Published:Updated:

மருந்தில்லா மருத்துவம் - 14

மருந்தில்லா மருத்துவம் - 14
பிரீமியம் ஸ்டோரி
News
மருந்தில்லா மருத்துவம் - 14

முதுகு வலி

மருந்தில்லா மருத்துவம் - 14

முதுகு வலி பல காரணங்களால் தோன்றும். அதே போல், அறிகுறிகளும் வெவ்வேறு விதமாக இருக்கும். வெறும் அறிகுறிக்கு சிகிச்சை எடுப்பதைத்தான் இன்று பலரும் செய்கின்றனர். மூலக் காரணத்தைக் கண்டறிவதும் இல்லை, சிகிச்சை பெறுவதும் இல்லை.

தனியார் நிறுவனத்தில் வேலை செய்யும் 35 வயதுப் பெண்மணி, முதுகுவலி என்று என்னிடம் வந்தார். வேலை செய்ய முடியாத அளவுக்கு, உட்காரவே முடியாதபடி, தாங்க முடியாத வலி. பல சிகிச்சைகள் எடுத்தும், பலன் இல்லை. திடீரென்று சில ஆண்டுகளாக வலி என்றார். எப்படி வந்தது என்றால் தெரியவில்லை. அவர் வாழ்வில் நடந்த ஒவ்வொரு சம்பவத்தையும் நினைவுபடுத்தச் சொன்னேன். “ஐந்து வருடங்களுக்கு முன், சிசேரியன் சிகிச்சை மூலம் குழந்தை பிறந்தது.  ஆனால், அதனால் எந்தப் பிரச்னையும் இல்லை டாக்டர். அதன் பிறகு நன்றாகவே இருந்தேன். இரண்டு ஆண்டுகளுக்கு முன்புதான் முதுகுவலி பிரச்னை ஆரம்பித்தது” என்றார். முதலில் இது சாதாரண வலி என்று அசட்டையாக இருந்துவிட்டார். வலி தீவிரமாகவே, மருத்துவரை அணுகி எம்.ஆர்.ஐ உட்பட பல பரிசோதனைகளை செய்து, மருந்தும் சாப்பிட்டிருக்கிறார். வலி குறையவில்லை.  நாளடைவில் படுக்கையிலேயே ஓய்வு எடுத்துக்கொள்ள அறிவுரை வழங்கப்பட்டிருக்கிறது. இதனால், குடும்பத்தையும் கவனிக்க முடியவில்லை, வேலைக்கும் செல்ல முடியாத நிலை.

மருந்தில்லா மருத்துவம் - 14

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

முதுகு வலிக்கு மூலக் காரணம்

இவருக்கு, நடு முதுகில் வலி வருவதற்குக் காரணம், சிசேரியன் அறுவைசிகிச்சையின்போது நடு முதுகில் கொடுக்கப்பட்ட மயக்க மருந்தே (Spinal Anaesthesia). அறுவைசிகிச்சை முடிந்த உடனே முதுகு வலி வருவது இல்லை. ஒரு சிலருக்கு ஒன்றிரண்டு வருடங்கள் கழித்தும் தோன்றலாம். ஆகையால், மக்கள் இவற்றைத் தொடர்புபடுத்திப் பார்ப்பது இல்லை.

முதுகு வலி என்பது ஒரு அறிகுறியே. முதுகின் இந்தப் பகுதியானது பின் மணிப்பூரகம்,  பின் ஸ்வாதிஷ்டானா, மூலாதாரச் சக்கரத்தின் சுழற்சியைச் சார்ந்தது. உடலைச் சுற்றி உள்ள ஆராவின் (சக்தி ஓட்டம்) வழியாகத் தடை இல்லாமல் சக்தி ஊடுருவி, இந்தச் சக்கரங்களை சமநிலையில் வைக்கும்போது, தண்டுவடம் சக்தி பெறும். ஆனால், இந்த சக்திப் பாதையில் தடை ஏற்படும்போது, வலியாக வெளிப்படுகிறது. பலரும், அறிகுறிக்கு சிகிச்சை பெறு கின்றனர். காரணத்தைக் கண்டறிந்து சிகிச்சை பெறுவது இல்லை. இதனால்தான், நிவாரணமும் தற்காலிகமானதாக இருக்கிறது.

நடு முதுகெலும்புப் பகுதியில் ஏற்பட்ட தடையை நீக்கி சமநிலைக்குக் கொண்டுவர ரெய்கியில் சிகிச்சை உள்ளது. இதற்கு, ஆராவில் உள்ள தடையை நீக்கி, பின் மணிப்பூரகம், பின் ஸ்வாதிஷ்டானம், மூலாதாரச் சக்கரங்களில் உள்ள தடையை நீக்க சிகிச்சை அளிக்க வேண்டும். சக்திப் பாதையில் தடை நீங்கி, பாதிக்கப்பட்ட தண்டுவடம் சக்தி பெற்றதால், ஒரு சில நாட்களிலேயே வலி நிவாரணம் பெற்றார்.

மருந்தில்லா மருத்துவம் - 14

இதனுடன், பின்னால் வரக்கூடிய கால்வலி, மூட்டுவலியும் தடுக்கப்படுகிறது. பின் முதுகுப் பகுதியில் இருந்து வரும் நரம்புகள்தான் கால்களை அடைகின்றன. இந்த சிகிச்சையால் சக்தி, மூலப் பிரச்னையை சரிசெய்வதால், நோய், வலி இரண்டுமே மறைகின்றன.

சிலருக்கு, இந்தப் பாதிப்பின் வெளிப்பாடு, கால் வலியாக இருக்கும். ரெய்கி சிகிச்சையில், கால் என்பது பின் முதுகின் தொடர்ச்சியாகக் கருதப்படுகிறது. ஏனெனில், முதுகெலும்புத் தொடரின் லம்பார், ஸேக்ரம் பகுதியில் உள்ள நரம்புகள் காலுக்கு உணர்ச்சியூட்டுகின்றன.  இந்த இரு பகுதிகளும் பின் மணிப்பூரகம், பின் ஸ்வாதிஷ்டான சக்கரத்தினால் சக்தி பெறுகின்றன. ஆகையால், இந்த இரு சக்கரங்களுக்கும் ரெய்கி சிகிச்சை அளிப்பதால் நோயும், அதன் அறிகுறியான வலியும், உடனடியாக நீங்கும்.

இதர முக்கியப் பிரச்னைகளான, மூட்டு வலி, கால் வலி,  கணுக்கால் வலி, பாதம் உணர்ச்சியின்மை போன்ற பிரச்னைகளைப் பற்றி வரும் இதழ்களில் பார்ப்போம்.

- தொடரும்

படம்: ப.சரவணகுமார்

சுஜோக் அக்குபஞ்சரில் தீர்வு!

காலுக்கு உணர்ச்சியூட்டும் நரம்புகள், தண்டுவடத்தில் இருந்து கிளம்புவதால், ஆள்காட்டி விரலின் பின் பக்கம் அமைந்து உள்ள தண்டுவட மெரிடியனில் உள்ள புள்ளியில் அக்குபஞ்சர் ஊசி மூலம் சுஜோக் அக்குபஞ்சர் சிகிச்சை அளிக்க வேண்டும். மேலும், புறங்கையில் மூன்று, நான்கு மெடகார்ப்பல் (Metacarpal) எலும்புகளுக்கு இடையில் லம்பார், ஸேக்ரல் பகுதியையும், தண்டுவடத்தைக் குறிக்கும் பகுதியையும் அக்குபஞ்சர் ஊசியால் குத்தித் தூண்ட வேண்டும். எவ்வளவு தீவிர முதுகுவலியாக இருந்தாலும் முதல் நாளிலேயே, நல்ல நிவாரணம் கிடைக்கும். பாதிப்பின் தீவிரத்தைப் பொருத்து சிலருக்கு ஒரு சில நாள் சிகிச்சையே போதுமானதாக இருக்கும்.