Published:Updated:

மருந்தில்லா மருத்துவம் - 13

மருந்தில்லா மருத்துவம் - 13
பிரீமியம் ஸ்டோரி
மருந்தில்லா மருத்துவம் - 13

முதுகு வலி

மருந்தில்லா மருத்துவம் - 13

முதுகு வலி

Published:Updated:
மருந்தில்லா மருத்துவம் - 13
பிரீமியம் ஸ்டோரி
மருந்தில்லா மருத்துவம் - 13
மருந்தில்லா மருத்துவம் - 13

டலுக்கு ஒரு உருவம் கொடுத்து நேராக நிற்க, வலிமை உள்ள முதுகெலும்பு அவசியம். முதுகுவலி என்று சொல்லும்போது அது, நடு முதுகையும் கீழ் முதுகையும் குறிக்கும். ஒன்றின் மீது ஒன்றாக அடுக்கிவைக்கப்பெற்றுள்ள முதுகெலும்புகள்  உறுதியாக இருக்க, இயற்கையின் அமைப்பை அறிய வேண்டும். நடு முதுகில், ஐந்து லம்பார் (5 lumbar) எலும்புகள் உள்ளன. முதுகெலும்புத் தொடருக்குள்  தண்டுவட நரம்புகள் செல்கின்றன. இந்த அமைப்பைப் பாதுகாக்க, தேவையான ஊட்டச்சத்துக்களை அளிக்க, நரம்புகள், ரத்தக் குழாய்கள், வலிமையான தசைகள் உள்ளன.

லம்பார் எலும்புகள், முதுகுப் பக்கம் மார்புக்கூட்டுக்கும் கீழே இடுப்பு எலும்புகளுக்கு இடையே உள்ளது. கீழ்முதுகில், வயிற்றின் அடிப்பாகத்தில் உள்ள  உறுப்புகளைப் பாதுகாக்க, சேக்ரம் (Sacrum) எனும் பகுதி உள்ளது. இந்தப் பகுதி, எலும்புகள் இணைந்து, ஒரு சிறு பலகை போல் தோன்றும். இதனுடன், இடுப்பு எலும்பு கூடி, அடி வயிற்றில் உள்ள உறுப்புகளைப் பாதுகாக்க ஒரு கவசம் போல் செயல்படுகிறது.

ஏன் இந்த அதிசயமான அமைப்பு?


உடலின் கீழ் புறத்தில் பெண்களுக்கு  வலிமையான தசைகளால் ஆன கர்ப்ப்ப்பை உள்ளது. பெண் இனப்பெருக்க மண்டல உறுப்புகளும் இங்கு உள்ளன. இவற்றைப் பாதுகாக்க, இடுப்பு எலும்புகள் உள்ளன. ஆனால், ஒரு பெண் கருத்தரிக்கும்போது ஒரு நுண்ணிய செல்லில் இருந்து கரு வளர்ச்சி அடைந்து, சிசுவாகக் கர்ப்பப்பைக்குள் வளர்கிறது. வளரும்போது, தசைகளால் ஆன கர்ப்பப்பையும் விரிவடைந்து, மேல் வயிற்றுப்பகுதிக்குச் செல்கிறது. இந்தப் பகுதியில், எலும்புகள் இருந்தால், கர்ப்பப்பையில் வளரும், சிசுவின் வளர்ச்சி பாதிக்கப்படும். இதனால், அந்தப் பகுதியில் அடர்த்தியான வலுவுள்ள தசைகள் மட்டுமே உள்ளன. இந்தத் தசைகளுக்கு லம்பார் பகுதியிலிருந்து வரும் நரம்புகள் வலுட்டுவூகின்றன. இந்த அமைப்பு, சிசுவின் பாதுகாப்பான வளர்ச்சிக்கு ஏதுவாகிறது.

மருந்தில்லா மருத்துவம் - 13

ஒட்டுமொத்த விகடனுக்கும் ஒரே ஷார்ட்கட்!

இந்த அற்புதமான அமைப்புக்கு வலி எப்படி வருகிறது?

முதுகு வலிக்குப் பல்வேறு காரணங்கள் உள்ளன. பொதுவாக யாவரும் கண்கூடாகக் காண்பது, நாம் கடக்கும் பாதைகள் குண்டும் குழியுமாக இருக்கிறது. இதில் சில நேரங்களில், வண்டியில் செல்லும்போது நிலை தடுமாறும்போது, லம்பார் பகுதியில் அதிர்வு ஏற்பட்டு முதுகெலும்பைப் பாதிக்கிறது. பலரும், லம்பார் பகுதியில் மட்டும் இதன் பாதிப்பை உணர்வர். ஏனென்றால், இங்கு பக்கவாட்டில் எலும்புகள் இல்லை. ஆதரவு இல்லாத பகுதியில், எலும்புகளுக்கு இடையே உள்ள  குருத்தெலும்பு விலகும் வாய்ப்பு அதிகம். விலகிய குருத்தெலும்பு தண்டுவடத்தின் மேல் அழுத்தம் கொடுத்தால், தாங்க முடியாத முதுகு வலி வரும். ஒரு சிலருக்கு அதிகமான பளுவைத் தூக்கக் குனியும்போது, இதேபோல் தண்டுவடத்தின் மேல் விலகிய குருத்தெலும்பின் அழுத்தம் இருந்தால், தாங்க முடியாத வலி இருக்கும்.

சில நாட்களுக்கு முன்பு, 40 வயதான சங்கரன் என்பவர், தாங்க முடியாத முதுகு வலியுடன் சிகிச்சைக்கு வந்தார்.  எதனால் முதுகுவலி வந்தது என்று பார்த்தால், நான்கு மாதங்களுக்கு முன் பளு தூக்கியதால் இடுப்புப் பிடிப்பு போல் வலி தோன்றியிருக்கிறது. நாளடைவில் நடு முதுகில் அசைய முடியாத அளவுக்கு வலி ஏற்பட்டதாகக் கூறினார். எக்ஸ்ரே, ஸ்கேன் செய்து, குருத்தெலும்பு விலகி உள்ளது என அறிந்து, வலி நிவாரணத்துக்கு மருத்துவர்கள் மாத்திரைகளைக் கொடுத்திருக்கின்றனர். இதனால் வலி, தற்காலிகமாகக் குறைந்தாலும், முழுமையான நிவாரணம் கிடைக்கவில்லை. மற்ற எல்லா சிகிச்சைமுறைகளையும் முயற்சிசெய்து, வலி தீராமல் கடைசியில் என்னிடம் வந்தார்.

மருந்தில்லா மருத்துவம் - 13

ரெய்கி சிகிச்சை

வலி என்பது அறிகுறியே. மூலக் காரணம், ஆராவிலும், சக்திப் பாதையிலும் தடை ஏற்பட்டிருப்பதுதான். பின்-முதுகு, முதுகெலும்பு, தண்டுவடம், குருத்தெலும்பு ஆகியவை, பின் – மணிப்பூரகச் சக்கரம், ஸ்வாதிஷ்டானா சக்கரத்தையும் சேர்ந்தது. முதலில், மூன்று சக்கரங்களையும் சுத்தம்செய்து , பின்பு ஒவ்வொரு சக்கரத்துக்கும், அதாவது பின்–மணிப்பூரகம், பின் - ஸ்வாதிஷ்டானா, மூலாதாரச் சக்கரத்துக்குத் தொடர்ச்சியாக சிகிச்சை அளிக்கப்பட்டது.  இதனுடன், அவருக்கு அக்குபஞ்சர் சிகிச்சையும் சேர்த்து அளிக்கப்பட்டது. பல மாதங்களாக வலியால் அவதியுற்றவர் குணம் அடைந்ததால் மிகவும் மகிழ்ச்சியுற்றார்.

முதுகுவலி வருவதற்கு வேறு என்னென்ன காரணங்கள் உள்ளன? அதற்கான சிகிச்சைமுறைகள் என்ன, தவிர்க்கும் வழிகள் பற்றி வரும் இதழ்களில் பார்க்கலாம்.

- தொடரும்