Published:Updated:

மருந்தில்லா மருத்துவம் - 9

மருந்தில்லா மருத்துவம் - 9
பிரீமியம் ஸ்டோரி
மருந்தில்லா மருத்துவம் - 9

பின்-விஷுத்திச் சக்கரம் - கழுத்து வலி

மருந்தில்லா மருத்துவம் - 9

பின்-விஷுத்திச் சக்கரம் - கழுத்து வலி

Published:Updated:
மருந்தில்லா மருத்துவம் - 9
பிரீமியம் ஸ்டோரி
மருந்தில்லா மருத்துவம் - 9
மருந்தில்லா மருத்துவம் - 9

மார்புக்கூட்டையும் தலையையும் இணைப்பது கழுத்து. கழுத்து வலுவாக இருந்தால்தான், தலை அசைவு நல்ல நிலையில் இருக்கும். பின்-விஷுத்திச் சக்கரம் கழுத்துப் பகுதியைச் சார்ந்தது. கழுத்தில் ஏழு கழுத்து எலும்புகள் உள்ளன. இவற்றுக்கு இடையே உள்ள குறுத்தெலும்புகள் எலும்பு தேய்மானம் அடையாமல் பாதுகாக்கின்றன. இதனுள் தண்டுவடத்தைக் காக்கும் அடர்ந்த தசைகள் உள்ளன. தண்டுவடத்தில் இருந்து வரும் இந்தத் தசைகளை ஊடுருவும் நரம்புகள், இதனிடையே மூளைக்குச் செல்லும் ரத்தக் குழாய்கள் என இவை யாவும் ஒன்றிணைந்த உறுப்புதான் கழுத்து. கழுத்துப் பகுதியில் இருந்து வெளிவரும் நரம்புகள், அதற்குக் கீழ் உள்ள மார்புப் பகுதியில் இருந்து வெளிவரும் நரம்புகளுடன் இணைகின்றன. இப்படி ஒன்று சேரும் நரம்புகள், தோள்பட்டையின் உட்பகுதியில் இணைந்து, பல நரம்புகளாகப் பிரிகின்றன. இப்படிப் பிரியும் நரம்புகள் தோள்பட்டையில் இருந்து கைவிரல்கள் வரை நீண்டு, கைகளை வலுவடையச் செய்கின்றன. ஏன் இந்த விளக்கம் என்றால், பின்-விஷுத்திச் சக்கரம், கழுத்து மட்டும் இன்றி இரண்டு கைகளையும் ஆரோக்கியமாக வைத்திருக்க உதவுகிறது. சில குழந்தைகளுக்கு குப்புறப் படுக்கும் பருவம், தவழும் பருவத்தில் (6-9 மாதம் வரை) கழுத்தை அசைக்க முடியாமல் இருக்கும். இந்தக் குழந்தைகளால் எழுந்து நடக்க முடியாது. நாளடைவில், உடல் வளர்ச்சி இருந்தாலும். தானாக எழ முடியாது. படுத்த படுக்கையாகவே இருப்பார்கள். இந்தக் குழந்தைகளுக்குப் பிறந்தவுடன் மூலாதாரச் சக்கரத்தின் சுழற்சியால் சக்தி, தண்டுவடத்தின் வழியாக மூளைக்குச் செல்லும் பாதையில் பாதிப்பு இருக்கும். இதைப் பிறவி ஊனம் (Congenital abnormality) என்பர். இதற்கு, மூலாதாரச் சக்கரத்துக்கு ரெய்கி சிகிச்சை முதலில் அளிக்க வேண்டும். மூலாதாரத்தின் பாதிப்பு அகலும்போது, கழுத்து இறுக்கம் குறைந்து, கழுத்து அசைவதால், நோய் தீவிரம் அடையும் முன்னரே, நிவாரணம் கிடைக்கும்.

மருந்தில்லா மருத்துவம் - 9

ஒட்டுமொத்த விகடனுக்கும் ஒரே ஷார்ட்கட்!

கழுத்து வலி: இது பலருக்கும் வரும் வியாதி. இரு சக்கர வாகனங்களில் பயணம் செய்யும்போது ஏற்படும் அதிர்வு, விபத்து காரணமாக கழுத்து எலும்புகளுக்கு இடையே உள்ள குறுத்தெலும்பு நகர்ந்து, தண்டுவடத்தின் மேல் அழுத்துவதால் வலி ஏற்படுகிறது. சரியான முறையில் உடற்பயிற்சி செய்யாமை, முறையான பயிற்சி இல்லாமல் சிரசாசனம் செய்வது, தலை மேல் அதிகப் பளுவைத் தூக்குவது, சரியான தலையணை இல்லாமலோ, தவறான நிலையிலோ தூங்குவது, குழந்தைகள் பளுவான புத்தகப் பைகளைத் தூக்குவது போன்ற பல காரணங்களாலும் கழுத்து வலி ஏற்படலாம். சிலருக்கு மனஅழுத்தத்தாலும் இது ஏற்படலாம்.

சிகிச்சைபின்-விஷுத்திச் சக்கரத்துக்கு ரெய்கி சிகிச்சை அளித்து, மூல காரணத்துக்கு சிகிச்சை அளிக்கலாம். ஸூஜோக் அக்குபஞ்சர் முறையில், கட்டை விரலின் பின் பக்கத்தில் அக்குபஞ்சர் செய்தால் குணமடையலாம். ஸுஜோக் அக்குபஞ்சர் முறையில், நம்முடைய கட்டைவிரல்தான் கழுத்தைக் குறிக்கிறது. கட்டை விரலின் பின் பக்கம், மற்றும் ஆள்காட்டி விரலில், தகுந்த புள்ளிகளில் அக்குபஞ்சர் செய்ய வேண்டும்.

அபூர்வமாக, சிலருக்குக் கழுத்தின் அடிப்பகுதியில் கடைசி எலும்பான சி7-ல், விலா எலும்பு இருக்கும். இதனால்,  செர்விகல் ரிப் எனும் எலும்பின் உள்பக்கத்தில் உள்ள  நரம்பின் மேல் அழுத்தம் அதிகமாவதால், கழுத்து, கை வலியும் அதிகமாகும். இவர்களுக்கு ரெய்கியுடன், கட்டை விரலின் அடிப்பகுதியில் சரியான புள்ளியைத் தேர்ந்தெடுத்து அக்குபஞ்சர் சிகிச்சை செய்ய வேண்டும்.

நாள்பட்ட கழுத்துவலி, தலைவலிக்குக் காரணமாக இருக்கலாம். சிலருக்கு தலைசுற்றல் தோன்றும். இந்த நிலைக்கு, பின்-விஷுத்திச் சக்கரம், பின்–ஆக்ஞா சக்கரங்களுக்கு ரெய்கி சிகிச்சை அளித்து, கட்டை விரலில், நகத்துக்கு கீழ் பகுதியில் அக்குபஞ்சர் செய்ய வேண்டும்.

சாதாரணமாக, கை வலி என்றால், கைகளை மட்டும் அல்லாமல், கழுத்துக்கும் கைகளுக்கும் சிகிச்சை அளித்தால், முழு நிவாரணம் கிட்டும்.

- தொடரும்

படம்: ப.சரவணகுமார்

பின் விஷுத்திச் சக்கரத்தின் பாதிப்புகள்

பின் விஷுத்திச் சக்கரத்தின் வழியாகக் கழுத்தைச் சென்றடையும் சக்தி தடைப்படுவதால், கைகளில் ஏற்படும் பாதிப்புகள்...

தோள் இறுக்கம் (Frozen shoulder): இந்த நிலையில் தோள் மூட்டு இறுகுவதால், கைகளின் அசைவு வலியை உண்டாக்கும்.

முழங்கை வலி: முழங்கையை நீட்டி மடக்கும்போது, தாங்க முடியாத வலி ஏற்படும். இதற்கு `டென்னிஸ் எல்போ’ என்று பெயர்.

மணிகட்டு வலி: மணிக்கட்டில் சிறுசிறு வீக்கங்கள் தென்படும். உள்ளங்கையை ஊன்றும்போது அல்லது எழுதும்போது, அதிக வலி தோன்றும். இதற்கு, `கேங்க்லியன் (Ganglion)’ என்று பெயர்.

மணிக்கட்டில் சிறுசிறு எலும்புகளுக்கு இடையே உள்ள நரம்புகளில் ஒரு சிலருக்கு அழுத்தம் அதிகமாவதால், மணிக்கட்டின் அசைவு வலி உண்டாக்கும். இதற்கு `கார்ப்பல் டனல் சிண்ட்ரோம் (Carpal tunnel syndrome)’ என்று பெயர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism