Published:Updated:

அல்சைமர் விழிப்பு உணர்வுக்காக ஒரு மாரத்தான் ஓட்டம்!

அல்சைமர் விழிப்பு உணர்வுக்காக ஒரு மாரத்தான் ஓட்டம்!
பிரீமியம் ஸ்டோரி
அல்சைமர் விழிப்பு உணர்வுக்காக ஒரு மாரத்தான் ஓட்டம்!

ஹெல்த்

அல்சைமர் விழிப்பு உணர்வுக்காக ஒரு மாரத்தான் ஓட்டம்!

ஹெல்த்

Published:Updated:
அல்சைமர் விழிப்பு உணர்வுக்காக ஒரு மாரத்தான் ஓட்டம்!
பிரீமியம் ஸ்டோரி
அல்சைமர் விழிப்பு உணர்வுக்காக ஒரு மாரத்தான் ஓட்டம்!

கொஞ்சம் கொஞ்சமாய் மூளையின் செல்களைச்  சிதைத்து, ஞாபகசக்தியைக் குறைத்து, நம்மை நமக்கே மறந்துபோகச் செய்துவிடும் நோய் அல்சைமர். வயதானவர்களை அதிகம் பாதிக்கும் இந்நோயைப் பற்றி 1906-ல் ஜெர்மனியைச் சார்ந்த மருத்துவரான அலோயிஸ் அல்சைமர் உலகுக்கு எடுத்துரைத்தார். இந்த நோய் பாதித்தவர்களால் எதையும் ஞாபகம் வைத்துக்கொள்ள இயலாது.  பழகிய முகங்களைக்கூட மறந்துவிடுவார்கள். முடிவுகள் எடுக்கச் சிரமப்படுவார்கள். இந்தக் கொடிய மறதிநோய் குறித்து விழிப்புஉணர்வு ஏற்படுத்தும் நோக்கில் செப்டம்பர் 21-ம் தேதியை ‘உலக அல்சைமர் விழிப்புஉணர்வு தினமாக’க் கடைப்பிடித்து வருகிறார்கள்.

அல்சைமர் விழிப்பு உணர்வுக்காக ஒரு மாரத்தான் ஓட்டம்!

இந்தத் தினத்தையொட்டி,  செப்டம்பர் 24-ம் தேதி ‘தி பர்ப்பிள் ரன்’ (THE PURPLE RUN) என்ற பெயரில் விழிப்புஉணர்வு மாரத்தான் ஓட்டத்தை விகடன் ஆதரவுடன், தி ஃபோரம் விஜயா மால்  நிறுவனம் நடத்தியது. சென்னை பெசன்ட்நகரில் உள்ள ஆல்காட் நினைவுப் பள்ளியில் தொடங்கிய இந்த மாரத்தானில், ஏராளமானோர் பங்கேற்று ஓடினர்.  போட்டியை, ஃபோரம் விஜயா மால் பொது மேலாளர் உமேஷ் ஐயர், பிரம்மஞான சபையின் (The Theosophical Society) சர்வேதசச் செயலாளர் மார்த்தா ஆகியோர் கொடியசைத்துத் துவக்கி வைத்தனர்.

ஆண்கள், பெண்கள் எனத் தனித்தனியாக ரொக்கப்பரிசு அளிக்கப்பட்டது. 21 கி.மீ. பிரிவில்  முதலிடம் பிடித்தவர்களுக்கு ரூ.70 ஆயிரம், இரண்டாவது இடம் பிடித்தவர்களுக்கு ரூ.60 ஆயிரம், மூன்றாவது இடம் பிடித்தவர்களுக்கு ரூ. 50 ஆயிரம், 10 கி.மீ. பிரிவில் முதலிடம் பிடித்தவர்களுக்கு ரூ. 40 ஆயிரம், இரண்டாவது இடம் பிடித்தவர்களுக்கு ரூ.20 ஆயிரம், மூன்றாவது இடம் பிடித்தவர்களுக்கு ரூ. 10 ஆயிரம் பரிசாக வழங்கப்பட்டது.

இந்த மாரத்தான் குறித்து,  ஃபோரம் விஜயா மால் பொது மேலாளர் உமேஷ் ஐயர் நம்மிடம் பேசினார்.

“தற்போது இந்தியாவில் 40 லட்சம் மக்கள் அல்சைமர் நோயோடு வாழ்ந்து வருகிறார்கள். இந்த எண்ணிக்கை 2030-ல் இரட்டிப்பாகலாம் என்கிறார்கள் நிபுணர்கள். இந்நோய் பாதித்த பலரும் தங்கள் பிள்ளைகளால் கைவிடப்பட்டு முதியோர் இல்லங்களில் கடைசிக் காலத்தைக் கழிக்கின்றனர். பிறரது உதவியின்றிச் செயல்பட முடியாத நிலையில் உள்ள அவர்களைப் பாதுகாக்க வேண்டியது நம் கடமை. இதை அனைவருக்கும் உணர்த்தும் வகையில்தான் இந்த மாரத்தான் நடத்தப்பட்டது. சென்னை மட்டுமின்றி ஃபோரம் விஜயா மால்கள் செயல்படும் பெங்களூரூ, மங்களூர், ஹைதராபாத் ஆகிய நகரங்களிலும் நடத்தப்பட்ட  இந்த மாரத்தானில் சுமார் 10 ஆயிரம் பேர் பங்கேற்றனர்.

பங்கேற்றவர்கள் செலுத்திய பங்களிப்புத் தொகை, பெங்களூரிலுள்ள நேஷனல் இன்ஸ்டிடியூட் ஆப் மென்ட்டல் ஹெல்த் அண்ட் நியூரோ சயின்ஸ் (NIMHANS) நிறுவனத்துக்கு வழங்கப்பட்டுள்ளது. இந்தத் தொகையை அல்சைமர் நோய்க்கான சிகிச்சை மற்றும் ஆராய்ச்சிக்கு அந்நிறுவனம் பயன்படுத்தவுள்ளது” என்றார்.

- ஜி .லட்சுமணன், படம்: பா. காளிமுத்து

ஒட்டுமொத்த விகடனுக்கும் ஒரே ஷார்ட்கட்!