Published:Updated:

மருந்தில்லா மருத்துவம் - 7

மருந்தில்லா மருத்துவம் - 7
பிரீமியம் ஸ்டோரி
News
மருந்தில்லா மருத்துவம் - 7

மருந்தில்லா மருத்துவம் - 7

மருந்தில்லா மருத்துவம் - 7

மார்புக்கூட்டின் பின் பகுதியில், முதுகெலும்பின் மையத்தில் (Thoracic vertebrae) பின் அனாஹதச் சக்கரம் அமைந்துள்ளது. அனாஹதச் சக்கரமானது இதயம், நுரையீரல், ரத்த ஓட்டம் போன்றவற்றின் செயல்பாட்டுக்கு ஆதாரமாக இருக்கிறது.

மற்ற உறுப்புகளுக்கும் இதயத்துக்கும் உள்ள முக்கியமான வித்தியாசம், மற்ற உறுப்புகளுக்கு சக்தி அதிகமானாலும் ஆபத்து இல்லை. ஆனால், இதயத்துக்கு நாம் அளிக்கும் சிகிச்சையின் மூலம் அதிகப்படியான சக்தி கிடைத்தால், அதுவேகூட ஆபத்தில் போய் முடிந்துவிடலாம். எனவே, இதயத்துக்கு சிகிச்சை அளிக்கும்போது பின் அனாஹதச் சக்கரம் வழியாக அளிப்பது பாதுகாப்பானது. மார்புக்கூடு, ஸ்டெர்னம் (Sternum) எனும் எலும்புடனும், பின்புறம் முதுகெலும்புகளின் ஒரு பகுதியான தொராஸிக் எலும்புகளுடனும், விலா எலும்புகளுடனும், சேர்ந்து ஒரு கூடுபோல் இருப்பதால், இதை மார்புக்கூடு என்கிறோம். இதயம், நுரையீரலைப் பாதுகாக்கும் இந்த எலும்புகள்கூட, விபத்து உள்ளிட்ட காரணங்களால் பாதிப்புக்குள்ளாகும்.

விலா எலும்புகள் உடைந்தால், அங்கு கட்டு போடுவது கடினம். அசைவு இல்லாமல் ஓய்வு எடுக்க வேண்டும். ஓய்வு எடுக்கும்போதே, முறிந்த எலும்புகள் தானாகவே கூடிவிடும். ஆனால், ஓய்வு எடுக்காமல் சிறிது அசைந்தாலும் எலும்பின் நுனிபாகம் உள்பக்கம் அழுத்தினால், நுரையீரலைப் பாதிக்கும். இதனால்,  நுரையீரலின் ஒரு பகுதி கிழிவதால், சுவாசிக்கும் காற்று நுரையீரலை விட்டு வந்து `நிமோதோராக்ஸ் (Pneumothorax)’ எனும் பிரச்னையை ஏற்படுத்தும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
மருந்தில்லா மருத்துவம் - 7

ஒரு சிலருக்கு, எலும்பில் புற்றுநோய் ஏற்படுவதன் மூலமாகப் பாதிப்பு ஏற்படலாம். எலும்பில் ஏற்படும் புற்றுநோயை `ரத்தப் புற்றுநோய்’ என்றும் சொல்லலாம். விலா எலும்புகளில் உள்ள எலும்பு மஜ்ஜையில்தான் ரத்த அணுக்கள் உற்பத்தி ஆகின்றன. நோய்க் கிருமிகளில் இருந்து உடலைக் காக்கும் ரத்த வெள்ளை அணுக்களும் எலும்பு மஜ்ஜையில்தான் உற்பத்தியாகின்றன. அளவுக்கு அதிகமாக வெள்ளை அணுக்கள் உற்பத்தியாகி, அதுவும் சரியான அளவில் முதிர்ச்சிய அடையாததாக இருக்கும்போது லுக்கிமியா (Leukemia) புற்றுநோய் ஏற்படுகிறது. வெள்ளை அணுக்களில் ஒரு வகையான லிம்போஸைட் (Lymposite) புற்றுநோய் செல்லாக மாறும்போது `லைபோமா (Lymphoma)’ என்கிறோம்.

புற்றுநோய்க்கு கீமோ, ரேடியேஷன் சிகிச்சை அளிக்கப்படுகிறது. ரெய்கி மருத்துவத்தில், புற்றுநோய் மேலும் பரவாமல் இருக்க `ஆரா’ எனும் உடலைச் சுற்றி உள்ள கண்ணுக்குப் புலப்படாத சக்தி ஓட்டத்தைச் சுத்தப்படுத்திய பின், அனாஹதச் சக்கரத்துக்கு சிகிச்சை அளிக்கப்படுகிறது. புற்றுநோய், மற்ற உறுப்புகளுக்குப் பரவும் தன்மையுடையது. அதனால், ரெய்கி சிகிச்சை மூலம் பின் அனாஹதச் சக்கரத்துக்கும், மற்ற சக்கரங்களுக்கும் சக்தி அளிப்பதால், இவை வலிமை அடைந்து, மற்ற உறுப்புகளையும் பாதுகாக்கும்.

ரெய்கி சிகிச்சை, புற்றுநோய் எந்த நிலையில் உள்ளது என்பதைப் பொறுத்து அளிக்கப்படுகிறது. புற்றுநோயை ஆரம்பநிலையில் கண்டறிந்தால்,  ரெய்கியையும், சுஜோக் அக்குபஞ்சர் சிகிச்சையையும் சேர்த்து அளிக்கலாம். இதன் மூலம், பின் அனாஹதச் சக்கரத்தைச் சார்ந்த விலா எலும்புகள், முதுகெலும்புகள் நிவாரணம் பெறலாம். இரண்டாம் நிலையில் உள்ளவர்களுக்கு, தீவிர சிகிச்சையால், கேன்ஸர் செல்கள் மற்ற உறுப்புகளுக்குச் செல்லாமல் பாதுகாக்கலாம்.

மருந்தில்லா மருத்துவம் - 7

மூன்றாம், நான்காம் நிலையில் மற்ற சிகிச்சைகளுடன் சேர்த்து, ரெய்கி சிகிச்சை அளிக்கும்போது, உடலில் ஏற்படும் பக்கவிளைவுகள், உடல் பலவீனம், சோர்வு போன்ற பாதிப்பின் தாக்கத்தைக் குறைக்க முடியும்.

மார்புக்கூட்டில் ஏற்படக்கூடிய மற்றொரு முக்கியப் பிரச்னை காசநோய். பாக்டீரியா தொற்றால் இது ஏற்படுகிறது. உடலில் எந்தப் பகுதியில் வேண்டுமானாலும் பாதிப்பு ஏற்படலாம் என்றாலும், இது சுவாச உறுப்புகளை பெருமளவு பாதிக்கிறது. காசநோய் கிருமிகள், எலும்புகளுக்குப் பரவுவதை, `எலும்புக் காசநோய்’ என்கிறோம். இதற்கு, பின்  அனாஹதச் சக்கரத்துக்கு சிகிச்சை அளித்து, குணப்படுத்தலாம். இந்தப் பாதிப்புகளின் காரணமாக உடல் பலவீனம் அடைந்து, உயிரிழப்பு ஏற்படுவதைத் தடுக்க, மூலாதாரச் சக்கரத்துக்கும் சிகிச்சை அளிக்கப்படுகிறது.

மார்புக்கூட்டில் உள்ள முக்கிய உறுப்பு இதயம். இன்று இளம் வயதில்கூட மாரடைப்பு வருகிறது. மாரடைப்பு வந்ததும், ஆஞ்சியோகிராம் (Angiogram) சோதனை செய்து, அறுவைசிகிச்சை அல்லது ஆஞ்சியோபிளாஸ்டி (Angioplasty) சிகிச்சை அளிக்கின்றனர். இதய ரத்தக்குழாய் அடைப்பு பிரச்னை உள்ளவர்களுக்கு ரெய்கி சிகிச்சையுடன், ஆள்காட்டி விரலில் உள்ள மெரிடியனில் தகுந்த புள்ளிகளைத் தேர்ந்தெடுத்து சுஜோக் அக்குபஞ்சர் சிகிச்சை அளிக்கலாம்.

- தொடரும்

படம்: ப.சரவணகுமார்

சுஜோக் அக்குபஞ்சர் தீர்வுகள்

எலும்புப் புற்றுநோய்க்குச் சிறுநீரக மெரிடியனில் சிகிச்சை அளிக்கலாம். நடு விரலில் அமைந்துள்ள சிறுநீரக மெரிடியன், பஞ்ச பூதங்களில் ஒன்றான ‘நீரை’ சார்ந்தது. இந்த நீர்ப் புள்ளியில், புற்றுநோய் செல்களின் வீரியத்தைக் குறைக்க சிகிச்சை அளிக்கலாம். எலும்புப் புற்றுநோய்க்கு மட்டும் அல்ல... எலும்பு சார்ந்த எந்த ஒரு பிரச்னைக்கும் இந்தப் புள்ளியில் சிகிச்சை அளிப்பதன் மூலம் பலன் பெற முடியும்.

ரத்தக் குழாய் அடைப்பு இருந்தால், ஆள்காட்டி விரலில் அமைந்த சிறுகுடல் மெரிடியனில் நெருப்புப் புள்ளியை ஊக்குவித்து சிகிச்சை அளிக்க வேண்டும்.