Published:Updated:

தேதி முக்கியம் பெண்களே!

தேதி முக்கியம் பெண்களே!
பிரீமியம் ஸ்டோரி
News
தேதி முக்கியம் பெண்களே!

ஸ்ரீகலா பிரசாத் யூரோகைனகாலஜி நிபுணர்ஹெல்த்

வேலை, குடும்பம், குழந்தைகள் என்று ஓடிக்கொண்டிருக்கும் பெண்களுக்கு, குழந்தைக்குக் கடைசியாகத் தடுப்பூசி போட்ட நாள், கணவர் சென்ற மாதம் வெளியூர் பயணம் சென்ற நாள் என எல்லாம் ஞாபகம் இருக்கும். ஆனால், தனக்குக் கடைசியாக மாதவிடாய் ஏற்பட்ட தேதி நினைவில் இருக்காது. 

தேதி முக்கியம் பெண்களே!

‘‘சீரான கால இடைவெளியில் மாதவிடாய் நிகழ்கிறதா, ஒவ்வொரு மாதவிடாயின்போதும் எத்தனை நாள்கள் உதிரப்போக்கு ஏற்படுகிறது, அதிக ரத்தப்போக்கு நிகழும் நாள்கள் எவை என இப்படி ஒவ்வொரு பெண்ணும் தன் மாதவிடாய் சுழற்சியைக் கவனித்துவருவது முக்கியம். அப்போதுதான் முறையற்ற மாதவிலக்கு, அதிக அல்லது வழக்கத்துக்கு மாறான உதிரப்போக்கு போன்றவை ஏற்பட்டால் அலர்ட்டாகி மருத்துவரைச் சந்திக்கவேண்டியதன் அவசியத்தை உணர முடியும்’’ என்கிறார், சென்னையைச் சேர்ந்த  யூரோகைனகாலஜிஸ்ட்டும்  பேராசிரியருமான ஸ்ரீகலா பிரசாத். 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
தேதி முக்கியம் பெண்களே!



``இந்த டெக் யுகத்தில் மாதவிடாய் சுழற்சியை நினைவூட்ட மற்றும் மானிட்டர் செய்ய நிறைய `ஆப்’கள் உள்ளன. அதற்கான வாய்ப்பற்ற பெண்கள், தங்கள் மாதவிடாய் காலண்டரில் கவனிக்க வேண்டிய விஷயங்கள் குறித்த ஆலோசனைகளும் அவற்றுக்கான வழிமுறைகளும் இங்கே...

பொதுவாக, மாதவிடாய்க்கான கால இடைவெளி 28 நாள்கள். என்றாலும், பெண்ணுக்குப் பெண் இது மாறுபடலாம். 21 நாள்கள் முதல் 35 நாள்கள் வரையிலான இடைவெளியில் நிகழும்போது, அதை நார்மலாகக் கொள்ளலாம்.

சிலருக்கு 45 நாள்கள் இடைவெளியில்கூட மாதவிடாய் நிகழலாம். ஆனால், ஒவ்வொரு மாதமும் அதே 45 நாள்கள் இடைவெளியாக அது இருந்து, ஒவ்வொரு மாதவிடாய் காலத்து உதிரப்போக்கும் சீராக இருக்க வேண்டியது அவசியம். அப்படியில்லாமல், ஒருமுறை மாதவிடாய் உதிரப்போக்கு நார்மலாக இருந்து, அடுத்த 45 நாள்களுக்குப் பிறகு மாதவிடாயின் போது வழக்கத்துக்கு மாறாக அதிகமாக இருந்தால், அது நார்மல் அல்ல என்பதை உணர்ந்து மருத்துவரை நாட வேண்டும்.  

தேதி முக்கியம் பெண்களே!

வீட்டில் ஒரு மாதாந்திர காலண்டரை இதற்கென ஒதுக்கி, அதில் மாதவிடாயின் முதல் நாளை எண், எழுத்து, பேனாவின் வண்ணம் என ஏதாவது ஒரு வகையில் குறிக்கவும்.

அந்த நாளிலிருந்து, மாதவிடாயின் இறுதி நாள்வரை காலண்டரில் வரிசையாகக் குறித்துவரவும்.

இப்படி மாதவிலக்கு ஆன முதல் நாளிலிருந்து, அடுத்த மாதவிலக்கின் முதல்நாள்வரை கணக்கிட்டு, மாதவிடாய்க் கால இடைவெளியைக் கணக்கிடவும்.

ஒவ்வொரு மாதமும், அதே இடைவேளையில் மாதவிடாய் நிகழ்கிறதா என்பதைச் சரிபார்க்கவும்.

ஒவ்வொரு மாதவிடாயின்போதும், உதிரப் போக்கு எத்தனை நாள்கள் வரை நீடிக்கிறது என்பதைக் குறிக்கச் சொன்னதன் காரணம்... எல்லா மாதவிடாயின்போதும் அதே நாள்கள் வரை நீடிக்கிறதா, அல்லது ஒருமுறை மூன்று நாள்கள், ஒருமுறை இரண்டு நாள்கள், ஒருமுறை ஐந்து நாள்கள் என வேறுபடுகிறதா என்பதைக் கவனிப்பதற்காக. ஒருவேளை அப்படி வேறுபாடு இருந்தால், அதுவும் மருத்துவப் பார்வைக்குக் கொண்டுசெல்ல வேண்டிய விஷயம்.

தேதி முக்கியம் பெண்களே!



முதல் நாள் எத்தனை நாப்கின்கள் தேவைப் பட்டன, இரண்டாம் நாள் எத்தனை நாப்கின்கள் தேவைப்பட்டன, ஒவ்வொரு முறை சுழற்சியின் போதும் அதேபோன்றுதான் தேவைப்படுகின் றனவா என்பதையும் குறித்துக்கொள்ளலாம்.


* `அல்ட்ரா தின் நாப்கின்’கள் பயன்படுத்து பவர்களுக்கு, பிறப்புறுப்பில் அரிப்பு, கட்டி போன்ற பிரச்னைகள் ஏற்பட்டால், அடுத்தடுத்த மாதவிடாய் சுழற்சிகளுக்கு நார்மல் அல்லது துணியாலான நாப்கின் பயன்படுத்திப் பார்க்கலாம். ஒருவேளை அந்தப் பிரச்னைகள் நீங்கினால், அல்ட்ரா நாப்கின்களைத் தவிர்த்து, தொடர்ந்து நார்மல்/ துணி நாப்கின்களையே பயன்படுத்தலாம்.

இப்படிப் பெண்கள் தங்களின் மாதவிடாயை, அதில் ஏற்படும் மாற்றங்களைத் தொடர்ந்து கவனித்துவருவது முக்கியம். ஒருவேளை அதில் பிரச்னை என்றால் மகப்பேறு மருத்துவரைச் சந்திக்க வேண்டும் என்ற விழிப்பு உணர்வும், அவரிடம் பிரச்னையை விளக்கும் தெளிவும் அவசியம்.’’

- சு.கவிதா, படம்: ப.பிரியங்கா