Published:Updated:

தண்டுவாதம் - தாமதம் தவிர்த்தால் தப்பிக்கலாம்!

தண்டுவாதம் - தாமதம் தவிர்த்தால் தப்பிக்கலாம்!
பிரீமியம் ஸ்டோரி
News
தண்டுவாதம் - தாமதம் தவிர்த்தால் தப்பிக்கலாம்!

பாலாஜி முட நீக்கியல் சிகிச்சை மருத்துவர்ஹெல்த்

நோய் எதிர்ப்பு சக்தி என்பது நோய்களிலிருந்து நம்மைக் காக்கும் என்பதை அறிவோம். ஆனால், அதுவே நோய்கள் ஏற்படவும் காரணமாகலாம் என்றால் நம்ப முடிகிறதா... நோய் எதிர்ப்பு சக்தி காரணமாக உருவாகும் ஒரு நோய், `தண்டுவாதம்’ (Ankylosing Spondylitis). இந்தியாவில் 100-ல் ஒருவருக்குத் தண்டுவாத பாதிப்பு இருக்கிறது. இதுவரை, 50 லட்சத்துக்கும் மேற்பட்டோருக்கு இந்த பாதிப்பு இருப்பது கண்டறியப்பட்டிருக்கிறது. ஆனால், `பெரும்பாலானோர் இதற்கான சரியான சிகிச்சைகளை எடுத்துக்கொள்வதில்லை’ என்கிறார்கள் மருத்துவர்கள். இந்தியாவைப் பொறுத்தவரை இந்த நோய் பற்றிய விழிப்புணர்வு இல்லை என்பதே உண்மை. `தண்டுவாத பாதிப்பு ஏன் ஏற்படுகிறது, அதிலிருந்து நம்மைத் தற்காத்துக்கொள்வது எப்படி?’ முட நீக்கியல் சிகிச்சை மருத்துவர் பாலாஜியிடம் கேட்டோம்.

தண்டுவாதம் - தாமதம் தவிர்த்தால் தப்பிக்கலாம்!

`` ‘ஆட்டோ இம்யூன்’ நோய்கள், நோய் எதிர்ப்பு சக்தியே உடலைத் தாக்குவதால் ஏற்படுபவை. தண்டுவாதம், அந்த வகையைச் சேர்ந்தது.  `HLA B27’ என்னும் மரபணுக்கள்தாம் இதற்குக் காரணம். இந்த மரபணு, பாசிட்டிவ்வாக இருந்தால் இந்த பாதிப்பு ஏற்படும். கீழ் முதுகுத்தண்டில் வலி, கழுத்துவலி போன்றவை இதன் அறிகுறிகள். காலையில் தூங்கி எழுந்ததும், முதுகுத்தண்டு இறுக்கமாகி எந்த வேலையும் செய்ய முடியாமல் போய்விடும். ஆனால், நேரம் செல்லச் செல்ல பாதிப்பு சரியாகிவிடும். குறைந்தபட்சம் ஒரு மணி நேரம் இந்த பாதிப்பு இருக்கும். சாதாரண முதுகுவலி வந்தால், ஓய்வெடுத்தாலே அது சரியாகிவிடும். ஆனால், தண்டுவாத பாதிப்பு ஓய்வாக இருக்கும்போதுதான் அதிகரிக்கும். ஆரம்பத்தில் கண்டறிந்தால் மட்டுமே இதைச் சரிசெய்ய முடியும். பாதிப்பு முற்றியநிலையில் ஒன்றும் செய்ய முடியாது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
தண்டுவாதம் - தாமதம் தவிர்த்தால் தப்பிக்கலாம்!



முதுகுத்தண்டுப் பகுதி முழுமையாக பாதிக்கப்பட்டால், கைகால்களை நீட்டவோ, முதுகை வளைக்கவோ முடியாமல் போய்விடும். நெகிழ்வுத் தன்மை குறைந்து, முதுகுத்தண்டு இரும்புக்கம்பிபோல ஆகிவிடும். தொடர்ந்து கடுமையான முதுகுவலி மற்றும் கழுத்துவலி ஏற்பட்டால், சுய மருத்துவம் செய்யாமல், மூட்டுவலி மருத்துவர்களிடம் சென்று முறையாகப் பரிசோதித்து சிகிச்சை எடுத்துக்கொள்ள வேண்டும். ‘ஆங்கிலோசிஸ் ஸ்பாண்டிலைட்டிஸ்’ எனப்படும் இந்தப் பிரச்னை, பெரும்பாலும் ஆண்களையே பாதிக்கிறது. அதுவும், 40 வயதுக்குட்பட்டவர்களையே அதிகம் தாக்குகிறது.  மாத்திரைகளால் இதை குணப்படுத்த முடியாது. ஊசி மட்டுமே இருக்கிறது. உலகம் முழுவதும் இந்தச் சிகிச்சை முறைதான் பின்பற்றப்படுகிறது. பெரும்பாலும், வாழ்நாள் முழுவதும் சிகிச்சையெடுக்க வேண்டியிருக்கும். 

தண்டுவாதம் - தாமதம் தவிர்த்தால் தப்பிக்கலாம்!

மாரடைப்பு, சர்க்கரைநோய் போன்றவற்றின் மீது இருக்கும் விழிப்புணர்வு, தண்டுவாத பாதிப்பில் இல்லை. பெரும்பாலான மருத்துவர்களுக்கும்கூட இது குறித்த முழுமையான விழிப்புணர்வு கிடையாது. பொது மருத்துவர்கள், முதுகுவலி பாதிப்போடு வரும் நோயாளிகளின் பிரச்னையைக் கண்டறிய முடியாவிட்டால், முட நீக்கியல் பிரிவு மருத்துவருக்குப் பரிந்துரைக்க வேண்டும். வேறு ஏதாவது சிகிச்சையளித்து, நாள்களைக் கடத்தி, முதுகுத்தண்டு முழுமையாக பாதிப்படைந்து, கடைசிக் கட்டத்தில் வந்தால் ஒன்றும் செய்ய முடியாது. எனவே, மருத்துவர்களுக்கும் அதிக விழிப்புணர்வும் அக்கறையும் அவசியம்’’ என்கிறார் பாலாஜி.

- இரா.செந்தில் குமார்