Published:Updated:

டிஜிட்டல் திரை கண்ணை மயக்குதா?

ஒட்டுமொத்த விகடனுக்கும் ஒரே ஷார்ட்கட்

Use App
டிஜிட்டல் திரை கண்ணை மயக்குதா?
டிஜிட்டல் திரை கண்ணை மயக்குதா?

தகவல்

பிரீமியம் ஸ்டோரி

ஸ்மார்ட்போன், டேப்லெட், லேப்டாப், டெஸ்க்டாப் கம்ப்யூட்டர், ஸ்மார்ட் டிவி... இவற்றில் ஒன்றோ, பலவோ நம் வீடுகளில் பயன்படுத்தப்படுகின்றன. இவற்றை நாம் எவ்வளவு நேரம் பயன்படுத்துகிறோம்? நம் குழந்தைகள் எவ்வளவு நேரம் பயன்படுத்துகிறார்கள்? இரண்டுமணி நேரத்துக்கும் அதிகமாக இந்த ஸ்க்ரீன் டைம் இருக்கக் கூடாது என்று எச்சரிக்கை அறிவிப்பு வெளியிட்டிருக்கிறார்கள் ஆக்ஸ்ஃபோர்டு விஞ்ஞானிகள். 2000-ம் ஆண்டுக்குப் பிறகு ஒவ்வோர் ஆண்டும் நாம் டிஜிட்டல் திரைகளைப் பார்ப்பது அதிகரித்துக்கொண்டே வந்துள்ளது. 2000-ம் ஆண்டில் நாம் டிவி பார்த்ததைவிடவும், இப்போது சராசரியாக முன்பைவிட பத்து நிமிடங்கள் குறைவாகவே பார்க்கிறோம். ஆனால், மொபைல், டேப் போன்ற டிஜிட்டல் ஸ்கிரீன் கேட்ஜெட்ஸைப் பயன்படுத்தும் நேரம் மேலும் 40 நிமிடங்கள் அதிகரித்திருக்கிறது. குறிப்பாக, இந்தக் கணக்கீடு பெரியவர்களைவிட குழந்தைகளுக்கு அதிக அளவில் பொருந்துகிறது.  

டிஜிட்டல் திரை கண்ணை மயக்குதா?

பொதுவாக இந்தச் சாதனங்களில் இருந்து ப்ளூலைட் எனப்படும் நீல ஒளி வெளிப்படுகிறது. இதில் நம் கருவிழியைப் பாதிக்கும் வாய்ப்புகள் இருக்கின்றன. இது மட்டுமல்ல... இதுபோன்ற டிஜிட்டல் திரைகளை அதிக நேரம் பார்க்கும் குழந்தைகளுக்கு அறிவாற்றல் தொடர்பான பிரச்னைகள், மனம் மற்றும் உடல் ரீதியான குறைபாடுகள், சமூக ரீதியான தொடர்புகளில் சிக்கல்கள் ஏற்படும் என எச்சரிக்கிறார்கள் நிபுணர்கள். ஸ்க்ரீன் டைம் பார்வையிடுவது அதிகரிக்கும்போது தூக்கம் இயல்பாகவே குறைகிறது. முறையான உணவுப் பழக்கத்தில் குழப்பம் ஏற்படும். நொறுக்குத்தீனி உட்கொள்வது அதிகரிக்கிறது. இதைத் தொடர்ந்து பருமன், நீரிழிவுக் குறைபாடு, இதயப் பிரச்னைகள் போன்றவை ஏற்படும் அபாயமும் அதிகரிக்கிறது. 

டிஜிட்டல் திரை கண்ணை மயக்குதா?

இனி விடாது டிஜிட்டல்... என்ன செய்யப் போகிறோம்? சுயக் கட்டுப்பாடு மட்டுமே ஒரே வழி!

- ஸ்நேகா பாரதி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு