Published:Updated:

பேசலாம்... பாடலாம்... இசைக்கலாம்! - இனி மூளை அறுவைசிகிச்சையின் போது மகிழ்ந்திருக்கலாம்

பேசலாம்... பாடலாம்... இசைக்கலாம்! - இனி மூளை அறுவைசிகிச்சையின் போது மகிழ்ந்திருக்கலாம்
பிரீமியம் ஸ்டோரி
பேசலாம்... பாடலாம்... இசைக்கலாம்! - இனி மூளை அறுவைசிகிச்சையின் போது மகிழ்ந்திருக்கலாம்

ஹெல்த்

பேசலாம்... பாடலாம்... இசைக்கலாம்! - இனி மூளை அறுவைசிகிச்சையின் போது மகிழ்ந்திருக்கலாம்

ஹெல்த்

Published:Updated:
பேசலாம்... பாடலாம்... இசைக்கலாம்! - இனி மூளை அறுவைசிகிச்சையின் போது மகிழ்ந்திருக்கலாம்
பிரீமியம் ஸ்டோரி
பேசலாம்... பாடலாம்... இசைக்கலாம்! - இனி மூளை அறுவைசிகிச்சையின் போது மகிழ்ந்திருக்கலாம்

“ஒரு வாரத்துல மொத்தம் எத்தனை நாள்கள்?”

“ஏழு.”

“என்னென்னன்னு சொல்றியா?”

“திங்கள், செவ்வாய், புதன், வியாழன், வெள்ளி, சனி, ஞாயிறு.”


“புல்வெளி என்ன கலர்ல இருக்கும்?”

“பச்சை.”

“வானம் என்ன கலர்?”

“நீலம். இப்போதானே டாக்டர் இதையெல்லாம் கேட்டீங்க. மறுபடியுமா?”

பேசலாம்... பாடலாம்... இசைக்கலாம்! - இனி மூளை அறுவைசிகிச்சையின் போது மகிழ்ந்திருக்கலாம்

டாக்டரிடம் புன்முறுவல்.

மருத்துவமனையின் அந்த அறையில், மூளையில் அறுவைசிகிச்சை நிகழும்போதே, அந்தப் பெண், அறுவை சிகிச்சை நிபுணரிடம் உரையாடுகிறார். அதுவும் அவர் ஒரே கேள்வியை வரிசையை மட்டும் மாற்றி மாற்றி மூன்றாவது முறையாகக் கேட்கிறார். விழிப்புநிலையில் மூளையில் அறுவைசிகிச்சை செய்யப்படும்போது, இவ்விதமான உரையாடல்கள் மிகவும் அவசியம்.

“ஒரு டஜன் என்றால் எண்ணிக்கை என்ன?”

“பன்னிரண்டு”

ஒட்டுமொத்த விகடனுக்கும் ஒரே ஷார்ட்கட்!

பேசலாம்... பாடலாம்... இசைக்கலாம்! - இனி மூளை அறுவைசிகிச்சையின் போது மகிழ்ந்திருக்கலாம்



“எதை எல்லாம் வைத்து எழுத முடியும்?”

“பேனா, பென்சில்...”

“ஒரு நாளைக்கு எவ்வளவு மணி நேரம்?”

தாமதம். சில வினாடிகளுக்குப்பின்தான் பதில் வருகிறது.

“இருபத்திநாலு.”

பதில் சொல்ல எடுத்துக்கொண்ட அந்தச் சிறிய இடைவெளி மிகவும் ஆபத்தானது. அப்படியென்றால், மருத்துவர்கள் இடது பெருமூளைப் புறணியைத் (Left Cerebral Cortex) தொட்டுவிட்டார்கள். அதுதான் ஒரு மனிதன் பேசவும் பேசுவதைப் புரிந்துகொள்ளவும் உதவுகிறது. அங்கே சேதம் ஏற்பட்டால், அந்த நோயாளியால் நிரந்தரமாகப் பேச முடியாமல் போய்விடலாம். உடனே மருத்துவர்கள் அந்தப் பகுதியை நெருங்காமல் விட்டுவிடுவார்கள்.

சென்னையில் சில வாரங்களுக்கு முன்பு, தனியார் மருத்துவமனை ஒன்றில், பத்து வயதுப் பெண்ணிற்கு இந்த ‘விழிப்புநிலை மூளை அறுவைசிகிச்சை’ வெற்றிகரமாகச் செய்து முடிக்கப்பட்டது. மருத்துவர், மூளையில் இருக்கும் கட்டியை நீக்கும்போது, இந்தக் குட்டிப் பெண் என்ன செய்துகொண்டிருந்தாள் தெரியுமா? தன் மாமாவின் மொபைல் போனில் கேம்ஸ் ஆடிக் கொண்டிருந்தாள்.

ஏன் இதைச் செய்கிறார்கள்?

இந்த விழிப்புநிலை மூளை அறுவைசிகிச்சை பற்றிக் கேள்விப்படுபவர்கள் முதலில் கேட்கும் கேள்வி, ‘இவ்வளவு ரிஸ்க்கா ஏன் இந்த ஆபரேஷன் பண்றாங்க? மயக்க மருந்து கொடுத்துப் பண்றதுதானே சரியான முறை?

அனஸ்தீசியா தேவையில்லையா?

அப்படியென்றால், அனஸ்தீசியா (Anesthesia) என்று அழைக்கப்படும் மயக்க மருந்து தேவையே இல்லையா என்ற கேள்வி எழலாம். தேவைப்பட்ட இடங்களில் மட்டும் (இங்கே தலை) உணர்ச்சி இல்லாமல் செய்யும் லோக்கல் அனஸ்தீசியா (Local Anesthesia) கொடுக்கப்பட்டு, அறுவை சிகிச்சை செய்யப்படும்.

நரம்பியல் அறுவைசிகிச்சை நிபுணர் பிரித்திகா சாரியிடம் பேசினோம்.

“இந்த வகை அறுவைசிகிச்சை ஆபத்தானது இல்லை. மூளையின் சிக்கலான இடங்களில் கட்டி இருந்தாலோ, அறுவைசிகிச்சை தேவைப்படும் அளவிற்கு ஏதேனும் பாதிப்புகள் இருந்தாலோ விழிப்புநிலை மூளை அறுவை சிகிச்சையே பாதுகாப்பானது.

பேச்சு மற்றும் மொழியைப் புரிந்துகொள்ளும் திறன் ஆகியவற்றைக் கட்டுப்படுத்தும் மூளையின் பகுதியில் அறுவைசிகிச்சை செய்யப்படும் போது, அடுக்கடுக்கான கேள்விகள் கேட்கப்படும். அதே சமயம், மூளையில் உடலின் வலது பக்கத்தைக் கட்டுப்படுத்தும் பகுதியில் சிகிச்சை என்றால், வலது கை மற்றும் கால்களைக் கட்டளைக்கு ஏற்றவாறு அசைத்துக் காட்டச் சொல்வார்கள்.

அதில் ஏதும் சிரமம் ஏற்படுகிறது என்றால், கவனத்துடன் அந்தப் பகுதியைத் தொடாமல் கடந்து விடுவார்கள். இந்தச் சிகிச்சைக்கு வயது தடையில்லை என்றாலும், பேசுவதைப் புரிந்துகொண்டு செயல்படும் முதிர்ச்சி நிச்சயம் தேவை.  அப்படி இல்லாதவர்களுக்கு இதைச் செய்ய மாட்டார்கள்.”

-  ர. சீனிவாசன்

ஆச்சர்ய அறுவைசிகிச்சை

* பல ஆண்டுகளாக இந்த முறை இருந்து வந்தாலும், தற்போது இது குறித்த விழிப்புஉணர்வு சற்று அதிகரித்துள்ளது. தேசிய அளவிலும் உலக அளவிலும் இதன் எண்ணிக்கைக் கூடியுள்ளது.

* இங்கே நோயாளிகள் ஏதாவது ஒரு செயலில் ஈடுபட்டுக்கொண்டே இருப்பதால், மருத்துவர்களுக்கு இந்த விழிப்புநிலை மூளை அறுவைசிகிச்சை மிகவும் உதவியான ஒன்றாகத் தற்போது உருவெடுத்துள்ளது.

* அனஸ்தீசியாவின் பயன்பாடு குறைவு என்பதால், பக்க விளைவுகள் எதுவும் ஏற்படாது.

* அறுவைசிகிச்சை முடிந்து விரைவில் பூரண குணமடைய முடியும். நீண்ட காலம் மருத்துவமனையில் தங்க வேண்டிய அவசியம் இருக்காது.

* நம் மூளைதான் வலிகளை உணரச் செய்கிறது. ஆனால், அறுவை சிகிச்சை செய்யும் இடத்தில் இருக்கும் நியூரான்களுக்கு வலியை உணரும் தன்மை இல்லை. எனவே, நோயாளி விழிப்புநிலையில் இருந்தாலும், துளியும் வலி ஏற்படாது.

இந்த ஆண்டில் நடந்த சில பிரபலமான விழிப்புநிலை மூளை அறுவைசிகிச்சைகள்

ஜூலை 2017: பெங்களூரைச் சேர்ந்த 32 வயது மனிதர் ஒருவர், அறுவைசிகிச்சை நடக்கும்போது, கிடார் வாசித்துக்கொண்டிருந்தார். ஆகஸ்ட் 2017: நியூயார்க் நகரில் 27 வயது இசைக்கலைஞர் ஒருவர் தனக்கு அறுவைசிகிச்சை நடந்தபோது சாக்ஸபோன் வாசித்துக்கொண்டிருந்தார்.

ஆகஸ்ட் 2017: பிரேசில் நாட்டைச் சேர்ந்த 42 வயதுப் பெண்மணி, தனக்கு அறுவைசிகிச்சை நிகழும் போது கடவுள் பாடல்களைப் பாடிக்கொண்டிருந்தார்.

அறிவியல் நிகழ்த்தும் மாயம்

இந்த விழிப்புநிலை மூளை அறுவைசிகிச்சையின் மற்றொரு மிகப்பெரிய பலம், அறுவைசிகிச்சை நிபுணர்களுக்குக் கிடைக்கும் முழுச் சுதந்திரம் மற்றும் சிகிச்சையை முழுமையாகக் கட்டுப்படுத்தும் ஆற்றல். முழுக்க முழுக்க மருத்துவரின் கட்டுப்பாட்டில் நடக்கும் இந்த அறுவைசிகிச்சையில் மருத்துவரின் தேவைக்கேற்ப, இருக்கும் சூழ்நிலைக்கேற்ப நோயாளியை விழிப்புநிலையிலோ அல்லது மயக்க நிலையிலோ மாற்றி மாற்றி இருக்கச் செய்ய முடியும். நவீன மருந்துகள் மற்றும் நுட்பங்களைக்கொண்டு மயக்க நிலையில் இருப்பவரை எழுப்பவும் விழிப்பு நிலையில் இருப்பவரை மயக்க நிலைக்கு அழைத்துச் செல்லவும் குறைந்த கால அவகாசமே தேவைப்படும்.

அறுவைசிகிச்சை முழுவதும் விழித்திருத்தல், அறுவைசிகிச்சைக்கு முன்னும் பின்னும் மயக்க நிலையில் வைத்துவிட்டு, சிகிச்சையின்போது மட்டும் விழிப்பு நிலையில் வைத்திருத்தல் என்று சிகிச்சை மற்றும் பிரச்னையின் தன்மைக்கு ஏற்ப மருத்துவரின் செயல்பாடு இருக்கும்.

நோயாளிக்கு எந்த வகையிலும் வலி ஏற்படாது இருத்தல், முக்கிய அறிகுறிகளை (இதயத் துடிப்பு, சுவாசம், மற்றும் ரத்த அழுத்தம்) கண்ணுங்கருத்துமாகப் பார்த்துக் கொள்ளுதல், சிகிச்சையின்போது நோயாளியைப் பதற்றப்படாமல் பார்த்துக்கொள்ளுதல், ஒரு நண்பனாக பேசிக்கொண்டே இருத்தல் போன்றவை தாம் இங்கே அறுவைசிகிச்சை செய்யும் மருத்துவரின் முக்கியப் பணிகள். இப்படி ஓர் அறுவைசிகிச்சை நடந்ததற்கான அறிகுறியே இல்லாமல் நோயாளிகள் விரைவில் பூரண குணமடைய முடியும். தேவை, சற்று மனோதைரியமும் நம்பிக்கையும்தான்!