Published:Updated:

பேஸ்கட் பால், டான்ஸ், தண்ட யோகா... களைகட்டிய யோகா ஃபெஸ்ட்!

ஒட்டுமொத்த விகடனுக்கும் ஒரே ஷார்ட்கட்

Use App
பேஸ்கட் பால், டான்ஸ், தண்ட யோகா...  களைகட்டிய யோகா ஃபெஸ்ட்!
பேஸ்கட் பால், டான்ஸ், தண்ட யோகா... களைகட்டிய யோகா ஃபெஸ்ட்!

பேஸ்கட் பால், டான்ஸ், தண்ட யோகா... களைகட்டிய யோகா ஃபெஸ்ட்!

பிரீமியம் ஸ்டோரி

போரம் விஜயா மாலின்,  ‘ஃபோரம்  யோகா ஃபெஸ்ட்’ ஜூன் 18-ம் தேதி சென்னை, வடபழனியில் நடைபெற்றது.  ஜூன் 21 சர்வதேச யோகா தினம். அதை முன்னிட்டு விழிப்புஉணர்வை ஏற்படுத்துவதற்காக டாக்டர் விகடனுடன் ரேடியோ ஒன்  (94.3) மற்றும்  ஸோர்பா யோகாசனப் பயிற்சி மையம்  இணைந்து இந்த நிகழ்வை நடத்தின. சிறார்கள், பெரியவர்கள் எனக் கூட்டம் களைகட்டியது. ரேடியோ ஒன் (94.3)  தொகுப்பாளினி  சுலபா விழாவைச் சிறப்பாகத் தொகுத்து வழங்கினார்.

பேஸ்கட் பால், டான்ஸ், தண்ட யோகா...  களைகட்டிய யோகா ஃபெஸ்ட்!

``யார் மேடையில் வந்து யோகாசனம் செய்யப் போகிறீர்கள்?’’ என்பது சுலபாவின் கேள்வி. அடுத்த கணம் ஆதிலட்சுமி என்ற 50 வயது மதிக்கத்த பெண் மேடை ஏறினார். மேடையில் நிகழ்ந்த யோகா பயிற்சிகளைப் பொதுமக்கள் ஆர்வத்தோடு பார்த்துக் கொண்டிருந்தனர்.
 
ஆதிலட்சுமியைத் தொடர்ந்து  சிறியவர்கள், பெரியவர்கள் என வயது வித்தியாசம் இல்லாமல் பலரும் ஆர்வத்தோடு மேடை ஏறி யோகா பயிற்சிகளைச் செய்து காட்டினர்.

ஸோர்பா யோகாசனப் பயிற்சியாளர் சர்வேஷ் சஷி, யோகாவின் முக்கியத்துவம், அதனால் நம் உடலுக்கும் மனதுக்கும் கிடைக்கும் நன்மைகள் பற்றித்  தெளிவாக விளக்கினார்.

பேஸ்கட் பால், டான்ஸ், தண்ட யோகா...  களைகட்டிய யோகா ஃபெஸ்ட்!

அதன் பிறகு ஸோர்பாவைச் சேர்ந்த கீதாஞ்சலி, `பேஸ்கட் பால் யோகா செய்வது எப்படி?’ என்பதை மேடையில் நிகழ்த்திக் காட்டினார். பார்வையாளர்களில் பலரும் அதை மேடையில் ஏறிச் செய்துபார்த்தனர். 
தொடர்ந்து மேடை ஏறினார் ஸோர்பாவைச் சேர்ந்த ராகுல். இவர் நிகழ்த்திய  ‘தண்ட யோகா’வுக்கும் அப்படி ஒரு ரெஸ்பான்ஸ். ராகுல் பயிற்றுவிக்க, பலரும் ஆர்வத்தோடு அந்த யோகாவைச் செய்தனர்.
``அமெரிக்கப் பள்ளிகளில் கற்றுக் கொடுக்கப்படும்  ‘சூப்பர் பிரெயின் யோகா’ என்றால் என்ன?’’ என்று சுலபா கேட்டார். மாதவன் என்பவர்  ``தோப்புக்கரணம்’’ என்று சரியாகச் சொல்லி, பரிசுக் கூப்பனைத் தட்டிச் சென்றார்.

அடுத்து சர்வேஷ் சஷி  ‘டான்ஸ் யோகா’ பயிற்சி கொடுக்க, அனைவரும் மகிழ்ச்சியோடு நடன மாடியபடியே   யோகா செய்ய ஆரம்பித்துவிட்டார்கள்.

நன்றாக யோகா செய்தவர்களுக்குச் சிறப்புப் பரிசுக் கூப்பன்கள் வழங்கப்பட்டன. பங்கேற்ற அனைவருக்கும் சான்றிதழ்களும் டாக்டர் விகடன் இதழும் வழங்கப்பட்டன.

- இரா.செந்தில் குமார்

படங்கள்: மீ. நிவேதன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு