Published:Updated:

எது சரிவிகிதம்?

எது சரிவிகிதம்?
பிரீமியம் ஸ்டோரி
எது சரிவிகிதம்?

Health ஸ்பெஷல்!

எது சரிவிகிதம்?

Health ஸ்பெஷல்!

Published:Updated:
எது சரிவிகிதம்?
பிரீமியம் ஸ்டோரி
எது சரிவிகிதம்?

`பேலன்ஸ்டு டயட் இருக்கேன். காலைக்கும் சேர்த்து மதியம் சாப்பிடுவேன். வெயிட் போடுறதுக்கு கார்போஹைட்ரேட், கொழுப்புச்சத்து அதிகமா உள்ள சாப்பாடுதான் காரணம்னு சொன்னாங்க. அதனால இனி நோ ரைஸ், நோ ஸ்நாக்ஸ்!’ என்றெல்லாம் சிலர் சொல்லிக்கொண்டிருக்கிறார்கள். ஆனால், “இவை எல்லாமே மூடநம்பிக்கை” என்கிறார்கள் உணவியல் நிபுணர்கள். 

எது சரிவிகிதம்?

சரிவிகித உணவுதான் ஒருவரது ஆரோக்கியத்தை மேம்படுத்தும். ஆனால், இன்றைய இளம் தலைமுறை மத்தியில் ‘சரிவிகித உணவு’ பற்றிய புரிந்துணர்வு கிடையாது. 

“உடலின் செயல்பாடுகள் யாவும், அதற்குக் கிடைக்கும் சத்துகளை அடிப்படையாகக் கொண்டே இருக்கும். சரிவிகித ஊட்டச்சத்து கிடைத்தால், அதற்கேற்றபடி ஆரோக்கியமாகவும் வேகமாகவும் உடல் இயங்கும்” என்கிறார் ஊட்டச்சத்து நிபுணர் கற்பகம் வினோத்.

“சரிவிகித உணவில் கார்போஹைட்ரேட், புரதம் மற்றும் கொழுப்புச்சத்து மூன்றும் இருக்க வேண்டும், கார்போஹைட்ரேட்  உடலில் ஆற்றல் அதிகரிக்க உதவும். தானியங்கள், அரிசி வகைகளில் கார்போஹைட்ரேட் அதிகளவு உள்ளது. புரதம் திசுக்களின் வளர்ச்சிக்கும் அதன் மறுசீரமைப்புக்கும் உதவும். மீன், முட்டை, இறைச்சி, பால் சார்ந்த பொருள்களில் புரதம் அதிகமிருக்கிறது. கொழுப்பு உடலைச் சுறுசுறுப்பாகச் செயல்படவைக்கும். எண்ணெய், நட்ஸ் போன்ற பொருள்களில் கொழுப்பு அதிகம். தாதுச்சத்து, வைட்டமின், நார்ச்சத்து ஆகியவற்றை தேவையான அளவு எடுத்துக்கொண்டால் போதுமானது.

சரிவிகித உணவில் கண்டிப்பாக இருக்க வேண்டியவை...

எது சரிவிகிதம்?

பழங்கள், காய்கறிகள் கட்டாயம் இருக்க வேண்டும். அந்தந்தப் பருவத்தில், அந்தந்தப் பகுதியில் அதிகம் விளையும் பழங்கள், காய்கறிகளாக அவை இருக்க வேண்டும். இவை, உடலுக்குத் தேவையான ஊட்டச்சத்துகளைத் தருவதோடு பருவ மாற்றங்களால் வரும் நோய் பாதிப்புகள், நோய்த்தொற்றுகளில் இருந்தும் பாதுகாக்கும்.

கார்போஹைட்ரேட், புரதம், கொழுப்புச்சத்து மூன்றும் அன்றாட உணவில் கண்டிப்பாக இடம் பெறவேண்டும்.

தினமும் இரண்டு முதல் மூன்று லிட்டர் வரை தண்ணீர் குடிப்பது அவசியம்.

எது சரிவிகிதம்?

உடலில் ஏற்கெனவே நோய் பாதிப்பு இருந்தால், மருத்துவ ஆலோசனைப்படி உணவுமுறையை அமைத்துக்கொள்ள வேண்டும்...”  என்கிறார் கற்பகம் வினோத்.

சரிவிகித உணவின் நன்மைகள்!

உடலில் கெட்ட கொழுப்புகள் குறைந்து, உடல் எடை கட்டுக்குள் இருக்கும்.

நோய் எதிர்ப்புச் சக்தி அதிகரிக்கும் என்பதால், தொற்று பாதிப்புகள் தடுக்கப்படும்.

ஆற்றல் சீராகச் செயல்படுவதால், சுறுசுறுப்பாக இருக்கலாம். சோர்வு, உடல் அசதி போன்ற பிரச்னைகள் இருக்காது. உடல் இயக்கம் சீராக இருக்கும்.

தூக்கமின்மை பிரச்னை சரியாகும். நோய் பாதிப்புகள், தொற்று, சோர்வு ஏற்படாது.

`வாழ்க்கைமுறை மாற்றம் காரணமாக ஏற்படும் லைஃப்ஸ்டைல் டிஸ் ஆர்டர்’ (LifeStyle Disorder) போன்ற பிரச்னைகள் தடுக்கப்படும். 

எது சரிவிகிதம்?

உடல் எடையைக் குறைப்பதற்காகச் சிலர் பின்பற்றும் வேறு சில டயட் முறைகள், குறிப்பிட்ட பலன்களை மட்டுமே கொடுக்கும். உதாரணமாக உடல் எடையைக் குறைக்க, தசையை வலுப்படுத்த, கட்டுடல் பெற என்று பலனை எதிர்பார்த்தே அந்த டயட் முறைகளைப் பின்பற்றுவார்கள். தங்களது நோக்கம் நிறைவேறியதும் இதுவரை அவர்கள் பின்பற்றிய  பயிற்சி முறை மற்றும் உணவுமுறைகளை மாற்றிக்கொள்ள வேண்டிய சூழல் உருவாகலாம். ஆனால், `பேலன்ஸ்டு டயட்’ எனப்படும் சரிவிகித உணவுமுறை உடலுக்கு ஆரோக்கியம் அளிப்பதுடன் நோய் பாதிப்புகள் ஏற்படாமலிருக்கவும் உதவும். ‘பேலன்ஸ்டு டயட்’ முறையைப் பின்பற்றுபவர்கள் அதுகுறித்து முழுமையாகத் தெரிந்துகொண்டே  தொடங்க வேண்டும். ஊட்டச்சத்து நிபுணர் ஆலோசனையுடன், ‘தங்களின் உடல் அமைப்புக்கு எந்த சத்து அதிகம் தேவைப்படுகிறது’, ‘எந்தெந்த சத்துகள் குறைவாக உட்கொள்ள வேண்டியவை’, ‘எந்தெந்த சத்துகளை முழுமையாகத் தவிர்க்க வேண்டும் என்று தெரிந்துகொண்டு செயல்பட வேண்டும்.

ஜெ.நிவேதா

எது சரிவிகிதம்?

பேலன்ஸ்டு டயட்- மேலும் சில ஆலோசனைகள்

- மூத்த உணவியல் நிபுணர், தாரிணி கிருஷ்ணன்


``முழு தானிய உணவு வகைகள், வைட்டமின், தாதுச்சத்துகள் நிறைந்த காய்கறிகள் அதிகம் சாப்பிடவும். கொழுப்புச்சத்து, எண்ணெய்ப் பொருள்கள், சர்க்கரை, உப்பு நிறைந்த பொருள்களைக் குறைவாக உட்கொள்ளவும்.

`பேலன்ஸ்டு டயட்’ முறையைப் பின்பற்றுபவர்கள் தினமும் மூன்றுமுறை தானிய வகைகள், இரண்டுமுறை புரத உணவுகள், ஒருமுறை பழ வகைகள், ஒருமுறை பால் சார்ந்த பொருள்கள், மூன்றுமுறை காய்கறிகளைக் கட்டாயம் உட்கொள்ளவேண்டும்.

பருப்பு வகைகள், இறைச்சி, முட்டை, மீன், தானியங்கள், அரிசி, கோதுமை, சிறுதானியங்கள், ஒமேகா 3 கொழுப்புச்சத்து (Omega-3 fatty acids) நிறைந்த வால்நட், பழங்கள் மற்றும் பால் சார்ந்த பொருள்களை உணவில் கட்டாயம் சேர்த்துக்கொள்ளவும்.

வளர்சிதை மாற்றங்கள், நரம்பு மற்றும் தசை செயல்பாடுகளுக்கு உதவும் வைட்டமின் மற்றும் தாதுப்பொருள்களைச் சேர்த்துக்கொள்ளவும்.

உடலுக்குத் தேவையான உழைப்பைக் கொடுப்பது அவசியம். `டயட் சார்ட்’ ஒன்றைத் தயாரித்து, அதைப் பின்பற்றவும். ஆனால், ஊட்டச்சத்து நிபுணரின் ஆலோசனை பெறாமல், `டயட் சார்ட்’ தயாரிக்கக் கூடாது.”