Published:Updated:

கம்மல் முதல் ஹீல்ஸ் வரை... ஃபேஷனால் வரும் பிரச்னை!

கம்மல் முதல் ஹீல்ஸ் வரை... ஃபேஷனால் வரும் பிரச்னை!
பிரீமியம் ஸ்டோரி
News
கம்மல் முதல் ஹீல்ஸ் வரை... ஃபேஷனால் வரும் பிரச்னை!

தீபா கணேஷ் மகளிர் மருத்துவர்ஹெல்த்

``ஃபேஷன் என நினைத்து நாம் பயன்படுத்தும் பல பொருள்கள், ஆரோக்கியப் பிரச்னைகளை உண்டாக்கலாம்’’ என்கிறார் மகளிர் மருத்துவர் தீபா கணேஷ். அவர் தந்த அலர்ட் நோட்ஸ் இங்கே...

கம்மல் முதல் ஹீல்ஸ் வரை... ஃபேஷனால் வரும் பிரச்னை!

ஹேண்ட் பேக்: வாட்டர் பாட்டில், லஞ்ச் பாக்ஸ் ஆகியவற்றைத் தாங்கிய, எடை அதிகமான ஹேண்ட் பேக்ஸைப் பயன்படுத்துவதால், கழுத்துவலி, முதுகுவலி மற்றும் தலைவலி ஏற்படுவதற்கான வாய்ப்புகள் அதிகம். மேலும், தசைகளிலும் பாதிப்பு வரலாம்.   

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
கம்மல் முதல் ஹீல்ஸ் வரை... ஃபேஷனால் வரும் பிரச்னை!

பிரேஸியர்: பொதுவாக, காட்டன் பிரேஸியர்களே சருமத்துக்கு நல்லது. எப்போதாவது பார்ட்டிகளின்போது மட்டும் நைலான் பிரேஸியர்களைப் பயன்படுத்தலாம். சிலருக்கு, பிரேஸியரின் எலாஸ்டிக், மார்பகத்தின் அடிப்பகுதியைக் கருமையாக்கிவிடும். அப்படிப் பாதிக்கப்பட்டவர்கள், அந்த ஸ்ட்ராப் லைன் அதிகக் கடினமில்லாத மிருதுத்தன்மையுடன் இருக்கும் பிரேஸியராகத் தேர்ந்தெடுத்து வாங்க வேண்டும். அளவு பொருத்தமில்லாத, சௌகர்யமில்லாத பிரேஸியர்களை அணியும்போது மார்பகத்தில் தொய்வு, தேவையற்ற திசு வளர்ச்சி ஆகியவை ஏற்பட வாய்ப்பிருக்கிறது. பிரேஸியரைச் சரியாகத் துவைத்துப் பயன்படுத்தவில்லை என்றால், மார்பகங்களில் கருமை படர்வது, தோல் உரிவது, சரும வெடிப்பு ஆகியவை ஏற்பட வாய்ப்பிருக்கிறது. அப்படி மார்பகச் சருமம் கருமையாக மாறியவர்கள், ஸ்கின் லைட்டனிங் க்ரீம்களைப் பயன்படுத்தலாம். தோல் உரிவது, சரும வெடிப்பு இருந்தால் மருத்துவரை அணுக வேண்டும்.

கம்மல் முதல் ஹீல்ஸ் வரை... ஃபேஷனால் வரும் பிரச்னை!

அண்டர்வேர்: அண்டர்வேரை நன்றாகத் துவைத்து, வெயிலில் உலர்த்த வேண்டும். சுகாதாரம் சரியாக இல்லாதபோதோ, காட்டன் அல்லாத நைலான் அல்லது ‘தாங்’ (Thong) வகை அண்டர்வேரைப் பயன்படுத்தும்போதோ யூரினரி அல்லது வெஜைனல் இன்ஃபெக்‌ஷன் ஏற்படலாம். 

கம்மல் முதல் ஹீல்ஸ் வரை... ஃபேஷனால் வரும் பிரச்னை!

கம்மல்: ‘ஜிமிக்கி கம்மல்’ ஃபேஷனாக இருந்தாலும், அதிக எடையுடைய கம்மல்களை அணியும்போது காது மடலில் சேதம் ஏற்பட வாய்ப்பிருக்கிறது. ‘சைடு காது’ குத்திக்கொள்ளும்போது, அது கன் ஷாட்டோ, நீடிலோ எதுவாக இருந்தாலும், காது குத்தும்போது ஆன்டிசெப்டிக் க்ரீம்களுடன், பாதுகாப்பாக வைப் சொல்யூஷன்களைப் பயன்படுத்துவதன் மூலம் இன்ஃபெக்‌ஷன்களைத் தடுக்கலாம். காதின் துளையை ஒட்டியுள்ள காது மூடிப் பகுதியில் (tragus) காது குத்திக்கொள்வதோ, காதின் மேலே குத்திக்கொள்வதோ பரிந்துரைக்கக் கூடியது இல்லை. 

கம்மல் முதல் ஹீல்ஸ் வரை... ஃபேஷனால் வரும் பிரச்னை!

ஹீல்ஸ்: ஹீல்ஸ் பயன்படுத்துவதால் கணுக்கால்வலி, முதுகுவலி அல்லது இடுப்புவலி வருவதற்கான வாய்ப்புகள் அதிகம். ஹைபர் எக்ஸ்டென்ஷன் (Hyperextension) எனக்கூடிய, கணுக்கால் பெரிதாவது, சுளுக்கு (sprains), எலும்பு முறிவு, நரம்புத் திசு பெரிதாவதால் வரக்கூடிய நியூரோமாஸ் (Neuromas), கட்டைவிரலும் காலும் சேரும் இடத்தில்  எலும்பில் முறிவு, ஹாமர்டோஸ் (Hammertoes)  எனக்கூடிய கால் விரல்கள் சமமின்மை ஆகிய பிரச்னைகளும் ஏற்படலாம். 

கம்மல் முதல் ஹீல்ஸ் வரை... ஃபேஷனால் வரும் பிரச்னை!

இறுக்கமான பேன்ட்ஸ்: இறுக்கமான பேன்ட்ஸ், லெகிங்ஸ் போன்றவற்றைத் தொடர்ந்து பயன்படுத்தும்போது கால் பகுதி முழுவதற்கும் காற்றோட்டம் தடைப்படும். வெள்ளைப்படுதல் ஏற்பட இதுவும் ஒரு காரணம் ஆகலாம்.  

கம்மல் முதல் ஹீல்ஸ் வரை... ஃபேஷனால் வரும் பிரச்னை!

இறுக்கமான பெல்ட்: இறுக்கமான பெல்ட்டுகளைப் பயன்படுத்துவதால், கால்கள் மரத்துப்போதல், வலி, பெல்ட் கட்டப்பட்டு இருக்கும் இடத்து நரம்பில் பிரச்னை ஆகியவை ஏற்பட வாய்ப்பிருக்கிறது.

- ரமணி மோகனகிருஷ்ணன்