Published:Updated:

மருந்தில்லா மருத்துவம் - 16

மருந்தில்லா மருத்துவம் - 16
பிரீமியம் ஸ்டோரி
மருந்தில்லா மருத்துவம் - 16

மருந்தில்லா மருத்துவம் - 16

மருந்தில்லா மருத்துவம் - 16

மருந்தில்லா மருத்துவம் - 16

Published:Updated:
மருந்தில்லா மருத்துவம் - 16
பிரீமியம் ஸ்டோரி
மருந்தில்லா மருத்துவம் - 16
மருந்தில்லா மருத்துவம் - 16

முழங்கால் மூட்டு எப்படிப் பாதிப்புக்கு உள்ளாகிறது... அதற்கு, மருந்தில்லா மருத்துவத்தில் எப்படி நிவாரணம் அளிப்பது என்று பார்ப்போம். முழங்கால்வலி அல்லது மூட்டுவலி என்பதை, ‘ஆர்த்ரைடிஸ்’ என்பார்கள். ஆர்த்ரைடிஸ் ஏற்படப் பல காரணங்கள் உள்ளன.

முழங்கால் என்பது மூன்று எலும்புகளாலான ஒரு மூட்டு, இவற்றை ஒருங்கிணைக்க, டென்டன், லிகமென்ட் என்பவை உள்ளன. எலும்புகள் ஒன்றோடு ஒன்று உராய்ந்து, தேய்ந்துவிடாமல் இருக்க  இவற்றுக்கு இடையே குருத்தெலும்புகள் உள்ளன. மூட்டு அசைவுக்குத் தொடைப் பகுதியிலும், ஆடுசதைப் பகுதியிலும், வெகு அடர்த்தியான தசைகள் உள்ளன. இந்தத் தசைகளுக்கும் முழங்காலுக்கும் தண்டுவடத்தில் இருந்து வரும் நரம்புகள் உணர்ச்சி ஊட்டுகின்றன. இவை அனைத்தும் ஒருங்கிணைந்து வேலை செய்யும்போது, முழங்கால் ஆரோக்கியமாக இருக்கும்.
பருமனான உடலைத் தாங்கும் சக்தி கால்களுக்குக் குறைவதால், மூட்டுவலி வரலாம். கால் முட்டி மீது அதிக அழுத்தம் கொடுக்கும் டென்னிஸ், கால்பந்து போன்ற விளையாட்டு வீரர்களுக்கு இந்த வலி வரக்கூடும். அதே சமயம், போதிய உடல் உழைப்பு, உடற்பயிற்சி இல்லாதவர்களுக்கும் இந்தப் பிரச்னை வரலாம். தவறான தேகப் பயிற்சி, தவறான யோகா பயிற்சிகளினாலும் மூட்டுவலி உண்டாகலாம். ஒரு சில விளையாட்டு வீரர்களுக்கு மூட்டுக்களை இணைக்கும் லிகமென்ட் கிழியலாம். இதற்கு, அறுவைசிகிச்சை ஒன்றே தீர்வு என்பார்கள்.

62 வயதான ஒரு பெண்மணி, ஆறு மாதங்களுக்கு முன்பு தவறி விழுந்ததில், வலது முழங்காலில் அடிபட்டிருக்கிறது. வலிக்கு எந்த சிகிச்சையும் பலன் அளிக்காமல் என்னை அணுகினார்.

மருந்தில்லா மருத்துவம் - 16

ஒட்டுமொத்த விகடனுக்கும் ஒரே ஷார்ட்கட்!

இன்னொருவர், “இரண்டு வருடங்களாக முழங்கால்களில் தாங்க முடியாத வலி, எல்லா பரிசோதனைகளும்  செய்துவிட்டேன், மாத்திரைகள், உடற்பயிற்சிகள், பிசியோதெரப்பி செய்தும் பலன் இல்லை. மற்ற சிகிச்சைமுறைகளும் பலன் அளிக்கவில்லை. மூட்டுமாற்று அறுவைசிகிச்சை (Knee replacement therapy) செய்ய வேண்டும் என அறிவுரை வழங்கப்பட்டுள்ளது” என்றார்.

முதுகெலும்பில், லம்பார் பகுதியில், இருந்து வரும் நரம்புகளின் பாதிப்பு மூட்டுவலியை உண்டாக்கும்.மூட்டுவலி என்பது இதன் அறிகுறி மட்டுமே. மூலக் காரணங்கள் வெவ்வேறு. முழங்கால், அதை இயக்கும் நரம்புகள் ஆகியவை தண்டுவடத்தில் இருந்து சக்தி பெறுகின்றன. தண்டுவடம், பின்மணிப்பூரகம், பின் ஸ்வாதிஷ்டான சக்கரங்களின் மூலம் சக்தி பெறுகிறது. கால், மூலாதாரச் சக்கரத்தைச் சார்ந்தது.

வலிக்குக் காரணம், பின் மணிப்பூரகச் சக்கரம், பின் ஸ்வாதிஷ்டானா சக்கரங்களில் இருந்து ஊடுருவும் சக்தியில் தடை ஏற்பட்டதுதான். இந்தப் பகுதியில் பின் ஸ்வாதிஷ்டானா, பின் மணிப்பூரகம், மூலாதாரச் சக்கரங்களுக்கு வரும் சக்தியின் தடையை நீக்கி, பிரபஞ்ச சக்தி அளித்து, சக்தி ஓட்டப்பாதையைச் சீராக்கினால் போதும்.

இதனுடன், சுஜோக் அக்குபஞ்சர் மூலம் முழங்கால் பகுதியை கையில் குறிக்கும் பகுதியில் அக்குபஞ்சர் ஊசி மூலம் தூண்டுதல் செய்தால் நல்ல பலன் கிடைக்கும்.

80 வயதான ஒருவருக்கு முழங்கால் அறுவைசிகிச்சைக்குப் பின் இரண்டு வருடங்கள் கழித்து, தொடைப் பகுதியிலும் ஆடுசதைப் பகுதியிலும் தாங்க முடியாத வலி இருந்தது. இதனால், தூக்கம் இன்றி தவித்தார். கால் வலி, முழங்கால்வலி எதுவாயினும் மூலாதாரச் சக்கரம், பின் ஸ்வாதிஷ்டானா சக்கரம், பின் மணிப்பூரகச் சக்கரங்களின் பாதிப்பினாலேயே உருவாகின்றன. ஆகையால், இந்த மூன்று சக்கரங்களுக்கும், வலி உள்ள இடத்திலும் (தொடைப்பகுதி, ஆடுசதைப் பகுதி) பிரபஞ்ச சக்தி அளித்தால், பிரமிக்கத்தக்க  வகையில்  நிவாரணம் கிடைக்கும்.
சுஜோக் அக்குபஞ்சரிலும் பாதிக்கப்பட்டவை நரம்புகளா, எலும்புகளா, தசைகளா என எளிதில் கண்டுபிடிக்கலாம். பிறகு, சிறுநீரகம் (எலும்பு) அல்லது தண்டுவடம் அல்லது கல்லீரல் மெரிடியனில் (தசைகள்) புள்ளிகளைத் தேர்ந்தெடுத்து சிகிச்சை அளிக்க வேண்டும்.

- தொடரும்

கணுக்கால் பிசகுதல்

மருந்தில்லா மருத்துவம் - 16

கணுக்கால் பிசகுதல், அடிக்கடி காணப்படும் ஒரு பிரச்னை. விளையாட்டு வீரர்களுக்கு வேகமாக ஓடும்போது, பந்தை உதைக்கும்போது கணுக்கால் வலி ஏற்படும். இந்த வலி பாதத்துக்கும் பரவும். ஒரு சிலருக்கு கால் பாதம், விரல்களில் எரிச்சல் அல்லது உணர்ச்சியற்று இருக்கும். சர்க்கரை நோய் உள்ளவர்களுக்கு இந்த எரிச்சல் அல்லது  உணர்ச்சியின்மை அதிகமாகக் காணப்படும். இதை, டயாபடிக் நியூரோபதி (Diabetic neuropathy) என்பார்கள். ஒரு சிலருக்கு, பாதத்தில் ஆணி காணப்படும். பாதவலிக்கும், கணுக்கால், பாதஆணி பிரச்னைக்கும்கூட ரெய்கி, சுஜோக் அக்குபஞ்சர் நல்ல தீர்வு.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism