தராமல் தவிர்ப்பார்கள். இது மிகவும் தவறானது. குழந்தையின் ஒன்றரை வயதுக்குப் பின் அவர்களின் கைகளில் க்ரேயான்ஸ், சாக்பீஸ் போன்றவற்றைக் கொடுத்து, கிறுக்கப் பழக்க வேண்டும். `சுவர் வீணாகிறது’ என நினைப்பவர்கள் சுவரில் சார்ட் பேப்பர்களை ஒட்டி குழந்தைகளை எழுதப் பழக்கலாம். 

குழந்தைகளின் கவனிக்கும் திறனை அதிகரிக்கும் ஃபைன் மோட்டார் திறன்

* குழந்தைகளுக்கு எனக் கடைகளில் கிடைக்கும் கத்தரிக்கோலை வாங்கிக் கொடுத்து, சார்ட் பேப்பரை கத்தரிக்கச் சொல்லலாம்.

* உண்டியலில் சில்லறை நாணயங்களைப் போடச் செய்தல், பூப்பறிக்கக் கற்றுக் கொடுத்தல், கழுவிய பாத்திரங்களை உரிய இடத்தில் அடுக்குதல், வண்ணப் பொத்தான்களை டப்பாவில்  நிரப்புதல் போன்ற பயிற்சிகளும் உங்கள்  குழந்தையின் ஃபைன் மோட்டார் திறனை மேம்படுத்தும்.  

குழந்தைகளின் கவனிக்கும் திறனை அதிகரிக்கும் ஃபைன் மோட்டார் திறன்

இது போன்ற செயல்களில் ஈடுபடும்போது குழந்தைகள் சிறிய பொருள்களை வாயில்வைத்து விழுங்கிவிட வாய்ப்பிருக்கிறது. எனவே, பெற்றோர்கள் அருகில் அமர்ந்து பயிற்சிகள் வழங்கவேண்டியது அவசியம். குழந்தையின் கைகளில் மொபைல்போன் கொடுப்பதைத் தவிர்த்துவிட்டு, இது போன்ற பயிற்சிகளைப் பள்ளியில் சேர்ப்பதற்கு முன்னரே வழங்கினால், குழந்தையின் அறிவுத்திறன் பல மடங்கு மேம்படும்.’’

சு.சூர்யா கோமதி -  படங்கள்: க.பாலாஜி

மாடல்கள்: ஹ.சாய் சம்யுக்தா, ஹ.சாய் சஹானா

குழந்தைகளின் கவனிக்கும் திறனை அதிகரிக்கும் ஃபைன் மோட்டார் திறன்

வெடிப்புக்கு வெந்தயம்!

வெ
ந்தயத்தை ஊறவைத்து, தயிர் சேர்த்து அரைக்கவும். இதைக் கூந்தலில் தடவி, இரண்டு மணி நேரம் கழித்து அலசவும். கூந்தல் பட்டுப்போல மாறும். கூந்தலின் வெடித்த நுனிகளுக்கு அருமையான சிகிச்சை இது.