Published:Updated:

டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?

டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?
பிரீமியம் ஸ்டோரி
டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?

டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?

டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?

டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?

Published:Updated:
டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?
பிரீமியம் ஸ்டோரி
டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?
டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?

சுனாமி, புயல், மழை வெள்ளம் போன்ற இயற்கைப் பேரிடர்களை தமிழகம் கடந்து மீண்டிருக்கிறது. ஆனால், தமிழகத்தின் சுகாதார நிலைமையைப் பேண வேண்டிய சுகாதாரத்துறை, உள்ளாட்சித்துறை ஏற்படுத்திய செயற்கை பேரிடராக கடந்த சில ஆண்டுகளில் மக்களை வாட்டி வதைத்தது டெங்குவும், பன்றி காய்ச்சலும்தான். 

தொற்றுநோய்களில், உலகம்  முழுவதும் அதிக பாதிப்புகளை ஏற்படுத்துவது டெங்கு, பன்றிக்காய்ச்சல் இரண்டும்தான். உலக நாடுகளை அச்சுறுத்தும் நோய்கள் பட்டியலை 2019-ம் ஆண்டு உலக  சுகாதார நிறுவனம் வெளியிட்டுள்ளது. அதில், ‘இந்த ஆண்டும் டெங்கு, பன்றிக்காய்ச்சல் நோய்கள் மக்கள் மத்தியில் அதிக பாதிப்பை ஏற்படுத்தும்’ என்று தெரிவித்துள்ளனர். உலகம் முழுவதும் ஓராண்டில் 39 கோடி பேர் டெங்குவால் பாதிக்கப்படுகின்றனர். உலகில் 40 விழுக்காடு மக்களுக்கு டெங்குத் தொற்று ஏற்படும் வாய்ப்புள்ளது என்றும் கணிக்கப்பட்டுள்ளது. ஓராண்டில் 25 ஆயிரம் உயிரிழப்புகள் டெங்கு காய்ச்சலால் ஏற்படுகின்றன. பன்றிக்காய்ச்சலுக்கு உலகம் முழுவதும் 5.75 லட்சம் பேர் ஆண்டுதோறும் உயிரிழக்கின்றனர் என்கின்றன புள்ளி விவரங்கள்.

தமிழகத்தில் 2018-ம் ஆண்டில் மட்டும் 3,636 பேருக்கு டெங்கு பாதிப்பு ஏற்பட்டது. இதில் ஐந்து பேர் உயிரிழந்துள்ளனர். பன்றிக் காய்ச்சலின் தாக்குதலுக்கு 2,812 பேர் ஆளாகி உள்ளனர்; அவர்களில் 43 பேர் உயிரிழந்துள்ளனர். இவை தவிர, சிக்குன்குன்யா, மலேரியா, வயிற்றுப்போக்கு, ஜப்பானிய மூளைக்காய்ச்சல், எலிக்காய்ச்சல் என்று பல்வேறு தொற்றுநோய்கள் 2018-ம் ஆண்டில் அணிவகுத்து நின்றன. மருத்துவக் குறியீடுகளில் உயர்ந்து நிற்கும் தமிழகம், டெங்கு, பன்றிக்காய்ச்சலைத் தடுப்பதில் பின்னடைவைச் சந்தித்திருக்கிறது. பொது சுகாதாரத் துறைக்கென்று தமிழக அரசின் சார்பில், ஆண்டுக்கு மூவாயிரம் கோடி ரூபாய்க்கும் மேல் நிதி ஒதுக்கீடு செய்யப்பட்டு பணிகள் செயல்படுத்தப்படுகிறது. எனினும், இந்த காய்ச்சல்களைக் கட்டுப்படுத்த முடியாமல் தவிக்கிறது மாநில அரசு.

டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?

ஒட்டுமொத்த விகடனுக்கும் ஒரே ஷார்ட்கட்!

‘‘நோய்களைக் கட்டுப்படுத்த இயலாததற்குக் களப்பணியாளர்கள் பற்றாக்குறையும் முக்கியக் காரணம்’’ என்கிறார் மருத்துவச் செயற்பாட்டாளர் பாரதி செல்வன். “புதியப் பொருளாதாரக் கொள்கைகள் அமல்படுத்தப்பட்ட பிறகு, கொசு ஒழிப்பில் களப்பணியாற்றும் ஊழியர்களின் பணியிடங்கள் காலியாகக்  கிடக்கின்றன. ஓர் உள்ளாட்சி நிர்வாகத்தின் கீழ் பணிபுரியும் ஆறு பேர் ஓய்வுபெற்றால், அதில் ஐந்து பேரின் பணியிடங்கள் நிரப்பப்படுவதில்லை.

அனைத்துப் பணிகளுக்கும் தற்காலிகப் பணியாளர்களையே நியமிக்கிறார்கள். பணிப்பாதுகாப்பு இல்லாததால், தற்காலிகப் பணியாளர்கள் நிரந்தரப் பணியாளர்களைப் போன்று ஆர்வத்துடனும்

டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?

பொறுப்புடனும் வேலை செய்வார்கள் என்று கூறமுடியாது. தற்காலிகப் பணியாளர்களை நியமிக்கும் அரசின் கொள்கைகளை மாற்றி நிரந்தரப்  பணியாளர்களை நியமித்து நோய்த்தடுப்பு பணிகளில் ஈடுபட வேண்டும். பல ஆண்டுகளாக மத்திய, மாநில அரசுகள் கல்விக்கும் சுகாதாரத் துறைக்கும் ஒதுக்கும் நிதி குறைவாகவே இருக்கிறது. சுகாதாரத் துறைக்கு இப்போது ஒதுக்கப்படும் நிதி போதாது. பன்றிக் காய்ச்சலுக்கான மாத்திரைகள் சில இடங்களில் கிடைக்காத நிலை இருந்தது. தொற்றுநோய்களைக் கட்டுப்படுத்துவதற்கும் போதிய நிதி ஒதுக்கீடுகள் தேவை. டெங்கு, பன்றிக்காய்ச்சலால் பாதிக்கப்பட்டு சிகிச்சைப் பெறுவோரின் மீது தனிக்கவனம் செலுத்துவதற்கான கட்டமைப்புகளையும் மேம்படுத்த வேண்டும்” என்கிறார் அவர்.

தெருக்களில் கொசுமருந்து அடிப்பது, குப்பைகளை அள்ளுவது போன்ற அடிப்படை சுகாதாரப் பணிகளை மேற்கொள்வது உள்ளாட்சி அமைப்புகள்தான். தமிழகத்தில் 2016-ம் ஆண்டு அக்டோபர் 25-ம் தேதியுடன் உள்ளாட்சி அமைப்புகளின் பதவி காலம் முடிவடைந்து விட்டன. தெருக்களில் குப்பைகள் குவிந்து கிடந்தாலோ, கொசு மருந்து அடிக்காவிட்டாலோ அந்தந்த பகுதி கவுன்சிலர்களிடம் புகார் தெரிவித்தால் உடனே நடவடிக்கை இருக்கும். ஆனால், கடந்த இரண்டு ஆண்டுகளுக்கும் மேலாக உள்ளாட்சி அமைப்புகளில் சுகாதாரப்பணிகள் முடங்கிக் கிடக்கின்றன.

டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?

“பருவ காலங்களில் மட்டும் பரவி வந்த டெங்கு, பன்றிக்காய்ச்சல் போன்ற நோய்கள் இப்போது ஆண்டு முழுவதும் பாதிப்பை ஏற்படுத்தி வருகின்றன. அதனால் ஆண்டு முழுவதும் தடுப்புப்பணிகள் மேற்கொள்ள வேண்டிய அவசியம் இருக்கிறது. உள்ளாட்சித் தேர்தல் நடைபெறாததால், இதுபோன்ற பணிகள் கடுமையாகப் பாதிக்கப்பட்டுள்ளன” என்று குற்றம்சாட்டுகிறார் பொது நல மருத்துவரும் சமூக ஆர்வலருமான டாக்டர் எழிலன். “அரசியல் ரீதியாகப் பார்த்தால், உள்ளாட்சித் தேர்தல் நடைபெறாததுதான் இதற்கு முக்கியக் காரணம். அரசியல்வாதிகள் மட்டுமல்ல, அரசு அதிகாரிகளும் பயம் இல்லாமல் இருக்கிறார்கள். இந்த நிலைக்கு அரசியல்வாதிகள் மற்றும் அரசு அதிகாரிகள்  இரு தரப்பையும் குற்றம்சாட்ட விரும்புகிறேன். சுகாதாரத் துறையில், இதுபோன்ற அலட்சியமான போக்கு தமிழகத்தில் அதிகம் இருக்கிறது.

எந்தெந்த நோய்களுக்கு எந்த மாதிரியான சிகிச்சைகள் அளிக்க வேண்டும் என்று அரசு வழிமுறைகளை வகுத்துள்ளது. தமிழகத்தைப் பொருத்தவரை 60 - 70 சதவிகிதத்தினர் தனியார் மருத்துவமனைகளிலும் 30 சதவிகிதத்தினர் அரசு மருத்துவமனைகளிலும் சிகிச்சை பெறுகின்றனர். அப்படி இருக்கும்போது, தனியார் மருத்துவமனைகள் இந்த வழிமுறைகளை சரியாகப் பின்பற்றுகின்றனவா என்பதைக் கண்காணிக்கவேண்டும்.  தமிழக அரசு, தனியார் மருத்துவர்களிடம், ‘பன்றிக்காய்ச்சல், டெங்கு காய்ச்சல் பாதிப்பு என நோய் பாதிப்பைக் குறிப்பிடாதீர்கள்’ என்று சுகாதாரத்துறையின் உயர் மட்டத்தில் உத்தரவிட்டுள்ளனர். இதனால், நோயால்  பாதிக்கப்பட்டவர்களின் எண்ணிக்கையைக் குறைத்துக் காண்பிப்பதற்காக டெங்கு காய்ச்சலை, வைரல் காய்ச்சல் என்றும் பன்றிக்காய்ச்சலைச் சுவாசப்பாதைப் பிரச்னை என்றும் பதியச் சொல்கிறார்கள். இதனால் பாதிக்கப்பட்டவர்களின் எண்ணிக்கை குறைவாகப் பதிவாகிறது. 

டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?

எண்ணிக்கை குறைவாகப் பதிவாகும்போது, நிதி ஒதுக்கீடு, மனிதவள ஒதுக்கீடு கிடைக்காமல் போகிறது. இதனால் அடுத்தமுறை நோய் பாதிப்பு ஏற்படும்போது  அதனைச் சமாளிப்பது கூடுதல் சிரமமாகிவிடும். ‘சுகாதாரத்துடன் இருப்பதில்லை’ என்று மக்களைக் குற்றம்சாட்டும் அரசு, மக்களுக்குப் போதுமான விழிப்பு உணர்வை அளித்திருக்கிறதா என்று யோசிக்க வேண்டும். முன்பு எல்லாம் திரையரங்குகளில் பொதுச் சுகாதாரம் தொடர்பான விளம்பரங்கள் ஒளிபரப்பப்படும். ஆயிரம் பேரில் 20 பேராவது அதைப் பார்த்து தங்களை மாற்றிக்கொள்வார்கள். இப்போது தனிமனித துதிதான் திரையரங்கில்  விளம்பரமாகக் காண்பிக்கப்படுகிறது. தொலைநோக்குப் பார்வை இல்லாதவர்கள் தமிழகத்தை ஆட்சி செய்கிறார்கள். ஏற்கெனவே உருவாக்கி வைத்துள்ள கட்டமைப்புகளைத் தவிர புதிய  கட்டமைப்புகளைப் பெரிய அளவில் மேம்படுத்தவில்லை எனும்போது நோய் பாதிப்புகளை எவ்வாறு கையாள முடியும்?

தொற்றுநோய்கள் குறித்த ஆராய்ச்சிகள் அதிக அளவில் மேற்கொள்ள வேண்டும். ஆராய்ச்சியில் மிகவும் பின்தங்கி இருக்கிறோம். பெரிய அளவிலான நோய் பாதிப்புகளைச்  சமாளிப்பதற்கான மருத்துவ வசதிகள், கட்டமைப்புகளை மேம்படுத்த வேண்டும். போதுமான மாத்திரைகள் - மருந்துகள் இருப்பு இருக்கின்றனவா, அரசின் சார்பில் விநியோகிக்கப்படும் மாத்திரை - மருந்துகள் சரியான தரத்தில் இருக்கின்றனவா என்பதைக் கண்காணிப்பதற்கு ஒரு தனி அமைப்பு உருவாக்கப்பட வேண்டும்” என்கிறார் அவர்.

- ஜெனி ஃப்ரீடா
படங்கள்: தே.அசோக்குமார்

டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?
டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?

தொகுப்பு: பெ.மதலை ஆரோன்,
இன்ஃபோகிராபிக்ஸ்: எஸ்.ஆரிப் முகம்மது

டெங்கு, பன்றிக்காய்ச்சல் போன்ற நோய்கள் பரவாமல் இருப்பதற்கு என்ன நடவடிக்கைகள் எடுக்கப்படுகின்றன? 2018-ம் ஆண்டில் தொற்றுநோய்களைக் கட்டுப்படுத்துவதில்  என்ன சவால்கள் காணப்பட்டன? பொது சுகாதாரத் துறை இயக்குநர் டாக்டர் குழந்தைசாமி என்ன சொல்கிறார் என்று பார்ப்போம்.

டெங்குக் காய்ச்சலும்... பன்றிக் காய்ச்சலும்! - இனி என்ன செய்ய வேண்டும் நாம்?

“கடந்த ஆண்டு பன்றிக்காய்ச்சலைச் சமாளிப்பது மிகவும் சவாலாக இருந்தது. டெங்கு காய்ச்சல் 2017-ம் ஆண்டைக் காட்டிலும் குறைவாக இருந்தது என்றாலும் சில  இடங்களில் பாதிப்பு அதிகமாகக் காணப்பட்டது. கஜா புயல் பாதிக்கப்பட்ட மாவட்டங்களில் தொற்றுநோய் பாதிப்புகள் ஏதும் ஏற்படாமல் வெற்றிகரமாகத் தடுக்கப்பட்டது. காய்ச்சலால் பாதிக்கப்பட்டு சிகிச்சைப்பெற வருவோருக்கு பிரத்யேகமாகப் புறநோயாளிகள் பிரிவை அமைத்துத் தனிக்கவனம் செலுத்த வேண்டும் என்று தனியார் மருத்துவமனைகளுக்கு அறிவுறுத்தப்பட்டது. கட்டமைப்பு மேம்பாடு இல்லாததால், அதைப் பின்பற்றுவதில் தனியார் மருத்துவமனைகளுக்கும் சில அரசு மருத்துவமனைகளுக்கும் இடையே பிரச்னை இருந்தது. நோய்த்தடுப்புப் பணிகளுக்கு போதுமான நிதியுதவி அளிக்கப்படுகிறது. சுகாதார ஆய்வாளர்கள் உள்ளிட்ட துறை சார்ந்த காலிப் பணியிடங்களை நிரப்பவும் நடவடிக்கை  எடுத்து வருகிறோம். நோய்த் தடுப்பு நடவடிக்கைகளிலும் கவனம் செலுத்தி வருகிறோம். கடந்த ஆண்டுகளில் பிளாஸ்டிக் குப்பைகளால் அதிக அளவு கொசுக்கள் உற்பத்தி  இருந்தது. தற்போது ஒருமுறை பயன்படுத்தப்படும் பிளாஸ்டிக் தடை செய்யப்பட்டுள்ளதால், கொசுக்கள் உற்பத்தி வெகுவாகக் குறையும். இதன் தொடர்ச்சியாகக் கொசுக்களால் பரவும் டெங்கு, சிக்குன்குனியா போன்ற நோய்களும் பெருமளவில் குறைந்துவிடும்” என்றார். இந்தியா போன்ற மக்கள்தொகைப் பெருக்கம் உள்ள நாட்டில் தொற்றுநோய்களை 100 சதவிகிதம் ஒழிக்க முடியுமா என்பது கேள்விக்குறிதான். ஆனால், அதன் பாதிப்புகளை வெகுவாகக் குறைக்க முடியும். அதற்குச் சுகாதாரத்துறை மட்டுமன்றி உள்ளாட்சி நிர்வாகம், உணவுப் பாதுகாப்புத் துறை, நிதித்துறை என அனைத்தும் இணைந்து ஒரே நேர்கோட்டில் செயல்படவேண்டிய கட்டாயம் இப்போது ஏற்பட்டுள்ளது. அதேபோன்று தனிமனித சுகாதாரத்தைப் பேணுதல், சுற்றுப்புறங்களைச் சுத்தமாக  வைத்திருத்தல் ஆகிய இரண்டும் ஒவ்வொரு குடிமகனுக்குமான கடமை என்பதை உணர வேண்டும்! 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism