Published:Updated:

வைட்டமின் சீக்ரெட்ஸ்...

ஷைனி சுரேந்திரன், ஸ்போர்ட்ஸ் நியூட்ரிஷியன் மற்றும் டயட்டீஷியன்ஹெல்த்புதிய பகுதி

வைட்டமின் சீக்ரெட்ஸ்...

ஷைனி சுரேந்திரன், ஸ்போர்ட்ஸ் நியூட்ரிஷியன் மற்றும் டயட்டீஷியன்ஹெல்த்புதிய பகுதி

Published:Updated:
வைட்டமின் சீக்ரெட்ஸ்...

ஹெல்த்/சத்துக்கள்... முத்துக்கள்!

நம் உடல் ஆரோக்கியத்துக்கு  உடலுக்குள்  ஏற்படும் வளர்சிதை மாற்றம் மிகவும் அவசியம். உடலில் உள்ள கோடானுகோடி செல்களின் வளர்ச்சிக்கு அடிப்படைத் தேவையான வைட்டமின்கள் பற்றி விரிவாக இந்த குறுந்தொடர் பேசும்.

ஒட்டுமொத்த விகடனுக்கும் ஒரே ஷார்ட்கட்!

பார்வைக்கு வைட்டமின் ஏ வைட்டமின் ஏ என்பது கொழுப்பில் கரையக்கூடிய வைட்டமின். நாம் உண்ணும் உணவுகளில் இருக்கும் வைட்டமின் ஏ சத்து, உடலில் உள்ள கொழுப்புகளால் உறிஞ்சப்பட்டு, கல்லீரலில் சேமித்துவைக்கப்படும். அவை, உடலின் செல்களுக்குத் தேவைப்படும்போது பயன்படுத்தப்படும்.

வைட்டமின் சீக்ரெட்ஸ்...

வைட்டமின் ஏ உடலுக்கு ஏன் தேவை ?

•  உடலில் உள்ள செல்களின் வளர்ச்சிக்கு உறுதுணை புரியும். நோய் எதிர்ப்பு சக்தியை அதிகரிக்கும்.

•  கண்ணில் உள்ள ரெட்டினா பகுதியில் இருக்கும் செல்களுக்கு, ரெட்டினால் என்ற ஊட்டச்சத்து அவசியம். ரெட்டினால் நிறைந்த உணவுகளைச் சாப்பிடும்போது, பார்வை தெளிவடைவதோடு, ரெட்டினாவைப் பாதிக்கும் கண் நோய்கள் வருவதற்கான வாய்ப்புகளும் குறையும்.

•  ரெட்டினொயிக் அமிலம், உடலில் வளர்ச்சிக்கான ஹார்மோன் சீராக சுரக்க உதவுகிறது. வளர்இளம் பருவத்தினருக்கு வைட்டமின் ஏ அவசியம் தேவை.

•  குறைந்த வெளிச்சத்தில் பார்வைத்திறன்  குறையும் பிரச்னையான மாலை கண் நோயில் இருந்து காப்பாற்றும் ஆற்றல், வைட்டமின் ‘ஏ’-க்கு மட்டுமே உண்டு.

•  தோல் பொலிவு அடைவதற்கும், புற்றுநோய் செல்களை வளரவிடாமல் தடுக்கும் ஆன்டிஆக்ஸிடன்ட் உடலுக்குக் கிடைக்கவும் வைட்டமின் ஏ துணை புரிகிறது. மேலும், வளர்சிதை மாற்றத்தை ஒழுங்குபடுத்துகிறது.

வைட்டமின் சீக்ரெட்ஸ்...

எவ்வளவு வைட்டமின் ஏ தேவை?

• ரெட்டினால் மற்றும் பீட்டாகரோட்டின்  ஆகிய வைட்டமின் ஏ சத்துக்கள், நேரடியாக உணவில் இருந்து கிடைக்கின்றன. ஆண்கள், பெண்கள் இருவருக்குமே ஒரு நாளைக்கு சுமார் 2400 மை.கி அளவுக்கு பீட்டாகரோட்டின் தேவை அல்லது 600 மை.கி அளவுக்கு ரெட்டினால் தேவை.

•  பாலூட்டும் தாய்மார்களுக்கு தினமும் 3800 மை.கி  பீட்டாகரோட்டின் தேவை. 

•  காய்கறிகள், பழங்கள், கீரைகள் போன்றவற்றில் பீட்டாகரோட்டின் அதிகமாக இருக்கும்.

•  பால், மீன், முட்டை, வெண்ணெய், சீஸ், ஆடு, மாடு, கோழியின் கல்லீரலில் ரெட்டினால் அதிகம் இருக்கிறது.

•  ஏதேனும் நோய்வாய்ப்பட்டவர்கள், வைட்டமின் ஏ சத்து குறைவால் அவதிப்படுபவர்கள் மருத்துவர் பரிந்துரை பெயரில் வைட்டமின் ஏ மாத்திரைகளைச் சாப்பிடலாம்.

•  ஆரோக்கியமாக இருப்பவர்கள் உணவின் மூலம் வைட்டமின்- ஏ வைப் பெறுவதே சிறந்தது.

வைட்டமின் சீக்ரெட்ஸ்...
வைட்டமின் சீக்ரெட்ஸ்...

வைட்டமின் ஏ அதிகமானால்?

மற்ற வைட்டமின்களைப் போல அல்லாமல் வைட்டமின் ஏ கொழுப்பில் கரைந்து, கல்லீரலில் சேகரிக்கப்படுகிறது.  வைட்டமின் ஏ  நிறைந்த  உணவுகளை ஒருவர் அன்றாடம் சாப்பிட வேண்டிய அளவைத் தாண்டி, அதிகமாக தினமும் உண்டால், உடலில் வைட்டமின் ஏ அதிகமாகி, காய்ச்சல், தலைவலி, பசியின்மை, தூக்கமின்மை, தோல் எரிச்சல், ரத்த சோகை, வாந்தி முதலான பக்கவிளைவுகள் ஏற்படும். எனவே, அளவுடன் சாப்பிட வேண்டும்.

- பு.விவேக் ஆனந்த்,  படம்: தி.கெளதீஸ்

எது வைட்டமின் ஏ?

ரெட்டினால் (Retinol), ரெட்டினல் (Retinal), ரெட்டினொயிக் அமிலம் (Retinoic Acid), பீட்டாகரோட்டின்  ஆகிய சத்துக்களின் வெவ்வேறு வடிவங்கள்தான் வைட்டமின் ஏ.