Published:Updated:

பாப்பாவின் பட்டுமேனிக்கு வேண்டாமே ரசாயனம்!

பாப்பாவின் பட்டுமேனிக்கு வேண்டாமே ரசாயனம்!
பிரீமியம் ஸ்டோரி
News
பாப்பாவின் பட்டுமேனிக்கு வேண்டாமே ரசாயனம்!

ஹெல்த்

குழந்தைகளின் மென்மேனிக்கு கெமிக்கல் கலந்த சோப்பும்  ஷாம்பூவும் பாதுகாப்பானவையல்ல. அவற்றுக்கு மாற்றாக இயற்கையாகத் தயாரிக்கும் குளியல் பொடியும், கேசத்துக்கு பூந்திக்கொட்டைத் தண்ணீரும் சிறந்தவை. அவற்றை தயாரிக்கும் முறையைப் பார்ப்போமா?

பாப்பாவின் பட்டுமேனிக்கு வேண்டாமே ரசாயனம்!

சுத்தமான இயற்கை சந்தனத்தூள்    : 100 கிராம்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
பாப்பாவின் பட்டுமேனிக்கு வேண்டாமே ரசாயனம்!



பச்சைப் பயறு : 100 கிராம்

துளசி : 100 கிராம்

வேப்பிலை    : 50 கிராம்

கார்போக அரிசி : 25 கிராம்

வெட்டிவேர் : 25 கிராம்

பன்னீர் ரோஜா : 100 கிராம்


இவற்றையெல்லாம் தனித்தனியாக நிழலில் உலர்த்திக்கொள்ளவும். காய்ந்ததும், மொத்தமாகச் சேர்த்து நைஸாக அரைத்து, காற்றுப் புகாத டப்பாவில் போட்டு வைத்துக்கொள்ளவும். குழந்தையைக் குளிப்பாட்டுவதற்கு
20 நிமிடங்களுக்கு முன்னர், உடல் முழுவதும் தேங்காய் எண்ணெய் தேய்த்து மசாஜ் செய்யவும்.

பின்னர் குளிக்கச் செல்லும்போது ஒரு கிண்ணத்தில் இந்தக் குளியல் பொடியில் இரண்டு டீஸ்பூன் எடுத்து, தண்ணீர்விட்டுக் குழைத்து, குழந்தையின் மேனிக்குப் பயன்படுத்தினால் சருமம் மிருதுவாகும். இந்தப் பொடியில் இருக்கும் துளசியும் வேப்பிலையும் ஆன்டிபயாடிக்காகச் செயல்படும். கார்போக அரிசி குழந்தையின் சருமத்தைப் பொலிவுடன் வைத்திருக்க உதவும். சந்தனமும் வெட்டிவேரும் உடலைக் குளிர்ச்சியாக்கி, வியர்வை மற்றும் உடல் சூட்டினால் ஏற்படும் பிரச்னைகளிலிருந்து காக்கும். ரோஜா இதழ்கள் குழந்தையின் சருமத்தை வாசனையுடன் வைத்திருக்கும்.

குழந்தையின் நிறத்தை அதிகரிக்க உதவும் குளியல் பொடி

மூன்று  முட்டைகளின்  வெள்ளைக்கருக்களில்  100 கிராம் வெள்ளை மொச்சையை  20 நிமிடங்களுக்கு நன்கு ஊறவைக்கவும். பிறகு மொச்சையை வெயிலில் உலர்த்தவும். காய்ந்ததும், நைஸாக அரைத்துக்கொள்ளவும். குழந்தையைக் குளிப்பாட்டும்போது உடல், கைகால், முகத்தில் இந்தப் பொடியைத் தேய்த்துக் கழுவிய பின்னர், நாம் ஏற்கெனவே தயாரித்து வைத்திருக்கும் குளியல் பொடியைப் பயன்படுத்தி, குளிப்பாட்டினால் குழந்தையின் நிறத்தில் மாற்றம் தெரியும்.

மஞ்சள் பொடி அதிக வீரியம் கொண்டது என்பதால், குழந்தையின் ஐந்து வயதுவரை மஞ்சளை மட்டும் தனியாகக் குளியலுக்குப் பயன்படுத்துவதைத் தவிர்க்க வேண்டும். மஞ்சளை அவசியம் பயன்படுத்த வேண்டும் என நினைக்கும் பெண்கள் கஸ்தூரி மஞ்சளுடன் பச்சைப் பயறு மாவு, ரோஜா இதழ் கலந்து பொடியாக்கி, தினமும் அரை டீஸ்பூன் என்ற விகிதத்தில் பயன்படுத்தலாம்.

பூந்திக்கொட்டைத் தண்ணீர் 


சீயக்காய்த்தூள் குழந்தைகளுக்குக் கண்களில் பட்டுவிட்டால் அவஸ்தையாகிவிடும். அதே நேரத்தில், பேபி ஷாம்பூ உட்பட எந்த ஷாம்பூ பயன்படுத்தினாலும் அவற்றிலுள்ள ரசாயனங்கள் குழந்தைக்கு நல்லவையல்ல. இவற்றுக்கு மாற்றுதான் பூந்திக்கொட்டைத் தண்ணீர்.

மூன்று பூந்திக்கொட்டைகளுடன் ஒரு செம்பருத்திப் பூவின் இதழ்களை அரை டம்ளர் தண்ணீரில் முதல் நாள் இரவு ஊறவைக்கவும். மறுநாள் காலையில் தண்ணீரை மட்டும் தனியே வடித்தெடுத்து, அத்துடன் இரண்டு டீஸ்பூன் கடலை மாவு சேர்த்துக் கரைக்கவும். இதைப் பயன்படுத்தி, குழந்தையின் தலைமுடியை அலசவும். கேசம் செழிப்புடன் வளர்வதுடன் பொடுகு, கட்டிகள் போன்ற பிரச்னைகள் ஏற்படாது.

சு.சூர்யா கோமதி