Published:Updated:

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

வெயிலை விரட்டலாம்... உடலை உறுதியாக்கலாம்... தண்ணீரே மருந்து!
பிரீமியம் ஸ்டோரி
வெயிலை விரட்டலாம்... உடலை உறுதியாக்கலாம்... தண்ணீரே மருந்து!

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

Published:Updated:
வெயிலை விரட்டலாம்... உடலை உறுதியாக்கலாம்... தண்ணீரே மருந்து!
பிரீமியம் ஸ்டோரி
வெயிலை விரட்டலாம்... உடலை உறுதியாக்கலாம்... தண்ணீரே மருந்து!
வெயிலை விரட்டலாம்... உடலை உறுதியாக்கலாம்... தண்ணீரே மருந்து!

வெயில் சுட்டெரிக்கிறது; வியர்வை அதிகமாக வெளியேறுகிறது; கொஞ்ச தூரம் நடந்தாலே உடல் சோர்ந்துவிடுகிறது. கோடை ஏற்படுத்தும் இப்படியான எல்லா விளைவுகளுக்கும் தீர்வு, தண்ணீர்தான். வழக்கமாக நாம் அருந்தும் நீரைவிட, கோடைக்காலத்தில் அதிகமாக அருந்த வேண்டும். அது மட்டுமல்ல, இப்போது நாம் அருந்தும் தண்ணீரை, சற்று மதிப்பூட்டி அருந்தினால் அது அருமருந்தாகவும் மாறும். கோடைக்கு மட்டுமல்ல, உடலின் பல்வேறு பிரச்னைகளுக்கும் தீர்வுதரும் குடிநீர் வகைகள் பற்றி விரிவாகப் பார்க்கலாம்.  

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

ஒட்டுமொத்த விகடனுக்கும் ஒரே ஷார்ட்கட்!

வெயிலை விரட்டலாம்... உடலை உறுதியாக்கலாம்... தண்ணீரே மருந்து!
வெயிலை விரட்டலாம்... உடலை உறுதியாக்கலாம்... தண்ணீரே மருந்து!

மண்பானைக் குடிநீர்

வீதிக்கு வீதி மண்பானை விற்கிறார்கள். அதை வாங்கிக்கொள்ளுங்கள். கீழே கொஞ்சம் மணலைக் குவித்துவைத்து, அதன் மேல் பானையை வைத்து தண்ணீர் ஊற்றி மூடிவைத்துவிட்டால், அடுத்த இரண்டு மணி  நேரத்தில் 'குளு குளு' தண்ணீர் ரெடி. மண்பானை நீர் உடலைக் குளிர்ச்சியடையச் செய்யும். தேற்றான்கொட்டையை சுத்தமான பருத்தித்துணியில் கட்டி, பானையின் உள்ளே போட்டால் கிருமிகள் அழிக்கப்பட்டு நீர் சுத்திகரிக்கப்படும். (வாரம் ஒருமுறை தேற்றான்கொட்டைகளை மாற்ற வேண்டும்.) வெட்டிவேர் அல்லது எலுமிச்சைப் பழத்தை மண்பானை நீரில் போட்டுவைத்தால், நீர் மேலும் குளிர்ச்சியடையும். இந்த நீரைக் குடித்தால், உடல் சூடு தணியும்; வயிறும் சுத்தமாகும். அடிவயிற்றுவலி,  நீர்ச்சுருக்கு, மலச்சிக்கல் உள்ளிட்ட பல்வேறு பிரச்னைகளுக்கு இது தீர்வுதரும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

வெட்டி வேர் ஊறல் நீர்

வெட்டிவேர், நாட்டு மருந்துக்கடைகளில் கிடைக்கும்.  இந்த வேரைச் சுத்தம் செய்து, உலர்த்திப் பொடியாக்கி, அதனுடன் பெருஞ்சீரகப் பொடி சேர்த்து, தண்ணீரில் போட்டு மூன்று மணி நேரம் ஊறவைத்து, வடிகட்டி வைத்துக்கொள்ளுங்கள். இந்தத் தண்ணீரை காலையில் வெறும் வயிற்றில் குடித்தால், உடல் குளிர்ச்சியடையும். கண் எரிச்சல், அதிக தாகம், உடல் எரிச்சல், நீர்க்கடுப்பு, வயிற்றுக்கடுப்பு, நாக்கு வறட்சி ஆகியவை சரியாகும்; உடல் சூடும் தணியும். கோடைக்காலத்தில் வெட்டிவேர் ஊறிய நீர் அருந்துவது அதிக தாகம் மற்றும் உடல் சூடு தொடர்பான பிரச்னைகளுக்குத் தீர்வு தரும். காய்ச்சல் மற்றும் வயிற்று நோய்களும் கட்டுப்படும். சளித் தொந்தரவு ஏற்படாது. வாந்தி, பேதிக்கும் இது மருந்து.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

நன்னாரி ஊறல் நீர்

மண்பானையில் நீர் நிரப்பி, நன்னாரி வேரைப் போட்டு எட்டு மணி நேரம் ஊறவைக்க வேண்டும். பிறகு வடிகட்டி, பாத்திரங்களில் நிரப்பி வைத்துக்கொள்ளலாம். தாகமெடுக்கும்போது சிறிதளவு எலுமிச்சைச் சாறு, தேன் சேர்த்துக் குடிக்கலாம். சப்ஜா விதை, நாட்டுச்சர்க்கரை சேர்த்தும் அருந்தலாம். நீர்க்கடுப்புக்கு இது நல்ல மருந்து. தொடர்ந்து இந்த நீரை அருந்தினால், உடலில் ஏற்படும் வியர்வை நாற்றம் நீங்கும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

நன்னாரி ஊறல் நீர்

நன்னாரி வேரை தேவையான அளவு எடுத்து இடித்துப் பொடியாக்கி, நீர் ஊற்றிக் கொதிக்க வைக்க வேண்டும். சூடு ஆறியதும், வடிகட்டிய நீருடன் எலுமிச்சைச் சாறு, பனைவெல்லம் அல்லது நாட்டுச்சர்க்கரை சேர்த்து அருந்தலாம். உடலுக்குக் கேடு விளைவிக்காத இயற்கை சர்பத் இது. இந்த நன்னாரி  சர்பத், உடலில் வியர்வையை அதிகரிக்கச் செய்யும்; ரத்தத்தையும் சுத்திகரிக்கும். கோடைக்காலத்தில் தினமும் இதை அருந்தினால் உடல் சூடு தணியும்; தாகமும் கட்டுப்படும். ஒற்றைத் தலைவலி, செரிமானக் கோளாறு, வாதநோய், பித்தக் கோளாறுகள், சருமப் பிரச்னைகள் கட்டுப்படும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

வில்வ இலை ஊறல் நீர்

ஆறு வில்வ இலைகளை ஒரு சொம்பு நீரில் ஊறவைக்க வேண்டும். ஊறிய நீரை வடிகட்டி, காலையில் வெறும் வயிற்றில் குடிக்க வேண்டும். இதை தினந்தோறும் குடித்துவந்தால், நரம்புகள் வலுப்பெறும்; உடல் குளிர்ச்சி அடையும். தீராத வயிற்றுவலியால் அவதிப்படுபவர்கள் கைப்பிடி அளவு வில்வ இலையை நீரில் ஊறவைத்து, எட்டு மணி நேரம் கழித்து அருந்தினால் பலன் கிடைக்கும். வாதவலிகளும் சரியாகும்.  உடல்நலம் சீராகும். சர்க்கரை நோயாளிகள் இந்த நீரை அருந்தினால் நோய் கட்டுக்குள் இருக்கும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

வெந்தய ஊறல் நீர்

இரவு வெந்தயத்தை ஊறவைத்து, மறுநாள் காலை நீரை மட்டும் வடிகட்டி, வெறும் வயிற்றில் குடிக்க வேண்டும். ஒரு கப் நீரில் ஒரு டீஸ்பூன் வெந்தயத்தைப் போட்டு ஐந்து நிமிடங்கள் கொதிக்கவைத்து இறக்கி, சூடு ஆறியதும் தேன் சேர்த்து தினமும் இரு முறை குடிக்கலாம். இதைத் தொடர்ந்து குடித்துவந்தால், ரத்தக்குழாய்கள் சுத்திகரிக்கப்படும்; இதயம் மற்றும் மூளை தொடர்பான பிரச்னைகள் சரியாகும். சர்க்கரை நோயாளிகள் இந்த நீரை அருந்திவந்தால், நோய் கட்டுக்குள் இருக்கும். உடல் சூட்டைத் தணிக்கவும், சூட்டினால் உண்டாகும் அடிவயிற்றுவலியைப் போக்கவும் வெந்தய ஊறல் நீர் நல்லது.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

தேற்றான்கொட்டை ஊறல் நீர்

வெயிலை விரட்டலாம்... உடலை உறுதியாக்கலாம்... தண்ணீரே மருந்து!



ஊருணி, குளம் போன்ற நீர்நிலைகளில் எடுக்கப்படும் தண்ணீரைத் தெளியவைக்க தேற்றான்கொட்டையைப் பயன்படுத்துவது வழக்கம். எந்த நீராக இருந்தாலும், அதில் தேற்றான்கொட்டையைப் போட்டு எட்டு மணி நேரம் கழித்து அந்த நீரை வடிகட்டிப் பருகலாம். இது, நீரிலுள்ள மாசை அகற்றுவதுடன் உடலுக்குக் குளிர்ச்சியையும் தரும். சிறுநீர்ப் பிரச்னைகள், வயிற்றுப்போக்கு குணமாகும். இந்த நீரைக்கொண்டு கண்களைக் கழுவினால், `மெட்ராஸ் ஐ' போன்ற கண் நோய்கள் குணமாகும். தேற்றான்கொட்டை ஊறிய நீரைத் தொடர்ந்து அருந்திவந்தால் மெலிந்த உடல் பலம்பெறும். உடலைத் தேற்றுவதால்தான் இதற்கு `தேற்றான்கொட்டை' என்ற பெயர் வந்தது.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

நெல்லிக்காய் ஊறல் நீர்

நாட்டுமருந்துக் கடைகளில் நெல்லி வற்றல் கிடைக்கும். மொத்தமாக வாங்கிவைத்துக்கொண்டு, தினமும் இரவு 10 வற்றலை இரண்டு டம்ளர் நீர் ஊற்றி ஊறவைக்க வேண்டும். காலையில் எழுந்ததும் நன்றாகக் கலக்கி வடிகட்டிக் குடிக்கலாம். இந்த நீரைத் தொடர்ந்து அருந்திவந்தால் பார்வைக்கோளாறுகள் நீங்கும்; தலையில் நரைமுடி பரவுவது தடுக்கப்படும்; முடி வளர்ச்சியும் அதிகரிக்கும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

நெல்லிக்காய் ஊறல் நீர்

நெல்லிக்காயில் வைட்டமின் சி, கால்சியம், புரதம் உள்ளிட்ட ஏராளமான சத்துகள் நிறைந்துள்ளன. உடலைக் குளிர்ச்சியாக்கும் தன்மை நெல்லிக்காய்க்கு உண்டு. கோடைக்காலத்தில் நெல்லிக்காய் ஜூஸ் அருந்துவது நல்லது. நெல்லிக்காயுடன் கறிவேப்பிலை, இஞ்சி சேர்த்து அரைத்து, நீர்விட்டு வடிகட்டி, எலுமிச்சைச் சாறு, தேன் அல்லது சர்க்கரை சேர்த்து அருந்தலாம். நெல்லிக்காய் உடலிலுள்ள புரதத்தின் அளவை அதிகரித்து, கொழுப்பைக் குறைத்து, உடல் பருமனைத் தடுக்கும். உடல் எடை குறைக்க விரும்புபவர்கள் தினமும் காலை வெறும் வயிற்றில் நெல்லிக்காய் ஜூஸ் அருந்தலாம். 

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

நெல்லிக்காய் ஊறல் நீர்

மூன்று நெல்லிக்காய்களின் விதைகளை நீக்கி, ஒரு டம்ளர் நீரில் கொதிக்கவைக்கவும். நன்றாகக் கொதிவந்ததும், அதனுடன் இரண்டு கிராம்பு, மூன்று ஏலக்காய், ஐந்து மிளகு, மஞ்சள்தூள் இரண்டு சிட்டிகை சேர்த்து மீண்டும் ஒரு கொதிவந்ததும் இறக்க வேண்டும். அதை வடிகட்டி இரண்டு டீஸ்பூன் தேன், தேவையான அளவு கற்கண்டு சேர்த்துப் பருகலாம். நெல்லிக்காயில் ஆன்டிஆக்ஸிடன்ட் அதிகம் இருப்பதால் நோய் எதிர்ப்பு சக்தி அதிகரிக்கும்; பித்தம் தணியும். நச்சுகளை வெளியேற்றி உடலையும் ரத்தத்தையும் சுத்தம் செய்யும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

செம்பருத்தி நீர்

பொடுகு, முடி வளர்ச்சி போன்ற பிரச்னைகளுக்குத் தீர்வு தருவதுடன், மாதவிடாய்க் கோளாறுகளையும் சரிசெய்யக்கூடியது, செம்பருத்திப் பூ. செம்பருத்திப் பூ இதழ்களுடன் நெல்லிக்காய், இஞ்சி சிறு துண்டு, கறிவேப்பிலை சேர்த்து அரைத்து, நீர்விட்டு வடிகட்டி, அதனுடன் எலுமிச்சைச் சாறு, தேன் அல்லது நாட்டுச்சர்க்கரை சேர்த்து அருந்தலாம். உடல் குளிர்ச்சி அடையும். நீர்ச்சுருக்கு நீங்கும்; சிரமமின்றி சிறுநீர் வெளியாகும். உடலிலுள்ள நச்சுகளும் வெளியேறும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

செம்பருத்தி நீர்

இதைத் தொடர்ந்து அருந்துவதால் சருமம் பளபளப்பாவதுடன் நோய் எதிர்ப்பு சக்தியும் மேம்படும்.  ரத்த அழுத்தம் சீராகும்; இதயம் பலப்படும். ஐந்து செம்பருத்திப் பூக்களின் இதழ்களை எடுத்து, இரண்டு ஏலக்காய், ஐந்து மிளகு, இரண்டு கிராம்பை தூளாக்கிச் சேர்த்து, நீர்விட்டுக் கொதிக்கவைக்க வேண்டும். இதை வடிகட்டி பால், கற்கண்டு சேர்த்துப் பருகலாம்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

கொய்யா இலை ஊறல் நீர்

கொய்யா இலைகளை நீர்விட்டுக் கொதிக்கவைத்துக் குடிப்பதால் கிடைக்கும் பலன்கள் ஏராளம். ஐந்து கொய்யா இலைகளுடன் அரை டீஸ்பூன் சீரகம் சேர்த்துக் கொதிக்கவைத்துப் பருகினால், உடனடியாக வயிற்று உப்புசம் குறைந்து உணவு செரிமானமாகும். வயிற்றுக்குக் கேடு விளைவிக்கும் பாக்டீரியா நீங்கி, வயிறு ஆரோக்கியமாக இருக்கும். உணவு ஒவ்வாமையால் ஏற்படும் பாதிப்புகள் சரியாகும். சர்க்கரை நோயாளிகள் தொடர்ந்து சாப்பிடுவதால் சர்க்கரைநோய் கட்டுக்குள் இருக்கும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

கொய்யா இலை ஊறல் நீர்

வெயிலை விரட்டலாம்... உடலை உறுதியாக்கலாம்... தண்ணீரே மருந்து!



இரண்டு கொய்யா இலைகளை எடுத்து, நீர்விட்டுக் கொதிக்கவைத்து, வடிகட்ட வேண்டும். அதனுடன் தேன் சேர்த்து, வெதுவெதுப்பான சூட்டில் தினமும் காலையில் வெறும் வயிற்றில் குடித்துவந்தால், கெட்ட கொழுப்பு கரையும்; தொப்பை குறையும். பெண்களுக்கு மாதவிடாயின்போது வெளியாகும் அதிக ரத்தப்போக்கு சரியாகும்; தைராய்டு சுரப்பும் சமநிலைப்படும். ஆண்கள் அருந்திவந்தால், தாம்பத்யக் குறைபாடுகள் நீங்கும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

மருதம் பட்டை ஊறல் நீர்

மருதம் பட்டை நாட்டுமருந்துக் கடைகளில் கிடைக்கும். அவற்றை வாங்கி, இரவில் நீரில் ஊறவைக்க வேண்டும். காலையில் எழுந்ததும், அந்த நீரை வடிகட்டிப் பருகிவந்தால் இதயம் வலுப்பெறும். மனஅழுத்தம் காரணமாக ஏற்படும் நோய்களையும் இது தடுக்கும்.  தூக்கமின்மை பிரச்னைக்குத் தீர்வுதரும். சர்க்கரைநோய் கட்டுப்படும். குடல் தொடர்பான நோய்களுக்கும் இது சிறந்த மருந்து. மருதம் பட்டையுடன் மாவிலங்குப் பட்டையைச் சேர்த்துப் பொடியாக்கி, வெதுவெதுப்பான நீரில் கலந்து அருந்துவதால், ரத்தத்திலுள்ள கொழுப்பு குறையும்; ரத்த அழுத்தம், இதயம் தொடர்பான நோய்கள் சரியாகும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

வெண்டைக்காய் ஊறல் நீர்

பிஞ்சு வெண்டைக்காய்களைச் சிறிதாக நறுக்கி, நீரில் ஊறவைத்து வடிகட்டி, அந்த நீரை மட்டும் பருகலாம். இது கோடைக்காலத்தில் ஏற்படும் நீரிழப்பைத் தடுக்கும்; உடலையும் குளிர்ச்சியாக வைத்திருக்க உதவும். வெண்டைக்காயில் நார்ச்சத்து நிறைந்திருப்பதால், குடலியக்கம் சீராகி மலச்சிக்கல் ஏற்படாமல் தடுக்கும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

வெண்டைக்காய் ஊறல் நீர்

வெண்டைக்காயின் விதைகளை பார்லி அரிசி சேர்த்துக் காய்ச்சி, மூன்று நாள்கள் அருந்திவந்தால் சிறுநீர் கழிக்கும்போது ஏற்படும் எரிச்சல் சரியாகும். தொடர்ந்து அருந்திவந்தால் சுவாசக் கோளாறு, ஆஸ்துமா, காய்ச்சல், சளித்தொந்தரவு போன்றவை சரியாகும். எலும்புகளை வலிமைப்படுத்துவதால் `ஆஸ்டியோபோரோசிஸ்' பிரச்னை வராமல் தடுக்கும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

ஆவாரம்பூ கொதிநீர்

`ஆவாரை பூத்திருக்கச் சாவாரைக் கண்டதுண்டோ...' என்றொரு பழமொழி உண்டு. ஆவாரையில் நிறைய மருத்துவப் பலன்கள் உள்ளன. ஆவாரம் பூவை ஃபிரெஷ்ஷாகவோ, நிழலில் உலர்த்தியோ பயன்படுத்தலாம். இதை, காலை அல்லது மாலை வேளைகளில் 200 மி.லி நீரில் போட்டுக் காய்ச்சி, பனைவெல்லம் அல்லது நாட்டுச்சர்க்கரை சேர்த்து அருந்தலாம். மண் பாத்திரத்தில் நீர் ஊற்றி, ஆவாரம்பூக்களைப் போட்டு, சிறிது நேரம் ஊறவைக்க வேண்டும். இதைக் கொதிக்கவைத்து நீர் வற்றியதும் பருகினால் ஆணுறுப்பில் ஏற்படும் எரிச்சல், சிறுநீர் தொடர்பான நோய்கள், வெள்ளைப்படுதல் போன்றவை சரியாகும். கணையத்துக்குப் பாதுகாப்பு அளித்து, சர்க்கரைநோயின் தீவிரத்தைக் குறைக்க இது உதவும். பசும்பாலில் ஆவாரம்பூ இதழ்களைப் போட்டுக் கொதிக்கவைத்து வடிகட்டி, சர்க்கரை சேர்த்துக் குடிக்கலாம்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

இரவு நித்திரைக் குடிநீர்

தூக்கமின்மை பலரையும் பாதித்துவருகிறது. இதைப் போக்க எளிய மூலிகைகளைக்கொண்டு இரவு வேளையில் தேநீர் தயாரித்து அருந்தலாம். `காட்டுக் கொடி தோடை’ என்ற ஒரு மூலிகை உண்டு. இது மிகச் சாதாரணமாக பூங்காக்கள் மற்றும் சாலையோர வேலிகளில் படர்ந்து வளரும். மஞ்சள் மற்றும் ஆரஞ்சு நிறப் பழங்கள் நிறைந்து காணப்படும் இந்தக் கொடியின் இலைகளுடன் சுக்கு, கொத்தமல்லி விதைகள், நாட்டுச்சர்க்கரை சேர்த்துக் கொதிக்கவைக்க வேண்டும். இந்தக் கொதிநீர் சளி, இருமலைப் போக்கும்.  பெண்களின் கர்ப்பப்பையை வலிமை பெறச் செய்யும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

கறிவேப்பிலைத்தழை நீர்

ஒரு டம்ளர் நீரை நன்றாகக் கொதிக்கவைத்து கீழே இறக்கிக்கொள்ள வேண்டும். அதில் ஒரு கைப்பிடி கறிவேப்பிலையைப் போட்டு, சுமார் இரண்டு மணி நேரம் ஊறவைக்க வேண்டும். அதை வடிகட்டி, தேவையான அளவு எலுமிச்சைச் சாறு, தேன் சேர்த்து வெறும் வயிற்றில் குடிக்கலாம். கறிவேப்பிலையை மையாக அரைத்து, ஒரு டம்ளர் மோருடன் கலந்து, ஒரு நாளைக்கு இரண்டு தடவை குடிக்கலாம்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

கறிவேப்பிலைத்தழை நீர்

ஒரு டம்ளர் நீரில் நான்கைந்து கறிவேப்பிலைகளைப் போட்டு நன்றாகக் கொதிக்கவைத்து வடிகட்டி, அவ்வப்போது குடிக்கலாம். கறிவேப்பிலை, உப்பு சேர்த்து அரைத்து, நீரில் கலந்து வடிகட்டி, அதனுடன் எலுமிச்சைச் சாறு, தேன் கலந்தும் குடிக்கலாம். இந்த நீர், முடி வளர்ச்சிக்கு உதவும். இளநரை, முடி உதிர்தல், சூட்டினால் ஏற்படும் கண் தொடர்பான பாதிப்புகள் ஏற்படாமல் தடுக்கும். வயிற்றில் நோய்த்தொற்றுகள் ஏற்படாமல் தடுக்கும். குடல் புழுக்களை அகற்றி, பசியைத் தூண்டும்; உடலுக்குத் தேவையான இரும்புச்சத்தையும் அளிக்கும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

புதினாத்தழை நீர்

உடலுக்குக் குளிர்ச்சியையும் புத்துணர்ச்சியையும் தரக்கூடியது புதினா. இதன் இலைகளைக் கொதிக்கும் நீரில் போட்டு வடிகட்டி, தேவையான அளவு நாட்டுச்சர்க்கரை சேர்த்துக் குடிக்கலாம். புதினா இலைகளை வாணலியில் போட்டு வதக்கி, பிறகு நீர்விட்டுக் கொதிக்கவைத்து வடிகட்டியும் அருந்தலாம். இதனால் குடல்புண்கள் நீங்கும்; வயிற்றெரிச்சல், வயிற்றுப் பொருமல், வாய்வுத் தொல்லை, மலச்சிக்கல் நீங்கும். செரிமானக் கோளாறுகள் விலகும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

புதினாத்தழை நீர்

கைப்பிடி புதினா இலையை எடுத்து, சிறு துண்டு இஞ்சி சேர்த்து மையாக அரைக்க வேண்டும். அதனுடன் நீர்விட்டு வடிகட்டி, எலுமிச்சைச் சாறு, தேன் அல்லது நாட்டுச்சர்க்கரை சேர்த்து அருந்தினால் வாந்தி, வயிற்றுப்போக்கு சரியாகும். வாயிலுள்ள பாக்டீரியாவை அழித்து வாய் நாற்றத்தைப் போக்கும். மூக்கடைப்பு, சைனஸ் தொந்தரவு இருப்பவர்கள், ஆஸ்துமாவால் பாதிக்கப்படுபவர்கள் அடிக்கடி புதினா நீரைக் குடிக்க வேண்டும். தொடர்ந்து இடைவிடாமல் விக்கல் வந்தால், கைப்பிடி புதினாவை எடுத்து 100 மி.லி நீரில் போட்டுக் கொதிக்கவைத்து, வடிகட்டிக் குடித்தால் பலன் கிடைக்கும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

கருஞ்சீரகக் குடிநீர்

தண்ணீரைக் கொதிக்கவைத்து இறக்கி, அதில் கருஞ்சீரகத்தைப் பொடியாக்கிச் சேர்த்து, அரை மணி நேரம் ஊறவைத்து அருந்தலாம். இரவு தூங்கச் செல்வதற்கு முன்னர் இந்தக் கருஞ்சீரகக் குடிநீரை அருந்திவந்தால் சிறுநீரகக் கற்கள் மற்றும் பித்தப்பைக் கற்கள் கரையும். கோடைக்காலத்தில் சிறுநீரகக் கற்கள், பித்தப்பைக் கற்களால் அவதிப்படுபவர்களுக்கு இது எளிய மருந்து. கருஞ்சீரகத்தைப் பொடியாக்கி, ஒரு டீஸ்பூன் அளவு வெந்நீரில் கலந்து, தேன் சேர்த்து அருந்தலாம். ஒரு டீஸ்பூன் கருஞ்சீரகப் பொடியுடன் தேன், அரை டீஸ்பூன் பூண்டு விழுது சேர்த்துச் சாப்பிட்டால், தொடர் இருமல் விலகும். நுரையீரலில் தேங்கியிருக்கும் சளியும் அகலும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

கருஞ்சீரகக் குடிநீர்

கருஞ்சீரகத்திலுள்ள `தைமோகுயினோன்' என்ற வேதிப் பொருள், நோய் எதிர்ப்பு சக்தியை அளிப்பதுடன், புற்றுநோய்க்கு எதிராகச் செயல்படக்கூடியது. அத்துடன் கெட்ட கொழுப்பையும் கரைக்கும்; கரப்பான், சோரியாசிஸ் உள்ளிட்ட அனைத்துவிதமான சரும நோய்களையும் கட்டுப்படுத்தும் என்பதால், கருஞ்சீரகத்தை எந்த வடிவத்தில் வேண்டுமானாலும் சாப்பிடலாம்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

வேப்பம்பூ ஊறல் நீர்

உலர்ந்த வேப்பம்பூவை அரை டீஸ்பூன் அளவு எடுத்து, வெந்நீர் ஊற்றி, இரவு முழுவதும் ஊறவைக்கவும். அதை மறுநாள் காலை வடிகட்டி வெறும் வயிற்றில் குடிக்கலாம். இந்த ஊறல் நீரைக் குடிப்பதால், உடல் தளர்ச்சி நீங்கி, உடல் பலம் பெறும். தொடர்ந்து சில நாள்கள் அருந்துவதால், கல்லீரல் பாதிப்புகள் சரியாகும். உடலில் எங்காவது புண்கள் ஏற்பட்டிருந்தால், அவை விரைவில் ஆறும். பித்தம், வாதம் போன்றவற்றால் ஏற்படும் நோய்களும் குணமாகும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

வேப்பம்பூ ஊறல் நீர்

ஆண்களுக்கு ஏற்படும் உயிரணுக் குறைபாடுகள் நீங்கும். பருமனான உடல்வாகு உள்ளவர்கள் வேப்பம்பூ ஊறல் நீரைக் காலையில் வெறும் வயிற்றில் தொடர்ந்து அருந்தி வந்தால், உடல் மெலியும். இது வேப்பம்பூ சீஸன் என்பதால், மரங்களிலிருந்து பறித்து, சுத்தப்படுத்தி, உலரவைத்துப் பயன்படுத்தலாம். வேப்பம்பூவைப்போலவே வேப்பம் பழமும் மருந்தாகப் பயன்படும். வேப்பம் பழத்தை நீரில் ஊறவைத்து, நன்றாகப் பிசைந்து வடிகட்டி, நாட்டுச்சர்க்கரை சேர்த்துக் குடிக்கலாம். இப்படிக் குடித்துவந்தால், சொறி, சிரங்கு குணமாகும்; உடல்சூடு தணியும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

சந்தன ஊறல் நீர்

சந்தன மரக்கட்டையைப் பொடிப் பொடியாக சீவி எடுத்து, அதனுடன் நான்கு பங்கு அளவு நீர் சேர்த்து, சுமார் மூன்று மணி நேரம் ஊறவைக்க வேண்டும். ஊறிய நீரை வடிகட்டி, 30 மி.லி அளவு குடித்தால் தாகம் தணியும்; வியர்வை மற்றும் அதனால் உண்டாகும் உடல் நாற்றம் மற்றும் சிறுநீர் எரிச்சல் போன்றவை நீங்கும். உடலைக் குளிர்ச்சியாக வைத்திருக்க இந்த சந்தன ஊறல் நீர் உதவும். சருமநோய்களால் பாதிக்கப்பட்டவர்கள் மற்றும் முதியவர்கள் இந்த நீரை அருந்திவந்தால், நோய் பாதிப்புகள் ஏற்படாமல் பாதுகாத்துக்கொள்ளலாம்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

நாவல் மர வேர் ஊறல் நீர்

நாவல் மரத்தின் வேரை ஒரு பாத்திரத்தில் போட்டு நீர் ஊற்றி, இரவில் ஊறவைக்க வேண்டும். அதை மறுநாள் காலையில் வடிகட்டி, வெறும் வயிற்றில் குடித்தால், உடல் குளிர்ச்சி அடையும். தொடர்ந்து குடித்துவந்தால், சர்க்கரைநோய் கட்டுக்குள் இருக்கும். நாவல் மர வேர் ஊறல் நீரை அருந்துவதால், ஆண்மைக் கோளாறுகள்கூட சரியாகும். வயிற்றுக்கடுப்பு, கழிச்சல்நோய் போன்றவையும் சரியாகும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

துளசி இலை ஊறல் நீர்

கைப்பிடி துளசி இலைகளை நன்றாகக் கழுவி, கால் லிட்டர் நீரில் ஊற்றி, இரவு முழுவதும் ஊறவைக்க வேண்டும். நன்றாக ஊறிய அந்த நீரை காலையில் வெறும் வயிற்றில் பருக வேண்டும். இந்த நீரை, மண்பானை அல்லது செம்பு பாத்திரத்தில் ஊற்றிவைத்தும் பயன்படுத்தலாம். காலையில் மட்டுமல்லாமல் மற்ற நேரங்களிலும்கூட அருந்தலாம். இந்த நீரைக் குடிப்பதால் நோய் எதிர்ப்பு சக்தி அதிகரிக்கும்; சளி, இருமல் மற்றும் தொற்றுநோய்கள் வராமலிருக்கும்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

தாழம்பூ குடிநீர்

தாழம்பூவை துண்டு துண்டாக நறுக்கி, நீர் ஊற்றிக் காய்ச்ச வேண்டும். நன்றாகக் கொதிவந்ததும், நீரை வடிகட்டி ஆறவைக்க வேண்டும். அதனுடன் தேவையான அளவு சர்க்கரை அல்லது நாட்டுச்சர்க்கரை சேர்த்து அருந்தினால் உடல் சூடு தணியும். பித்தநோய்கள் சரியாகும்; அளவுக்கதிகமாக சிறுநீர் வெளியாவது கட்டுப்படும். கோடைக்காலத்தில் அவ்வப்போது இந்தத் தாழம்பூ குடிநீரை அருந்திவந்தால் சூட்டினால் ஏற்படும் அம்மை, அக்கி போன்ற நோய்கள் வராமல் தடுக்கலாம்.

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

மாம்பட்டைக் குடிநீர்

மாம்பட்டையை நீர்விட்டுக் கொதிக்கவைத்து, வடிகட்டிக் குடிக்கலாம். இதனால் நரம்புகள் பலப்படும்; உடல் சூடு தணியும். சரும நோய்கள் வருவது தடுக்கப்படும். பித்தம் குறைவதுடன் செரிமானக் கோளாறுகள் சரியாகும்.  இதேபோல், மா இலைகளை நீரில் போட்டுக் கொதிக்கவைத்து வடிகட்டி, தேன் சேர்த்து அருந்தலாம். இதனால் ரத்தக்குழாய் அடைப்புகள் நீங்கும்; ரத்தக்குழாய் அடைப்பால் ஏற்படும் `வெரிக்கோஸ் வெயின்’ எனப்படும் நரம்புச்சுருள் நோயும் விலகும். உடலில் தேங்கியிருக்கும் நச்சுகளை நீக்கி, உடலின் செயல்திறனைப் பாதுகாக்கும்.

- தொகுப்பு: எம்.மரிய பெல்சின் 

- அட்டைப்படம்: மதன்சுந்தர்

வெயிலை விரட்டலாம்... உடலை உறுதியாக்கலாம்... தண்ணீரே மருந்து!

டலையும் உள்ளத்தையும் நல்வழிப்படுத்தும் வழிகள், உணவுப் பழக்கங்கள், உடற்பயிற்சிகள் முதலிய வாழ்வியல் முறைகளை அறியவும், மருத்துவ உலகின் ஆச்சர்யங்களை விரல்நுனியில் தெரிந்துகொள்ளவும் ‘டாக்டர் விகடன்’ சோஷியல் நெட்வொர்க்கிங் பக்கங்களில் இணைந்திடுங்கள்.